ក្រសួងពាណិជ្ជកម្ម ដាក់ចេញវិធានការរយៈពេលខ្លីដើម្បីលើកស្ទួយតម្លៃពោតក្រហមជូនប្រជាកសិករ និងម្ចាស់សៃឡូ (អ្នកទិញ-លក់បន្ត)

ក្នុងគោលបំណងស្វែងរកដំណោះស្រាយសមស្របសំដៅឆ្លើយតបនឹងការតវ៉ារបស់ប្រជាពលរដ្ឋជុំវិញការធ្លាក់ចុះនៃតម្លៃពោតក្រហមពី៤៤០រៀល មកត្រឹម ៣៦០រៀលនៅក្នុងស្រុកកំរៀង និងស្រុកភ្នំព្រឹកនៃខេត្តបាត់ដំបង ក្រសួងពាណិជ្ជកម្ម បានឯកភាពដាក់ចេញនូវផែនការរយៈពេលខ្លីដើម្បីលើកស្ទួយតម្លៃពោតក្រហមជូនប្រជាកសិករ និងម្ចាស់សៃឡូ។

សេចក្តីប្រកាសព័ត៌មានរបស់ក្រសួងពាណិជ្ជកម្ម បានបញ្ជាក់ថា ភ្នាក់ងារគយ និងកាំកុងត្រូល នឹងបញ្ឈប់ការយកកម្រៃលើការនាំចេញកសិផលពោតចាប់ពីថ្ងៃនេះតទៅ ហើយក្រសួងនឹងចងក្រងរបាយការណ៍ដើម្បីស្នើសុំទៅប្រមុខរាជរដ្ឋាភិបាល និងស្ថាប័នពាក់ព័ន្ធធ្វើការកាត់បន្ថយការបង់ចំណាយក្រៅផ្លូវការឱ្យបាន១០០%។ល។ និងល៕