ឯកអគ្គរដ្ឋទូត អាល្លឺម៉ង់
បានថ្លែងនូវការកោតសរសើរខ្ពស់ចំពោះប្រទេសកម្ពុជាថា
កាលពីកិច្ចប្រជុំគណៈកម្មាធិការបេតិកភណ្ឌពិភពលោកលើកទី ៣៧
ដែលកម្ពុជាធ្វើជាម្ចាស់ផ្ទះកន្លងមក បានប្រព្រឹត្តទៅមានលក្ខណៈល្អប្រសើរ
ទើបកិច្ចប្រជុំលើកទី ៣៩ ឆ្នាំនេះត្រូវបានប្រទេសអាល្លឺម៉ង់យកធ្វើជាគម្រូ។
ឯកឧត្តមបណ្ឌិតសភាចារ្យ
សុខ អាន បានមានប្រសាសន៍ថា នេះជាមោទនភាពដ៏ធំមួយមិនមែនជារបស់ខ្ញុំតែម្នាក់នោះទេ
ប៉ុន្តែជារបស់កម្ពុជា និងប្រជាពលរដ្ឋកម្ពុជាទាំងអស់។ ឯកឧត្តមបន្តថា កម្ពុជាមិនមែនជាប្រទេសមួយដែលធំនោះទេ
គឺកម្ពុជាមានប្រជាពលរដ្ឋចំនួន ១៥លាននាក់ប៉ុណ្ណោះប៉ុន្តែ ប្រទេសដែលធំដូចជាប្រទេសអាល្លឺម៉ង់
ដែលមានប្រជាជនរហូតដល់ជិត ៨១លានអ្នក គេមិនងាយហ៊ាននិយាយថា គេរៀនសូត្រតាមខ្ញុំ
និងគេមិនងាយហ៊ាននិយាយថាគេរៀនសូត្រតាមប្រទេសដែលតូចដូចកម្ពុជានោះទេ។
ប៉ុន្តែដោយការចាប់អារម្មណ៍ខ្ពស់ ការរំភើប នឹងអរិយធម៌ខ្មែរ និងពេញចិត្តនឹងការរៀបចំដែលមានរបៀបរៀបរយរបស់ប្រទេសកម្ពុជា
ដែលល្អបែបនេះ មិនមែនមានតែទូតអាឡឺម៉ង់ម្នាក់ទេដែលកោតសរសើរ គឺមានទូតនៃបណ្តាប្រទេសជាច្រើនទៀតនិយាយថា
សុំសសើរ និងសុំរៀនសូត្រថ្ងៃក្រោយ គឺដកពិសោធន៍ពីការប្រជុំនៅភ្នំពេញ។
នៅក្នុងប្រទេសអាល្លឺម៉ង់
ក្នុងកិច្ចប្រជុំគណៈកម្មាធិការបេតិកភណ្ឌពិភពលោកលើកទី ៣៩ ឯកឧត្តម បណ្ឌិត Michael Worbs ឯកអគ្គរដ្ឋទូតអាល្លឺម៉ង់
មានប្រសាសន៍ថា «កម្ពុជា គឺជាគំរូដ៏ល្អមួយ»។ ឯកឧត្តមឯកអគ្គរដ្ឋទូតបានបន្តថា
កាលពី២ឆ្នាំមុន នៅទីក្រុងភ្នំពេញវាជាលើកទី១ហើយ ដែលគាត់បានចូលរួមប្រជុំ
ដែលមានឯកឧត្តម សុខ អាន ជាប្រធានគណៈកម្មាធិការបេតិកភណ្ឌពិភពលោក។
ឯកឧត្តមបណ្ឌិតសភាចារ្យ
សុខ អាន បានបញ្ជាក់បន្ថែមថា អគ្គរដ្ឋទូតអាល្លឺម៉ង់បាននិយាយបែបនេះមែន
ខ្ញុំបានជួបគាត់ដោយមានមូលហេតុពីរគឺ ទី១ គឺខ្ញុំសូមថ្លែងអំណរគុណឯកឧត្តមដែលបានរៀបចំពិធីការទទួលខ្ញុំដោយយកចិត្តទុកដាក់
ហើយក៏ឲ្យមានលក្ខណៈពិសេសជាងគណៈប្រតិភូដទៃទៀត។ ឯកឧត្តម បណ្ឌិត Michael Worbs ឯកអគ្គរដ្ឋទូតអាល្លឺម៉ង់
បានឆ្លើយតបថារូបលោកធ្វើបែបនេះគឺដើម្បីឆ្លើយតប
នូវបដិសណ្ឋារកិច្ចដ៏ល្អដែលគាត់បានទទួល និងអារម្មណ៍ដ៏រីករាយដែលគាត់បានទទួលក្នុងព្រះរាជាណាចក្រកម្ពុជា។
អគ្គរដ្ឋទូតអាល្លឺម៉ង់ ឯកឧត្តមបណ្ឌិត
Michael Worbs បានបន្ថែមថា
នេះជាការរៀបចំនូវបដិសណ្ឋារកិច្ចដ៏គួរឲ្យស្ញប់ស្ញែង។
ឯកឧត្តមសង្កត់ធ្ងន់ថា៖ «កម្ពុជាគឺឥតខ្ចោះ រាត្រីចុងក្រោយកាលដែលរូបលោកបានចូលរួមនៅនៅអង្គរវត្ត
វាជាការចងចាំ និងមិនអាចបំភ្លេចបាន គាត់ក៏បានរក្សាស្តង់ដាររបស់កម្ពុជា
ហើយក៏បានយកគំរូតាមកម្ពុជា» ដោយក្នុងការប្រជុំនេះគាត់ក៏បានរៀបចំដំណើរទស្សនកិច្ចដូចកាលនៅអង្គរវត្ត
ដល់អ្នកចូលរួមសម័យប្រជុំលើកទី៣៩នេះ
ព្រមជាមួយការរៀបចំឲ្យមានព្រឹត្តិការណ៍ និងការប្រជុំនានាដូចនៅអង្គរវត្ត
ខ្ញុំគិតថាវាវិជ្ជមានណាស់ មានន័យថាយើងបានចម្លងពីកម្ពុជា
យើងបានរៀបចំកន្លែងប្រជុំឲ្យមានលក្ខណៈស្ថាបត្យកម្ម
បទពិសោធន៍ពីកម្ពុជា។
ក្រៅពីនេះឯកអគ្គរដ្ឋទូតអាល្លឺម៉ង់
ឯកឧត្តមបណ្ឌិត Michael Worbs បានថ្លែងកោតសរសើរថា យើងនឹងសាកល្បងដោះស្រាយជំលោះតាមរយៈកិច្ចសន្ទនាតាមតែអាចធ្វើទៅបាន
ហើយចំណុចនេះ ឯកឧត្តម សុខ អាន ធ្វើបានដោយជោគជ័យ គាត់រៀបចំឲ្យមានការពិភាក្សាជាក្រុម
ដើម្បីដោះស្រាយបញ្ហាលំបាកនៅក្រៅសម័យប្រជុំ។
ខ្ញុំគិតថាប្រធានត្រូវធ្វើដូចគាត់
ក្នុងន័យរក្សាឲ្យសម័យប្រជុំបន្តហើយឈានដល់ដំណោះស្រាយ
និងកិច្ចបញ្ចប់ប្រកបដោយផ្លែផ្កា និងក្នុងន័យស្ថាបនា។
No comments:
Post a Comment