លោក សុខ សង្វា និងក្រុមគ្រួសារ ថ្លែងអំណរគុណ លោក ហ៊ុន ម៉ានី ដែលបានផ្តល់ឈ្មោះតួអង្គនិមិត្តរូបឆ្នាំរកាថា “គជសីហ៍”

យោងតាមគណនីហ្វេសប៊ុករបស់ លោក សុខ សង្វា អគ្គនាយករងអាជ្ញាធរជាតិអក្សរា ដែលបានបង្ហោះផ្សាយកាលពីពេលថ្មីៗនេះបានលើកឡើងថា ក្រុមគ្រួសាររបស់លោក សូមដឹងគុណ និងថ្លែងអំណរគុណយ៉ាងជ្រាលជ្រៅជូនចំពោះលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងសមាជិក សមាជិកាទាំងអស់ ដែលបានផ្តល់ឈ្មោះតួអង្គនិមិត្តរូបឆ្នាំរកានៃព្រឹតិ្តការណ៍អង្គរសង្រ្កាន្តឆ្នាំ២០១៧ គឺ «បងគជសីហ៍» ជាឈ្មោះដែលលោកឪពុករបស់លោកមានការស្រលាញ់ពេញចិត្ត សម្រាប់ជាការចងចាំដល់លោកឪពុករបស់លោក គឺលោកឧបនាយករដ្ឋមន្ត្រី សុខ អាន ដែលតែងបានគាំទ្រ ជម្រុញ លើកទឹកចិត្ត និងតាមដានយ៉ាងយកចិត្តទុកខ្ពស់សម្រាប់ព្រឹត្តិការណ៍អង្គរសង្រ្កាន្តនាពេលកន្លងមក៕