ក្រសួងសុខាភិបាល ប្រកាសប្រឡងជ្រើសរើស​ មន្រ្តីរាជការ​ចំនួន៧១០នាក់ ​ដើម្បី​ បម្រើការងារ​ នៅតាម​អង្គភាពនានា​ ក្នុងឆ្នាំ២០១៧​

ក្រសួងសុខាភិបាល នៅថ្ងៃទី០៥ ខែឧសភា ឆ្នាំ២០១៧ បានចេញសេចក្ដីជូនដំណឹង ដោយប្រកាសប្រឡងជ្រើសរើស មន្រ្តីរាជការចំនួន៧១០នាក់ ដើម្បីដាក់ឲ្យទៅបម្រើការងារ នៅតាមអង្គភាពនានា ក្នុងឆ្នាំ២០១៧។

ក្នុងសេចក្ដីជូនដំណឹងរបស់ក្រសួងក្រសួងសុខាភិបាល បានបញ្ជាក់ថា ចំពោះការដាក់ពាក្យសុំចុះឈ្មោះប្រឡង មាននៅនាយកដ្ឋានគ្រប់គ្រងបុគ្គលិក នៃក្រសួងសុខាភិបាល ចាប់ពីថ្ងៃជូនដំណឹងនេះតទៅ រហូតដល់ថ្ងៃទី១៦ ខែមិថុនា ឆ្នាំ២០១៧ វេលាម៉ោង១៧៖០០នាទី រៀងរាល់ម៉ោងធ្វើការ។ ចំពោះកាលបរិច្ឆេទនៃការប្រឡង ប្រពឹត្តទៅនៅថ្ងៃអាទិត្យ ទី២៣ ខែកក្កដា ឆ្នាំ២០១៧ នៅវេលាម៉ោង២៖៣០រសៀល ដោយឡែក ចំពោះមណ្ឌលប្រឡង ក្រសួងសុខាភិបាល នឹងជូនដំណឹងនៅពេលក្រោយទៀត៕