(សូមទស្សនាវីដេអូ) កម្ពុជា​ នឹង​ធ្វើ​ជា​ម្ចាស់​ផ្ទះ​នៃ​ជំនួប​សិទ្ធិ​មនុស្ស​ (Human​ Rights ​Dialogue​) ជា​មួយ​ស៊ុយ​អ៊ែត​នៅ​ខែ​តុលា

(សូមទស្សនាវីដេអូ) មេឃុំសង្គ្រោះជាតិ លេងតែមួយពព្រិចភ្នែក ខ្ទេចគម្រោង ADB មួយបាត់ ហើយថែម ទាំងយកត្រាពីស្មៀនមកកាន់ កាប់ខ្លួនឯងទៀតផង

សាខាកាំកុងត្រូលខេត្តស្វាយរៀង​ ចុះត្រួតពិនិត្យ​ទំនិញ​ខូចគុណភាព​នៅលើ​ទីផ្សារ​ចំនួន៣ ​ក្នុងស្រុក​រមាសហែក​

នៅថ្ងៃទី០៩ ខែសីហា ឆ្នាំ២០១៧នេះ លោក ណាល់ វិចិត្រ ប្រធានសាខាកាំកុងត្រូល បានដឹកនាំក្រុមការងារសាខាកាំកុងត្រូលខេត្តស្វាយរៀង ដោយបានកិច្ចសហការជាមួយមន្ទីរពាណិជ្ជកម្មខេត្ត អាជ្ញាធរដែនដី និងគណៈកម្មការផ្សារ បានចុះត្រួតពិនិត្យទំនិញជាគ្រឿងឧបភោគ-បរិភោគដែលខូចគុណភាព ឬហួសកាលបរិច្ឆេទប្រើប្រាស់នៅលើទីផ្សារចំនួន៣គឺ៖ ទី១- នៅក្នុងផ្សារកំពង់ចក ក្នុងស្រុករំដួល និងតាមផ្ទះអាជីវករ ទី២- ផ្សារសំរោង ស្ថិតក្នុងស្រុករមាសហែក និងទី៣- គឺផ្សារកំពង់ត្រាច ស្ថិតក្នុងស្រុករមាសហែក ខេត្តស្វាយរៀង ។

លោក ណាល់ វិចិត្រ បានឲ្យដឹងថា ការចុះត្រួតពិនិត្យគុណភាពទំនិញនាពេលនេះ ដើម្បីធានាបានការមិនប៉ះពាល់ដល់សុខភាពអ្នកប្រើប្រាស់ ក៏ដូចជាការស្រាវជ្រាវរកទំនិញ ដែលដាក់បន្ថែមនូវសារជាតិគីមីហាមឃាត់ តាមរយះការធ្វើតេស្តបឋម។

លោក បានឲ្យដឹងទៀតថា ជាលទ្ធផលបង្ហាញថា នៅទីផ្សារកំពង់ត្រាច គឺបានរកឃើញនូវសរសៃគុយទាវដែលមានដាក់បន្ថែមនូវសារធាតុគីមី បូរ៉ាក់ សរុបចំនួន៧គីឡូក្រាម ដោយបានធ្វើកិច្ចការនេះទៅតាមនីតិវិធី ជាមួយអ្នកលក់ ព្រោះគាត់ធ្វើសរសៃគុយទាវនេះដោយខ្លួនគាត់ផ្ទាល់ ហើយក៍បានដកហូតនូវមុខទំនិញជាច្រើនប្រភេទដែលហួសកាលបរិច្ឆេទប្រើប្រាស់ និងខូចគុណភាពពីទីផ្សារទាំង៣ ខាងលើផងដែរ៕

ស្មៀនឃុំជើងព្រៃ រាយការណ៍ទៅអភិបាលស្រុកបាធាយថា មេឃុំសង្គ្រោះជាតិ ពិតជាបានយកត្រាស្មៀនទៅផ្ទះប្រាកដមែន!

យោងតាមលិខិតរាយការណ៍មួយច្បាប់របស់ លោក ញឹម សុង ស្មៀនឃុំជើងព្រៃ ស្រុកបាធាយ ខេត្តកំពង់ចាម ចុះថ្ងៃទី៧ ខែកក្កដា ឆ្នាំ២០១៧ ដែលគោរពជូនលោកអភិបាល នៃគណៈអភិបាល ស្រុកបាធាយ បានឱ្យដឹងថា មេឃុំជើងព្រៃ ឈ្មោះ វ៉ែន សំអុល (របស់គណបក្សសង្គ្រោះជាតិ) បានយកតា្រមូលរបស់ស្មៀន ទៅផ្ទះរបស់ខ្លួន និងបង្ខំអោយស្មៀនឃុំ បោះត្រាមូលមុនចុះហត្ថលេខា របស់មេឃុំ។

លោក ញឹម សុង បានរាយការណ៍ថា «នៅថ្ងៃទី០៧ ខែកក្កដា ឆ្នាំ២០១៧ វេលាម៉ោង០៩៖១០នាទីព្រឹក នៅសាលាឃុំជើងព្រៃ មានប្រជាពលរដ្ឋបានយកកិច្ចសន្យាខ្ចីលុយ មកចុះហត្ថលេខា ពេលស្មៀនឃុំ ពិនិត្យរួចហើយ ក៏យកអោយមេឃុំចុះហត្ថលេខា តែពេលនោះគាត់មិនព្រមចុះទេ ដោយបង្ខំអោយស្មៀនឃុំ បោះត្រាមូលរួចសិន ខ្ញុំបានពន្យល់អំពីកិច្ចការរដ្ឋបាលជាច្រើន ដែលធ្លាប់អនុវត្តកន្លងមក តែគាត់នៅតែ មិនយល់ ហើយថែមទាំងចូលមកយកត្រាមូល ក្នុងបន្ទប់ស្មៀន មកបោះដោយខ្លួនឯង និងថែមទាំងយកត្រា នោះទៅផ្ទះទៀតផង»។

ជុំវិញបញ្ហានេះ លោក ញឹម សុង បានសុំអនុសាសន៍ និងការជួយសម្របសម្រួលពីសំណាក់ អភិបាល ស្រុកបាធាយ ផងដែរ៕

មន្ត្រីក្រសួងបរិស្ថានមួយរូប ទទួលបានពានរង្វាន់អាស៊ាន ពាក់ព័ន្ធនឹងការងារជីវៈចម្រុះ

លោក ឈិន សុភា មន្ត្រីនាយកដ្ឋានជីវៈចម្រុះ នៃអគ្គលេខាធិការដ្ឋានក្រុមប្រឹក្សាជាតិ អភិវឌ្ឍន៍ដោយចីរភាព ក្រសួងបរិស្ថាន បានទទួលបានពានរង្វាន់ “ASEAN Biodiversity Heroes Award” ដែលជាពានរង្វាន់សម្រាប់អ្នកដែលសកម្ម និងបានចែករំលែកសកម្មភាពលេចធ្លោ ក្នុងការងារជីវ:ចម្រុះក្នុងបណ្តាប្រទេសជាសមាជិកអាស៊ាន ដែលបានប្រារព្ធធ្វើឡើងនៅប្រទេសហ្វីលីពីន នៅថ្ងៃទី ០៧ ខែសីហា ឆ្នាំ២០១៧ ។ នេះក៏ជាកិត្តិយសសម្រាប់នាយកដ្ឋាន អគ្គលេខាធិការដ្ឋាន និងក្រសួងបរិស្ថាន ដែលតែងតែធ្វើសកម្មភាពយ៉ាងសកម្មក្នុងកិច្ចការស្រាវជ្រាវ និងអភិរក្សជីវ:ចម្រុះនៅកម្ពុជា៕

អភិបាលខេត្តកំពង់ឆ្នាំង ជំរុញមន្ត្រីពាក់ព័ន្ធ ពង្រឹងយន្តការប្រយុទ្ធប្រឆាំងគ្រឿងញៀនអោយបានម៉ឺងម៉ាត់

កំពង់ឆ្នាំង៖ លោក ឈួរ ច័ន្ទឌឿន អភិបាលខេត្តកំពង់ឆ្នាំង បានថ្លែងនៅថ្ងៃទី០៨ ខែសីហា ឆ្នាំ២០១៧ ក្នុងកិច្ចប្រជុំបូកសរុបលទ្ធផល ផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១ និងលើកទិសដៅសំរាប់យុទ្ធនាការលើកទី២ ឆ្នាំ២០១៧ នៅក្នុងសាលាខេត្តកំពង់ឆ្នាំងថា ត្រូវពង្រឹងយន្តការប្រយុទ្ធប្រឆាំងគ្រឿងញៀនអោយបានម៉ឺងម៉ាត់។ លោកបន្តថា អាជ្ញាធរក្រុង ស្រុក ឃុំសង្កាត់ និងភូមិ ត្រូវមានការទទួលខុសត្រូវទាំងអស់គ្នា ចំណែកមន្ទីរអង្គភាព សាលារៀន វត្តអារាម គឺប្រធានអង្គភាព នាយកសាលា ចៅអធិការវត្ត និងកន្លែងប្រកបអាជីវកម្មផ្សេងៗ ជាអ្នកទទួលខុសត្រូវ បើមានគ្រឿងញៀនកើតឡើងច្រើន មិនសហការបង្ក្រាប នោះប្រធានអង្គភាពត្រូវប្រឈមនឹងការដកចេញពីមុខតំណែង។

លោក ឈួរ ចន័្ទឌឿន បានមានប្រសាសន៍បន្តទៀតថា ក្រោយពីអាជ្ញាធរ និងសមត្ថកិច្ចយើង ខិតខំពង្រឹងកិច្ចការ ប្រយុទ្ធប្រឆាំងនឹងគ្រឿងញៀន គឺយើងពិនិត្យឃើញថា បទល្មើសមួយចំនួនបានថយចុះគួរអោយកត់សំគាល់ ក្នុងនោះរួមមានបទល្មើសព្រហ្មទណ្ឌ អំពើហិង្សាក្នុងគ្រួសារ ចោរកម្មលួចឆក់ ក្មេងទំនើង និងគ្រោះថ្នាក់ចរាចរណ៍ បានថយចុះជាបន្តបន្ទាប់ ទាំងនេះបញ្ជាក់ថា បទល្មើសភាគច្រើន កើតចេញមកពីគ្រឿងញៀន។

លោកអភិបាលបន្តថា ដោយឡែកទិសដៅសំរាប់យុទ្ធនាការលើកទី២ ឆ្នាំ២០១៧ ដែលបានដាក់ចេញនៅក្នុងផែនការ អាជ្ញាធរ សមត្ថកិច្ច និងស្ថាប័នពាក់ពន្ធ័គ្រប់ជាន់ថ្នាក់ ត្រូវតែអនុវត្តន៍អោយបានល្អ និងមានប្រសិទ្ធភាព។ ចំពោះវិធានការណ៍អប់រំ ត្រូវលើកយកខ្លឹមសារអប់រំ អោយបានស៊ីជម្រៅងាយយល់ងាយស្តាប់ មិនត្រូវប្រើពេលវេលាយូរ ត្រូវផ្សព្វផ្សាយឱ្យ ដឹងពីទោសទណ្ឌនៃបទល្មើសគ្រឿងញៀន ថាត្រូវជាប់ពន្ធនាគារប៉ុន្មានឆ្នាំ ត្រូវប៉ះពាល់ដល់អនាគតយ៉ាងដូម្តេចខ្លះ?

លោកបានរំលឹកឱ្យដឹងថា នៅក្នុងយុទ្ធនាការប្រយុទ្ធប្រឆាំងគ្រឿងញៀនលើកទី១រយៈពេល៦ខែនេះ ក្រុមការងារថ្នាក់ជាតិ បានធ្វើការប្រកាសលើកទឹកចិត្ត ដល់អ្នកបង្ក្រាបបទល្មើសគ្រឿងញៀនមានស្នាដៃល្អ និងទទួលបានរង្វាន់ ក្នុងនោះអ្នកចាប់គ្រឿងញៀនបាន១គីឡូក្រាម និងទទួលបានរង្វាន់មួយម៉ឺនដុល្លារ។

លោក ជុន ថារិទ្ធ ស្នងការរងនគរបាលខេត្តកំពង់ឆ្នាំង និងជាអនុប្រធានលេខាធិការដ្ឋានប្រយុទ្ធប្រឆាំងគ្រឿងញៀនខេត្ត បានបញ្ជាក់ពីលទ្ធផលយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១ ឆមាសទី១ ឆ្នាំ២០១៧ថា ក្នុងឆមាសទី១នេះ លទ្ធផលបង្ក្រាបគ្រឿងញៀនបាន៧៤ករណី ឃាត់ខ្លួន២០១នាក់ ស្រី២១នាក់ ចាប់យកគ្រឿងញៀនបានទម្ងន់ ៨៤,៦១ក្រាម និងរឹបអូសមធ្យោបាយ និងសំភារៈមួយចំនួនទៀត៕

រាជរដ្ឋាភិបាល ប្រាប់អាជ្ញាធរមូលដ្ឋានថ្នាក់​ក្រោមជាតិ​បញ្ឈប់ការ​ផ្ទេរសិទ្ធិ​កាន់កាប់​អចលនទ្រព្យ​ដែលមិនបានបង់​ពន្ធប្រថាប់ត្រា​

(ភ្នំពេញ)៖ យោងតាមសេចក្តីជូនដំណឹងរបស់ទីស្តីការគណៈរដ្ឋមន្រ្តី ស្តីពីការពង្រឹងការគ្រប់គ្រងប្រមូលពន្ធប្រដាប់ត្រានៅរាជធានីភ្នំពេញ និងបណ្តាខេត្តទាំង២៤ ដែលទើបនឹងដាក់ចូលក្រសួងដែនដី នគរូបនីយកម្ម និងសំណង់នៅខែមករា ឆ្នាំ២០១៧នេះ បានប្រាប់ទៅដល់អាជ្ញាធរមូលដ្ឋាន ឃុំ សង្កាត់ ឬ ក្រុង ស្រុក ខណ្ឌ ត្រូវបញ្ឈប់ការផ្ទេរសិទ្ធិកាន់កាប់អចលនទ្រព្យទាំងអស់ដែលមិនបានបង់ពន្ធប្រថាប់ត្រា។

តាមរយៈសេចក្តីជូនដំណឹងនេះ ក៏បានណែនាំផងដែរថា អចលនទ្រព្យដែលពុំបានចុះបញ្ជី (គ្មានប័ណ្ណកម្មសិទ្ធិ) ដែលបានផ្ទេរសិទ្ធិកាន់កាប់នៅថ្នាក់ឃុំ សង្កាត់ ឬ ក្រុង ស្រុក ខណ្ឌ ដែលមានសាវតាផ្ទេរបន្តដៃគ្នាច្រើនដងមុនថ្ងៃទី០១ ខែមករា ឆ្នាំ២០១៧ អនុញ្ញាតឱ្យបង់ពន្ធប្រថាប់ត្រាតែមួយលើកចុងក្រោយដោយអនុគ្រោះឱ្យដកចេញនូវមូលដ្ឋានគិតពន្ធប្រថាប់ត្រា ៦រយលានរៀល ប្រហែលប្រមាណ១៥ម៉ឺនដុល្លារ សម្រាប់តែអចលនទ្រព្យដែលបានស្នើសុំចុះបញ្ជីដំបូងនៅរដ្ឋបាលសុរិយោដីប៉ុណ្ណោះ។

សេចក្តីជូនដំណឹង បានបញ្ជាក់ទៀតថា ការផ្តល់អនុគ្រោះឱ្យដកចេញនូវមូលដ្ឋានគិតពន្ធប្រថាប់ត្រា ៦រយលានរៀលនេះ គឺមានសុពលភាពអនុវត្តសម្រាប់តែអចលនទ្រព្យ ដែលបានស្នើសុំចុះបញ្ជីដំបូងនៅរដ្ឋបាលសុរិយោដីត្រឹមថ្ងៃទី៣១ ខែធ្នូ ឆ្នាំ២០១៨។ ដោយឡែកអចលនទ្រព្យ ដែលពុំបានចុះបញ្ជី (គ្មានប័ណ្ណកម្មសិទ្ធិ) ដែលបានផ្ទេរសិទ្ធិកាន់កាប់បន្តដៃគ្នាជាច្រើនដងមុនថ្ងៃទី០១ ខែមករា ឆ្នាំ២០១៧ ត្រូវបង់ពន្ធប្រថាប់ត្រាមួយដងលើកចុងក្រោយ (ដោយមិនអនុញ្ញាតឱ្យដកនូវមូលដ្ឋានគិតពន្ធ ៦រយលានរៀល ដូចអចលនទ្រព្យដែលបានស្នើចុះបញ្ជីនោះឡើយ)។

សេចក្តីជូនដំណឹង បានបន្ថែមថា ការកំណត់ថ្មីលើការប្រមូលពន្ធប្រថាប់ត្រាអចលនទ្រព្យនេះ ដើម្បីពង្រឹងការគ្រប់គ្រងប្រមូលពន្ធប្រថាប់ត្រាប្រកបដោយប្រសិទ្ធភាព តម្លាភាព គណនេយ្យភាព អស់សក្តានុពល និងផ្តល់សេវាបង់ពន្ធនេះឱ្យកាន់តែមានភាពងាយស្រួល ព្រមទាំងជំរុញលើកទឹកចិត្តដល់ការចុះបញ្ជីដំបូងនៅរដ្ឋបាលសុរិយោដី៕