សម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ឥស្សរជនឆ្នើមថ្នាក់ជាតិ
នៃផែនការសកម្មភាពរួម អគ្គលេខាធិការអង្គការ សហប្រជាជាតិដើម្បីសុខភាពស្រ្តីនិងកុមារ
បានអំពាវនាវដល់គ្រប់ ស្ថាប័នពាក់ព័ន្ធ ព្រមទាំង អង្គការ ជាតិ-អន្តរជាតិ ឲ្យមានការវិនិយោគបន្ត
និងជាប្រចាំ ទៅលើអន្តរាគមន៍ នៃគន្លឹះផ្នែកការងារឆ្មប ដើម្បីជួយសង្រ្គោះជីវិតស្រ្តីជាមាតា
ទារក និងកុមារនៅកម្ពុជា។
សារលិខិតរបស់សម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើជូនរួមជនជាតិក្នុងទិវាឆ្មបជាតិ៥ឧសភា
ដែលចេញផ្សាយជាផ្លូវការនៅថ្ងៃទី៣ ខែឧសភា ឆ្នាំ២០១៦ បានឲ្យដឹងថា ដើម្បីឲ្យការពារឆ្មបអនុវត្តឲ្យបានរលូន
យើងទាំងអស់គ្នាត្រូវចូលរួមជាធ្លុងមួយ ជួយការងារឆ្មប ទាំងមន្ត្រី បុគ្គលិកសុខាភិបាល
គ្រប់លំដាប់ថ្នាក់ក្នុង ប្រព័ន្ធសុខាភិបាល ទាំងមន្ត្រីរាជការស៊ីវិល អង្គការដៃគូ
អភិវឌ្ឍន៍ជាតិ-អន្តរជាតិ អង្គការសង្គមស៊ីវិល និងស្រ្តីខ្លួនឯងផងដែរ ។
សារលិខិតបន្តថា កម្ពុជាកំពុងបន្ត អនុវត្តយុទ្ធសាស្រ្តចតុកោណ របស់រាជរដ្ឋាភិបាល
ប្រកបដោយ មហិច្ឆតា និងការប្តេជ្ញាចិត្តខ្ពស់ ឆ្ពោះទៅសម្រេចគោលដៅ អភិវឌ្ឍន៍ប្រកបដោយចីរភាព
ឆ្នាំ២០៣០។ ទន្ទឹមនិងនេះដែរ ការវិនិយោគលើការងារឆ្មប និងផ្តល់នូវលទ្ធផលល្អប្រសើរ និងទទួលបានជោគជ័យតាមការកំណត់។
ការប្តេជ្ញាចិត្តរួមគ្នាធ្វើសកម្មភាពជាច្រើន ដើម្បីធានាថាស្រ្តីគ្រប់រូបសម្រាលកូនដោយសុវត្ថិភាព
និងដោយសេចក្តីថ្លៃថ្នូរ ។ ឆ្មបមានតួនាទីសំខាន់ក្នុងការជួយស្រ្តី និងទារក ពីព្រោះស្ត្រីត្រូវការការថែទាំដ៏ល្អមានគុណភាព
និងដោយក្តីគោរពរាប់អាន ។ ស្រ្តីចង់បាន ដូចជាការប្រាស្រ័យទាក់ទងល្អ ការផ្តល់នូព័ត៌មានត្រឹមត្រូវ
ការពិនិត្យតាមដានការ ឈឺពោះសម្រាល និងការផ្តល់យោបល់ជាក់លាក់ ដើម្បីស្រ្តីអាចធ្វើការ
សម្រេចចិត្តទាន់ពេលវេលា។ ម្យ៉ាងវិញទៀត ដើម្បីក្លាយជាឆ្មបជំនាញម្នាក់ ឆ្មបត្រូវឆ្លងការបណ្តុះបណ្តាល
ជំនាញតាមប្រព័ន្ធកម្មវិធីជាក់លាក់ ជាមួយនិងការអនុវត្តជំនាញគ្រប់គ្រាន់ក្នុងការថែទាំស្រ្តី
និងទាកក្នុងពេល មានគភ៌រហូតដល់ក្រោយពេលសម្រាលកូនតូច។ ជាមួយគ្នានេះសម្តេច កិត្តិព្រឹទ្ធបណ្ឌិតប៊ុន
រ៉ានី ហ៊ុនសែន មានជំនឿចិត្តយ៉ាងមុតមំាថា ក្រោមការដឹកនាំរបស់រាជរដ្ឋាភិបាលនិងបន្តផ្តល់លទ្ធភាព
និងជម្រុញការងារក្នុងវិស័យ សុខាភិបាលជាពិសេស ការងារផ្នែកឆ្មបនេះឲ្យកាន់តែចម្រើនជឿនលឿនជាលំដាប់
៕
No comments:
Post a Comment