សម្តេចក្រឡាហោម ស ខេង ឧបនាយករដ្ឋមន្ត្រី
រដ្ឋមន្ត្រីក្រសួងមហាផ្ទៃ អំពាវនាវឲ្យប្រជាពលរដ្ឋគ្រប់មជ្ឈដ្ឋាននិងអង្គការសមាគមជាតិអន្តរជាតិចូលរួមសហការជាមួយកងកម្លាំងនគរបាលជាតិ
គ្រប់លំដាប់ថ្នាក់ ដើម្បីធ្វើឲ្យសន្តិសុខ
សណ្តាប់ធ្នាប់សង្គមឲ្យមានភាពល្អប្រសើរថែមទៀត។ សម្តេចក្រឡាហោម ស ខេង
ថ្លែងអំពាវនាវដូច្នេះក្នុងឱកាសប្រារព្វពិធីអបអរសាទរ ខួបអនុស្សាវរីយ៍លើកទី៧១ (១៦ ឧសភា១៩៤៥-១៦ ឧសភា ២០១៦)
ថ្ងៃកំណើតនគរបាលជាតិម្ពុជា។
ក្នុងឱកាសប្រារព្ធខួបថ្ងៃកំណើតនគរបាលជាតិនាព្រឹកថ្ងៃទី១៦ ខែឧសភាឆ្នាំ២០១៦នេះ សម្តេចក្រឡាហោម ស ខេង បានថ្លែង ថា កន្លងមក កងកម្លាំងនគរបាលជាតិ ដែលបានប្រសូតចេញពីកូនចៅពលដ្ឋខែ្មរគ្រប់ជំនាន់បានឆ្លងកាត់ឧបសគ្គជាច្រើន ហ៊ានពលីជីវិតគ្រប់បែបយ៉ាង និងបានប្រកៀកស្មាជាមួយកងយោធពលខេមរភូមិន្ទការពារជាតិ សាសនា ព្រះមហាក្សត្រ ការពាររដ្ឋធម្មនុញ្ញ និងរាជរដ្ឋាភិបាល ស្របច្បាប់កើតចេញពីការបោះឆ្នោត។
ក្នុងឱកាសប្រារព្ធខួបថ្ងៃកំណើតនគរបាលជាតិនាព្រឹកថ្ងៃទី១៦ ខែឧសភាឆ្នាំ២០១៦នេះ សម្តេចក្រឡាហោម ស ខេង បានថ្លែង ថា កន្លងមក កងកម្លាំងនគរបាលជាតិ ដែលបានប្រសូតចេញពីកូនចៅពលដ្ឋខែ្មរគ្រប់ជំនាន់បានឆ្លងកាត់ឧបសគ្គជាច្រើន ហ៊ានពលីជីវិតគ្រប់បែបយ៉ាង និងបានប្រកៀកស្មាជាមួយកងយោធពលខេមរភូមិន្ទការពារជាតិ សាសនា ព្រះមហាក្សត្រ ការពាររដ្ឋធម្មនុញ្ញ និងរាជរដ្ឋាភិបាល ស្របច្បាប់កើតចេញពីការបោះឆ្នោត។
សម្តេចក្រឡាហោម បានបន្ដថា កម្លាំងនគរបាលជាតិ ក៏បានបំពេញតួនាទី ភារកិច្ចរបស់ខ្លួនរាប់មិនអស់ ក្នុងស្មារតីទទួលខុសត្រូវខ្ពស់ ការពារឯករាជ្យ អាធិបតេយ្យភាពជាតិ បូរណភាពទឹកដី រក្សាស្ថិរភាពនយោបាយ ប្រឆាំងទប់ស្កាត់រាល់ឧបាយកលប៉ុនប៉ងធ្វើវិទ្ធង្សនា អំពើភេរវកម្ម បង្កា និងបង្ក្រាបឧក្រិដ្ឋកម្មឆ្លងដែន បទល្មើសព្រហ្មទណ្ឌគ្រប់ប្រភេទ និងការពារអាយុជីវិត ទ្រព្យសម្បត្តិប្រជាពលរដ្ឋ រក្សាសុខសុវត្ថិភាពនៅមូលដ្ឋាន និងរបៀបរៀបរយសណ្តាប់ធ្នាប់សាធារណៈក្នុងសង្គម ក្រៅពីនេះកងកម្លាំងនគរបាលក៏បានចូលរួមលេណដ្ឋានសមរភូមិ ជាមួយកងទ័ពនៃកងយោពលខេមរភូមិន្ទការពារខែ្សបន្ទាត់បង្គោលខណ្ឌសីមាព្រំដែនផងដែរ។
សម្តេចក្រឡាហោម ស ខេង បន្ថែមថា តាមរយៈកិច្ចខិតខំថែរក្សាការពារសន្តិសុខសណ្តាប់ធ្នាប់នោះ បានជំរុញឲ្យកម្ពុជា មានស្ថេរភាពនយោបាយ បន្តសម្រេចបានកំណើនសេដ្ឋកិច្ចក្នុងរង្វង់៧ភាគរយនិងចំណូលប្រជាពលរដ្ឋជាមធ្យមម្នាក់ៗ កើនដល់១៣២៥ដុលា្លរអាមេរិកក្នុងមួយឆ្នាំ។
នាយឧត្តមសេនីយ៍ នេត សាវឿន អគ្គស្នងការនគរបាលជាតិបានថ្លែងបញ្ជាក់ថាក្នុងឆ្នាំ២០១៥កន្លងមក នគរបាលជាតិបានប្រមូលផ្តុំអនុវត្តភារកិច្ចស្នូលរបស់ខ្លូន ក្នុងការថែរក្សាសន្តិសុខសង្គមធ្វើឲ្យបទល្មើសបន្តថយចុះ៤% បន្ថែមទៀត បើធៀបឆ្នាំ២០១៤ ដែលមានត្រឹម ២៧០៨ករណី លើ២៨១៤ករណីនិងបានចាត់វិធានការបង្ក្រាប បណ្តាករណីបទល្មើសកើនឡើងរហូតដល់៧៩% ឃាត់ខ្លួនជនល្មើសបានជាង៣០០០នាក់៕
