លោក សុខ ឥសាន ៖ ការសន្យាដែលនាំឱ្យប្រជាជនខកចិត្ត

នៅព្រឹកថ្ងៃទី០៣ ខែមីនា ឆ្នាំ២០១៧ នេះ លោក សុខ ឥសាន អ្នកនាំពាក្យរបស់គណបក្សប្រជាជនកម្ពុជាបានបញ្ចេញនូវទស្សនៈមួយដែលមានចំណងជើងថា “ការសន្យាដែលនាំឱ្យប្រជាជនខកចិត្ត” ដែលមានអត្ថន័យទាំងស្រុងដូចតទៅ៖

ដេីម្បីមហិច្ឆិតាអំណាច អ្នកនយោបាយ មិនខ្លាចញញេីតក្នុងការភូតភរ កុហក បោកប្រាស់ប្រជាជនទេ គឺធ្វេីយ៉ាងណាឲ្យតែបានសន្លឹកឆ្នោត ទោះបីផ្តល់ផលវិបាកដល់ប្រជាជនយ៉ាងណាក្តី គេមិនឈឺក្បាលនោះទេ ។ ជាក់ស្តែង បក្សប្រឆាំងបានឃោសនាបោកប្រាស់ជាច្រើនដងមកហេីយ តែលទ្ធផល គ្មានបានអ្វីដល់ប្រជាជនទេ បានត្រឹមខកចិត្តប៉ុណ្ណោះ ៖
– ឱ្យប្រាក់ខែ យ៉ាងតិច ១លានរៀល តែដល់ជាក់ស្តែង រាជរដ្ឋាភិបាលបច្ចុប្បន្នបានដោះស្រាយជូនមន្ត្រីរាជការ រួចហេីយ ។
– យាយៗតាៗ ត្រូវបានការឧបត្ថម្ភ ៤ ម៉ឺនរៀល ក្នុង ១ ខែ តែអត់រហូតដល់ឥទ្បូវនេះ ។
– ឃុំណាជាប់មេឃុំ ឲ្យទៅទស្សនកិច្ចសិក្សានៅអាមេរិក បារាំង រយៈពេល ១ ខែ ៣ ខែ អត់។
– ជួយរកទីផ្សារនៅបារាំងសំរាប់លក់ ត្រកួន ផ្កាកំប៉្លោក ស្លឹកស្តៅ ស្លឹកគ្រៃ ។ល។ អត់
– ឃុំជាប់ឆ្នោត ផ្តល់ទ្បានពេទ្យ ១ គ្រឿងសំរាប់ដឹកអ្នកជម្ងឺ អត់បាន តែមានតែរថយន្តរបស់គណបក្សប្រជាជនកម្ពុជា ទៅវិញ ។
– បេីគេជាប់ឆ្នោត គេនឹងលប់ចោលបំណុលធនាគារ ទាំងអស់ ធ្វេីឲ្យប្រជាជនមួយចំនួនធំកំពុងវណ្ឌកដោយបំណុលមីក្រូហិរញ្ញវត្ថុ មានឃេីញអ្នកណាចេញសង ឬ លុបចោលឬទេ ?
– គេនឹងលុបចោលបំណុលថ្លៃជីកសិកម្ម តេីមានបានលុបឬទេ បេីអ្នកលក់ជីជាឯកជននោះ ?
– គេនឹងយកប្រាក់ពុករលួយ ជាង ១០០០ លានដុល្លាក្នុង ១ឆ្នាំ មកតម្លេីងប្រាក់ខែ និងមកអភិវឌ្ឈន៏ភូមិ ឃុំ ។ តេីលុយពុករលួយនោះនៅឯណា ?
– គេនឹងតម្លេីងប្រាក់ខែកម្មករឱ្យខ្ពស់ ដោយដេញចោលពួកថៅកែចិត្តខ្មៅឲ្យអស់ ហេីយរកថៅកែចិត្ត សមកជំនួសវិញ ។
– យកដីពីអ្នកមានមកចែកអ្នកក្រ តេីអាចទេ បេីសុទ្ធតែជាកម្មសិទ្ធិឯកជនរបស់គេ ?
– លុបចោលវិនិយោគបរទេស ណាដែលយល់ថាជិះជាន់កម្មករ ។
– សន្យាផ្តល់កន្លែងធ្វេីការឲ្យសកម្មជនទាំងអស់ តែក៏ធានារក្សាទុកកន្លែងឲ្យមន្ត្រីរាជការបច្ចុប្បន្ននៅដដែល តេីបានកន្លែងណាឲ្យ ?
– ស្រុក ខ័ណ្ឌ និងខេត្ត និមួយៗមានប្រធានតែ ១ ទេ តែគេសន្យា ៤ ៥នាក់ តេីបានកន្លែងណាសំរាប់ការសន្យានោះ ?
– បេីគេឈ្នះ មិនខ្វះលុយសំរាប់អភិវឌ្ឈន៏ទេ សហរដ្ឋអាមេរិក ចាំតែជួយតេីកុំព្រួយ ។ គ្រាន់តែបំណុលតាំងពីជំនាន់លន់ ណុល អាមេរិកមិនទាំងលុបផង តេីសង្ឃឹមអី ?
ការនិយាយងាយស្រួលណាស់ ប៉ុន្តែការអនុវត្ត នោះទេីបលំបាក ។ តែដេីម្បីឈ្នះគេមិនខ្លាចសន្យាទ្បេីយ ។
ដូច្នេះមានតែការប្រុងប្រយ័ត្នប៉ុណ្ណោះ ទេីបគេចផុតពីការបោកប្រាស់ ការសន្យាខ្យល់ ។
សូមបងប្អូនប្រជាជន ស្រវ៉ាយកការពិតជាក់ស្តែងបានមកក្នុងដៃ ឃេីញនឹងភ្នែក ទេីបជាការពិតបានផលប្រយោជន៏ពិតៗឥតក្លែងក្លាយ ។សូមកុំជឿការបោកប្រាស់ ការសន្យាអត់ពិតប្រាកដ មិនបានផលស្អីទ្បេីយ បានតែចាញ់បោកគេប៉ុណ្ណោះ នាំឈឺចិត្តអត់អំពេី៕