ប្រធានមន្ទីរអភិវឌ្ឍន៍ជនបទ ខេត្តស្វាយរៀង ចុះពិនិត្យការសាងសង់បង្គន់អនាម័យសាធារណៈ

នៅថ្ងៃទី០២ ខែសីហា ឆ្នាំ២០១៧ លោក ហុក បូទី​ ប្រធានមន្ទីរ​អភិវឌ្ឍន៍ជនបទខេត្តស្វាយរៀង និងមន្រ្តីការិយាល័យថែទាំសុខភាពជនបទ​ បានចុះពិនិត្យការសាងសង់បង្គន់អនាម័យសាធារណៈចំនួន ០៣ ខ្នង ១០ បន្ទប់។

ការសាងសង់បង្គន់អនាម័យនោះ មានទីតាំងដូចជា៖ ០១ ខ្នង ០៤ បន្ទប់ នៅសាលាបឋមសិ​ក្សាតាជៃ ០១ ខ្នង ០៤ បន្ទប់ នៅអនុវិទ្យាល័យហ៊ុន សែនតាជៃ និង០១ ខ្នង ០២ បន្ទប់ នៅសាលាបឋមសិក្សាតាស្អាង។ ជាលទ្ធផលសម្រេចបានប្រហែល ៨៥% ចំពោះការសាងសង់បង្គន់អនាម័យសាធារណៈនៅសាលាបឋមសិក្សាតាស្អាង នឹងចាប់ផ្តើមសាងសង់នៅក្នុងសប្តាហ៍ទី០៣ ខែសីហា ឆ្នាំ២០១៧​ខាងមុខនេះ៕