ខេត្តកំពង់ឆ្នាំង រៀបចំពិធីបើកវគ្គបណ្តុះបណ្តាល ស្តីពីជំនាញស្វែងរកការគាំទ្រមតិលើបញ្ហាយេនឌ័រ និងពិការភាព

កំពង់ឆ្នាំង៖ ក្រុមការងារសកម្មភាពជនពិការក្រសួងកិច្ចការនារី នៅថ្ងៃទី៦ ខែកុម្ភៈ ឆ្នាំ២០១៩ បានរៀបចំបើកវគ្គបណ្តុះបណ្តាលស្តីពី ជំនាញស្វែងរកការគាំទ្រមតិលើបញ្ហាយេនឌ័រ និងពិការភាព ក្រោមអធិបតីភាពលោកស្រី ញ៉ែម មរកត អនុរដ្ឋលេខាធិការ ក្រសួងកិច្ចការនារី និងលោកស្រី ប៉ាល់ យឿន អភិបាលរងខេត្តកំពង់ឆ្នាំង និងសិក្ខាកាមចូលរួមមកពីរាជធានី ខេត្ត ចំនួន៨។

គោលបំណងនៃវគ្គបណ្តុះបណ្តាលនេះគឺដើម្បីលើកកម្ពស់ សមត្ថភាព មន្រ្តីពិការភាព ជាពិសេសផ្តោតលើស្រ្តី នៃក្រសួងកិច្ចការនារី និងក្រសួងស្ថាប័នពាក់ព័ន្ធ អំពីជំនាញស្វែងរកការគាំទ្រមតិ លើបញ្ហាយេនឌ័រ និងពិការភាព។ វគ្គបណ្តុះបណ្តាលនេះធ្វើឡើងរយៈពេល ៣ថ្ងៃ គឺចាប់ពីថ្ងៃទី៥ ដល់ថ្ងៃទី៧ ខែកុម្ភៈ ឆ្នាំ២០១៩។

នៅក្នុងពិធីនោះ ក៏មានការចូលរួមពីលោក លោកស្រីប្រធាន អនុប្រធានមន្ទីរ អង្គភាពក្នុងខេត្ត លោក លោកស្រីជាជនបង្គោល ក្រុង/ស្រុក ចូលរួមផងដែរ ៕