ការរៀបចំមិទ្ទិញដើម្បីផ្ញើរសារនាពេលថ្មីៗនេះ
ជាមួយក្រុមសកម្មជននៅតាមមូលដ្ឋានរបស់គណបក្សសង្គ្រោះជាតិប្រមាណ៤-៥ខេត្ដ
លោក កឹម សុខា ជាអនុប្រធាន បានស្រែកយ៉ាងក្អេងក្អាងថា «របបលោក
ហ៊ុន សែន អន់ជាងរបបណាទំាងអស់»។
អ្នកវិភាគនយោបាយមួយចំនួនមានការភ្ញាក់ផ្អើលយ៉ាងខ្លាំង
ព្រោះគេបានដឹងយ៉ាងច្បាស់ថា មេដឹកនំាបក្សសង្រ្គោះជាតិ ទើបតែនឹងភ័យស្លន់ស្លោសោះ
ទើបតែនឹងមានបញ្ហាថ្មីៗ នៅក្នុងជួរគណបក្ស ជាពិសេសអំពីបញ្ហាពុករលួយ
បែរជាងើបមកទំាងសឺងមមើងដើរចោទគេចោទឯងទំាងងងើលថា របបលោក ហ៊ុន សែន
អន់ជាងគេទំាងអស់ បើប្រៀបធៀបទៅនឹងរបបនៃការដឹកនំាប្រទេសតំាងពីណាពីណីមក។
ក្នុងករណីនេះ
គេមិនចំាបាច់ពិចារណាវែងឆ្ងាយទ្បើយថា លោក កឹម សុខា
ដែលទទួលបានដំណែងជាអនុប្រធានទី១រដ្ឋសភា កំពុងវង្វែងវង្វាន់អំណាច
បានយកអំណាចនេះមកឲ្យជិះលើ «ក» ដូចពាក្យចាស់លោកពោលថា «ចំណេះជិះកឯង» និង «ចេះឯងឲ្យក្រែងចេះគេ»។ ថាលោក សម រង្ស៊ី ចុះ បានរត់គេចផុតទៅជ្រកកោននៅប្រទេសបារំាង
ដោយមិនបានស្គាល់រសជាតិពីរបប៣ឆ្នាំ៨ខែ២០ថ្ងៃ
ដែលមិនយល់អំពីទុក្ខសោកនាកម្មដ៏សាហាវព្រៃផ្សៃយង់ឃ្នង់
ខ្មែរសម្លាប់ខ្មែរគ្នាឯង ខ្មែរកម្ទេចជីវិតខែ្មរគ្នាឯង
ប្រមាណជាង២លាននាក់ គឺរបបប្រល័យពូជសាសន៍ប៉ុលពត។ តែដោយទ្បែកលោក កឹម
សុខា ខ្លួនឯងឯណោះវិញទេ
ទើបនឹងបានរួចផុតពីរបបប្រល័យពូជសាសន៍ជាមួយប្រជាជនខ្មែរថ្មីៗនេះសោះ
បែរជាមកនិយាយទំាងទទឹងទិសថា របបលោក ហ៊ុន សែន អន់ជាងរបបប៉ុលពត ទៅទៀត។
ការឆ្លុះបញ្ចំងរបស់លោក
កឹម សុខា នេះ យើងយល់ឃើញថា ទោះបីជាមនុស្សវិកលចរិតក្ដី
ដែលគេបានដើរតាមផ្លូវសើចរីករាយតែម្នាក់ឯង ក៏គេយល់ថា នៅលើផ្លូវដ៏ធំធេង
លើស្ពានឆ្លងកាត់ទន្លេដ៏ធំល្វឹងល្វើយ ឃើញទ្បានធំ-តូចទំនើបៗ
បើកខ្វាត់ខ្វែង ឃើញអាគារស្កឹមស្កៃរីកដុះដាលដូចផ្សឹត។ យើងសូមសួរថា
បើលោក កឹម សុខា មិនដឹងខុស-ត្រូវ យល់លាមកថាជាផ្កា
យល់បន្លាថាជាមុងយ៉ាងនេះ តើសក្ដិសមនឹងទទួលដំណែងជាអនុប្រធានទី១រដ្ឋសភា
នៃព្រះរាជាណាចក្រកម្ពុជា អាចដឹកនាំអង្គប្រជុំស្ថាប័នដ៏កំពូលក្នុងឋានៈខ្លួនជាប្រធានស្ដីទី
នៅពេលអវត្ដមានរបស់ប្រធានបានទេ? ។
នៅបណ្ដាប្រទេសស៊ីវិល័យ
ដែលមានការអភិវឌ្ឍខ្ពស់ បើនិយាយតែផ្ដេះផ្ដាស់ មិនដឹងស ខ្មៅបែបនេះ
គឺប្រាកដជាត្រូវចុះចេញពីដំណែងដោយមិនបាច់ឲ្យគេដកទាន់ជាមិនខាន
ព្រោះវាជាទំនួលខុសត្រូវក្នុងភាពជាអ្នកដឹកនំា។ ហេតុនេះយើងសួរទៀតថា តើលោក
កឹម សុខា ចង់វិលទៅរស់នៅក្នុងរបបប្រល័យពូជសាសន៏ទៀតឬយ៉ាងណា?
ក្នុងរបប
លន់ នល់ ដែលជារបបគាំទ្រដោយបរទេសសហរដ្ឋអាមេរិក
ហើយបានទម្លាក់សម្ដេចឪ (ព្រះបរមរតនកោដ្ឋ) នៅពេលព្រះអង្គកំពុងដឹកនំាគណបក្សសង្គមរាស្រ្ដនិយម
ប្រជាជនកំពុងរស់នៅយ៉ាងសុខស្រួល តែបែរជារបបនេះ
មកបំផ្លាញសេចក្តីសុខក្សេមក្សាន្ត សេចក្ដីសង្ឃឹមរបស់ប្រជាជន ដែលកាលណោះមានចំនួនប្រមាណ៦-៧លាននាក់ឲ្យរលាយសាបសូន្យ
ជាហេតុធ្វើឲ្យប្រទេសមួយក្លាយជាទីលានមរណៈ ហើយលោក កឹម សុខា ខ្លួនឯងនេះ
ដែលបច្ចុប្បន្នមានអាយុ៦១ឆ្នាំ យើងជឿថា បានឃើញប្រទេសមានសន្ដិភាពមួយ
បានធ្លាក់ចូលក្នុងភ្នក់ភ្លើងសង្រ្គាមក្នុងរយៈពេល៥ឆ្នាំយ៉ាងខ្លាចផ្សារជាទីបំផុត។
បើដូចេ្នះដើម្បីរំឭកនូវការចងចំារបស់លោក កឹម សុខា តើគួរបញ្ជួនឲ្យទៅរស់នៅប្រទេសមួយ
ដែលបច្ចុប្បន្នកំពុងជួបប្រទះនឹងសង្គ្រាមហែកហួរ ឧទាហរណ៍ដូចជាប្រទេសស៊ីរី
ឬប្រទេសប៉ាលេស្ទីន ដែរឬទេ?
សរុបសេចក្ដីមក
ចំពោះមតិសាធារណៈពេលឮសូរការប្រកាសយ៉ាងក្ដែងៗ តាមវិទ្យុ
តាមសារព័ត៌មាន
ពីអ្វីដែលយើងបាននិយាយនោះ ប្រជាពលរដ្ឋទូទៅយល់ថា កឹម សុខា
កំពុងបំបែកបំបាក់មរតកសន្តិភាព និងសាមគ្គីជាតិ
ហើយកំពុងបង្កនូវអសន្ដិសុខជាតិ
ដែលប្រជាជនរបស់ខ្លួនកំពុងរស់នៅយ៉ាងសុខសាន្ដស្កប់ស្កល់
នឹងសន្ដិភាពឲ្យឈានទៅរកសង្គ្រាម បង្កចលាចល
ប្រជាជនអ្នករកទទួលទានសព្វថ្ងៃគេកំពុងមានមោទនភាពក្នុងជីវិតរបស់ខ្លួន
ក្នុងការរកទទួលទានមានទំនិញនំាចេញនំាចូលយ៉ាងរីកស្គុះស្គាយ
និងរៀងរាល់ឆ្នាំ លំហូរនៃអ្នកទេសចរពេញពិភពមកកាន់ប្រទេសកម្ពុជា ទស្សនាតាមប្រាង្គប្រាសាទនានា
ដែលជាមរតកដ៏ឧត្ដមឧត្ដុង្គគ្មានពីរក្នុងលោក។ តើលោក កឹម សុខា យល់ទេរឿងនេះ ឬធ្វើជាមិនយល់? ជាពិសេស តើបានដឹងថា
ខ្លួនឯងកំពុងកំទេចគណបក្សរបស់ខ្លួនឯងទេឬអ្វី! ៕
No comments:
Post a Comment