ខេត្តកំពង់ឆ្នាំង បើកកិច្ចប្រជុំអនុវត្តផែនការរៀបចំសណ្តាប់ធ្នាប់សាធារណៈ និងការអភិវឌ្ឍតំបន់មាត់ទន្លេ

កំពង់ឆ្នាំង៖ នៅថ្ងៃទី៦ ខែកុម្ភៈ ឆ្នាំ២០១៩ នៅសាលប្រជុំសាលាខេត្តកំពង់ឆ្នាំង មានបើកកិច្ចប្រជុំក្រុមការងារទទួលបន្ទុក ចាត់តាំងអនុវត្ត ផែនការរៀបចំសណ្តាប់ធ្នាប់សាធារណៈ សោភ័ណភាព និងការអភិវឌ្ឍតំបន់មាត់ទន្លេ នៃក្រុងកំពង់ឆ្នាំង បន្តអនុវត្តផែនការ ៥ឆ្នាំ (២០១៥ ដល់ ២០១៩) អោយសម្រេចបានជោគជ័យ ការផ្សព្វផ្សាយអនុក្រឹត្យលេខ៩៨ និងពិនិត្យលើករណីប្រជាពលរដ្ឋកំពុងធ្វើផ្ទះ និង កញ្ចុះ ខ្ទម មិនស្របច្បាប់ នៅទំនប់ទួលអំពិលសង្កាត់កំពង់ឆ្នាំង ក្រុងកំពង់ឆ្នាំង។

កិច្ចប្រជុំប្រព្រឹត្តទៅក្រោមអធិបតីភាពលោក ឈួរ ច័ន្ទឌឿន អភិបាលខេត្តកំពង់ឆ្នាំង ដោយមានការចូលរួមពីលោក ស៊ុន សុវណា្ណរិទ្ធ អភិបាលរងខេត្ត លោក លោកស្រីសមាជិកសមាជិកាក្រុមការងាររបស់ខេត្តចូលរួមផងដែរ ៕