កម្ពុជាទទួលបានមេដាយសរុប២១គ្រឿង ក្នុងព្រឹត្តិការណ៍កីឡាអាស៊ីឆ្នេរខ្សាច់ហ្គេមលើកទី៥

នៅទីស្តីការក្រសួងអប់រំ លោកបណ្ឌិត ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា កាលពីថ្ងៃទី២៦ ខែធ្នូ ឆ្នាំ២០១៦ បានអញ្ជើញជាអធិបតី ក្នុងពិធីទទួលស្គាល់ និងផ្ដល់ប្រាក់រង្វាន់ជ័យលាភី ក្នុងការប្រកួតកីឡាអាស៊ីឆ្នេរខ្សាច់ហ្គេមលើកទី៥ ដែលបានប្រព្រឹត្តទៅ ទីក្រុងដាណាង ប្រទេសវៀតណាម ។
ការប្រកួតកីឡាអាស៊ីឆ្នេរខ្សាច់ហ្គេមលើកទី៥នេះ ប្រទេសកម្ពុជា គឺបានទទួលមេដាយសរុបចំនួន២១គ្រឿង ក្នុងនោះមាន៖ មាស ៦គ្រឿង, ប្រាក់៦គ្រឿង និងសំរឹទ្ធ៩គ្រឿង ដោយសរុបជាទឹកប្រាក់រង្វាន់សម្រាប់ផ្ដល់ជូនអត្តពលិកមានចំនួន ១,៣៧២,០០០,០០០រៀល ៕