ក្រសួង​រៀបចំ​​ដែន​ដី បង្ហាញទី​​តាំងផ្ទះ​តម្លៃ​សមរ​ម្យ​មួយក​ន្លែង​ទៀត ស្ថិត​នៅស្រុ​ក​ពញាឮ ខេត្ត​កណ្ដាល

ភ្នំពេញ៖ លោក ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់នៅថ្ងៃទី០២ ខែមីនា ឆ្នាំ២០១៧ បានចូលរួមជាសក្សីភាពក្នុងពិធីចុះហត្ថលេខារវាងអគ្គនាយកដ្ឋានលំនៅដ្ឋាននៃក្រសួងរៀបចំដែនដី នគរូបនីយកម្ម និងសំណង់ ជាមួយក្រុមហ៊ុន ប៊ុន ជេស្ឋ គ្រុប លើកិច្ចសហប្រតិបត្តិការអភិវឌ្ឍគម្រោងលំនៅឋានមានតម្លៃសមរម្យសម្រាប់មន្ត្រីរាជាការ កងកម្លាំងប្រដាប់អាវុធ និងប្រជាពលរដ្ឋដែលមានប្រាក់ចំណូលមធ្យម និងចំណូលទាប និងជនងាយរង់គ្រោះ។

សូមជម្រាបផងដែរថា អនុស្សរណៈយោគយល់គ្នានេះ ក្រុមហ៊ុន ប៊ុន ជេស្ឋ គ្រុប នឹងចាត់ចែងអនុវត្តគម្រោងអភិវឌ្ឍលំនៅឋានមានតម្លៃសមរម្យទីមួយលើផ្ទៃដីទំហំ ៨២២ ១៦០ម២ សាងសង់លំនៅឋាន ចំនួន ៥ ៣៤០ ក្នុងនោះប្រភេទលំនៅឋានទំហំ (៥,១ម x ១៣ ម ) ចំនួន ៨៦៤ខ្នង និងប្រភេទលំនៅឋាន (៥,១ ម x៧,២ ម) ចំនួន ៤៤៧៦ខ្នង មានទីតាំងស្ថិតនៅភូមិស្លែងដីដុះ ឃុំព្រែកតាទែន ស្រុកពញាឮ ខេត្តកណ្ដាល មានចំងាយ ២១គីឡូម៉ែត្រ ពីវត្តភ្នំតាមផ្លូវជាតិលេខ៥ ដោយនឹងបើកការដ្ឋានចាប់ដំណើរការសាងសង់នៅថ្ងៃទី១ ខែឧសភា ឆ្នាំ២០១៧ ខាងមុខនេះ៕