ក្រសួង​អប់រំយកចិត្តទុកដាក់ លើលទ្ធផល​គុណភាពក្នុង​វិស័យ​អប់រំ​នៅកម្ពុជា

ដើម្បីឆ្លើយតបទៅ និងតម្រូវការនៃការកើនឡើងចំពោះថ្នាក់បឋមសិក្សា  មធ្យមសិក្សា និងឧត្តមសិក្សា រួមទំាងការចុះឈ្មោះចូលរៀនរបស់សិស្ស និងនិស្សិតយ៉ាងគំហុកដែលហួសពីសមត្ថភាពនៃគ្រឹះស្ថានសិក្សារដ្ឋមិនអាចស្រូបយកបាន។ រាជរដ្ឋាភិបាលបានដាក់ចេញនៅគោលនយោបាយបើកទូលាយ ដែលអនុញ្ញាតឱ្យធ្វើឯកជនភាវូបនីយកម្មក្នុងអំឡុងពាក់កណ្តាល ទស្សវត្សរ៌ឆ្នំា១៩៩០។ ហើយចាប់តំាងពីឆ្នំា២០០២រហូតមកនិន្នាការឯកជនភាវូបនីយកម្មបានវិវឌ្ឍរីកចម្រើនគួឱ្យកត់សម្គាល់។ ក្រៅពីការពង្រីកគ្រឹះស្ថានសិក្សា   រាជរដ្ឋាភិបាលបានដាក់ចេញនៅគោលនយោបាយស្តីពីការធានាគុណភាពអប់រំក្នុងវិស័យឧត្តមសិក្សាឱ្យស្រមតាមស្តង់ដារជាតិ អន្តរជាតិនិងតម្រូវការអភិវឌ្ឍរបស់ប្រទេស នាបច្ចុប្បន្ន និងអនាគត។ នេះជាការលើកឡើងរបស់ រដ្ឋមន្រ្តីក្រសួងអប់រំយុវជននិងកីឡា លោករដ្ឋមន្ត្រី ហង់ ជួន ណារ៉ុន ថ្លែងក្នុងពិធីសន្និបាទប្រចំាឆ្នំារបស់សមាគមគ្រឹះស្ថានឧត្តនឹសិក្សា កម្ពុជា ស្តីពី មាគ៌ាឆ្ពោះទៅរកការធានាគុណភាពអប់រមនៅកម្ពុជា។

លោកមានប្រសាសន៌បន្តថា   ដើម្បីនំាមកនៅគុណភាពគ្រប់កម្រិតសិក្សាដែលជាមូលដ្ឋានគ្រឹះនៃវិស័យះអប់រំ ពិសេសឧត្តមសិក្សា ដែលជាភូមិសិក្សាចុងក្រោយសម្រាប់ពង្រីងសមត្ថភាពនិសិត្យជាប្រយោជន៌ ឈានទៅប្រកួតប្រជែងជាមួយបណ្តានិសិត្យក្នុងតំបន់ និងអន្តរជាតិ។ ព្រោះថា ការអប់រំប្រកបដោយគុណភាព និងចីរភាពគឺជាកូនសោសម្រាប់បើកទ្វារ ឆ្ពោះទៅកាន់ភាពជោគជ័យ  នៃវិស័យអប់រំ ក៏ដូចជាភាពជោគជ័យនៃផែនការអភិវឌ្ឍជាតិផងដែរ។លោករដ្ឋមន្ត្រីបញ្ជាក់ថា ដើម្បីពង្រឹងគុណភាពសិក្សា គឺធ្វើយ៉ាងណាកែលម្អការបណ្តុះបណ្តាលធនធានមនុស្ស  តាមរយៈអភិវឌ្ឍកម្មវិធីសិក្សា  ការធ្វើទំនើបកម្មបច្ចេកទេសសិក្សា    រួមទំាងការសិក្សាស្រាវជ្រាវនិងប្រសិទ្ធភាពអប់រំមួយយ៉ាងពិតប្រាកដ។

លោករដ្ឋមន្ត្រីបញ្ជាក់បន្ថែមថា  ដើម្បីទទួលបានលទ្ធផលល្អនិងឆ្លើយតបគោលដៅក្រសួងអប់រំយុវជននិងកីឡា ដែលបានដាក់ចេញនៅ ផែនការយុទ្ធសាស្ត្រដំណាក់កាលទី៣  និងផែនការយុទ្ធសាស្រ្តអភិវឌ្ឍជាតិឆ្នំា២០១៣ .   ២០១៨ របស់រាជរដ្ឋាភិបាលក្រសួងបានយកចិត្តទុកដាក់ លើលទ្ធផលគុណភាពក្នុងវិស័យអប់រំ។

បើតាមរបាយការណ៏ លោក លី ឆេងប្រធានគណៈប្រតិបត្តិសមាគមគ្រឹះស្ថានឧត្តមសិក្សា កម្ពុជា មានប្រសាសន៏ថា  សមាគមនេះបង្កើតឡើងតំាងពីឆ្នំា២០០៤ ក្នុងគោលបណងជួយពង្រឹងសេវាអប់រំប្រកបដោយគុណភាព  ប្រមូលផ្តុំធនធានបញ្ញា ដើម្បី ងាយស្រួលធ្វើការផ្លាស់ប្តូរមតិយោបល់ ទស្សនៈ បទពិសោធន៏ និងធ្វើកិច្ចសហប្រតិបត្តិការ ជាមួយស្ថាប័ននានា ទំាងក្នុងប្រទេសនិងក្រៅប្រទេស។ លោករដ្ឋមន្ត្រីបន្តថា   ការរីកចម្រើន របស់សមាគមគ្រឹះស្ថានឧត្តមសិក្សា កម្ពុជា គឺបានមកដោយសារការសហការចូលរួមពីសំណាក់សមាជិក សមាគម  និងមានការគំាទ្រពីក្រសួងអប់រំយុវជននិងកីឡា។ ជាពិសេសដោយមានគោលនយោបាយដឹកនំាដ៏ត្រឹមត្រូវរបស់រាជរដ្ឋាភិបាលកម្ពុជា   បានធ្វើឱ្យប្រទេសជាតិទំាងមូល  ទទួលបាននូវសុខសន្តិភាពពេញលេញ មានស្ថេភាពនយោបាយ និងមានការអភិវឌ្ឍលើគ្រប់វិស័យ។

ប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជា លោក ហេង វ៉ាន់ដា មានប្រសាសន៏ថា ដើម្បី កំណត់បានភាគីពាក់ព័ន្វ នានា ៦ ចំណុច សំខាន់ ដែលយកមកធ្វើជាមូលដ្ឋាន ដើម្បីកំណត់មាគ៌ាឆ្ពោះទៅរកគុណភាពអប់រំនៅកម្ពុជា សមាគមគ្រឹះស្ថានឧត្តមសិក្សា បានជ្រើសរើសយក នៅចំណុចប្រឈមនានាដែលវាគ្មិនលើកឡើង   និង  ពង្រឹងគុណភាពជាមួយក្រសួងអាណាព្យាបាល ។

អត្ថបទ សៅ ធី