ប្រជាពលរដ្ឋខ្មែរ-អូស្ត្រាលី ប្រមាណ៤០០នាក់ ស្ម័គ្រចិត្ត ចូលរួមរស់ជា មួយ CPP

ពលរដ្ឋខ្មែរ នៅអូស្ត្រាលីប្រមាណ ៤០០នាក់ ត្រូវបានប្រកាស បញ្ចូលជាសមាជិក របស់គណបក្ស ប្រជាជនកម្ពុជានៅទីក្រុងស៊ីដនី ប្រទេសអូស្ត្រាលី កាលពីថ្ងៃទី៩ ខែតុលាឆ្នាំ២០១៦ ក្រោមវត្តមានប្រធានគណកម្មាធិការគណបក្សប្រជាជនកម្ពុជា ប្រចាំប្រទេសអូស្ត្រាលី និងញូវសេឡែន លោក កុយ គួង, លោក ហ៊ុន ម៉ាណែត ប្រធានក្រុមអង្គការចាត់តាំងយុវជនគណបក្សនៅក្រៅប្រទេស និងលោកគឹម សន្តិភាព ប្រធានក្រុមយុវជនបក្សប្រចាំ នៅអូស្ត្រាលី និងញូវសែឡែន។

ក្នុងនោះដែរលោក ហ៊ុន ម៉ាណែត បានជំរុញអោយសមាជិកគណបក្សដែលចូលថ្មីត្រូវចេះស្មោះត្រង់ សាមគ្គីភាពផ្ទៃក្នុង ខិតខំបំពេញការងារបំរេីប្រជាពលរដ្ឋ ដោយមិនប្រកាន់និន្នាការនយោបាយ ពិសេសផ្សព្វផ្សាយព័តមានពិតពីប្រទេសកម្ពុជា ។

គួរបញ្ជាក់ថាយុវជន និងប្រជាពលរដ្ឋខ្មែរច្រើននាក់ មកហើយ ដែលរស់នៅតាមតំបន់នានា នៅក្រៅប្រទេស បានចូលមកជាមួយគណបក្សប្រជាជនកម្ពុជា មាននៅទ្វីបអាមេរិក អឺរ៉ុប កូរ៉េ ផងដែរ។ ហេីយកន្លងមកនៅកម្ពុជានោះដែរ សមាជិកគណបក្សប្រឆាំងជាច្រេីនក៏ផ្តាច់ខ្លួនចូលមករួមរស់ជាមួយគណបក្សប្រជាជននោះដែរ៕

សាលាដំបូងរាជធានីភ្នំពេញ ចេញដីការកោះហៅលោក សម រង្ស៊ី មកសាកសួរជុំវិញករណីញុះញង់ បង្កចលាចលប៉ះពាល់ដល់សន្តិសុខសង្គម

កាលពីថ្ងៃទី១១ ខែកញ្ញា ឆ្នាំ២០១៦កន្លងទៅ សាលាដំបូងរាជធានីភ្នំពេញ បានចេញដីកាមួយទៀត ដោយធ្វើការកោះហៅលោក សម រង្ស៊ី ប្រធានគណបក្សសង្គ្រោះជាតិ មកសាកសួរជុំវិញករណីញុះញង់ បង្កចលាចលប៉ះពាល់សន្តិសុខសង្គម នេះបើយោងតាមដីការបស់ព្រះរាជអាជ្ញារង អយ្យការអមសាលាដំបូងរាជធានីភ្នំពេញ លោក សៀង សុខ។

នៅក្នុងដីការបស់ព្រះរាជអាជ្ញារង សៀង សុខ បានបញ្ជាក់ថា សូមអញ្ជើញលោក សម រង្ស៊ី ជាជនសង្ស័យ ឲ្យចូលមកកាន់អយ្យការអមសាលាដំបូងរាជធានីភ្នំពេញ នៅថ្ងៃទី២១

ខែតុលា ឆ្នាំ២០១៦ខាងមុខនេះ វេលាម៉ោង៩ព្រឹក ដើម្បីសាកសួរ។

មន្រ្តីនគរបាលបានឲ្យដឹងថា នៅវេលាម៉ោងប្រមាណ១២ថ្ងៃត្រង់ទី១១ ខែតុលា ឆ្នាំ២០១៦នេះ ក្រុមមន្រ្តីនគរបាលយុត្តិធម៌បានយកដីកានេះ ទៅប្រគល់ជូននៅឯទីស្នាក់ការកណ្តាល គណបក្សសង្គ្រោះជាតិ ប៉ុន្តែមន្រ្តីជាន់ខ្ពស់នៅទីនោះគឺ លោក ហូ វ៉ាន់ បានពិនិត្យមើល ប៉ុន្តែមិនទទួលយក ហើយនិយាយថា ទុកឲ្យមេធាវីជាអ្នកទទួល។

មន្រ្តីតុលាការបានបញ្ជាក់ថា ការចេញដីកាកោះហៅ លោក សម រង្ស៊ី នៅពេលនេះធ្វើឡើងតាមរបាយការណ៍របស់សមត្ថកិច្ចក្រសួងមហាផ្ទៃ៕

ប្រភព៖ Fresh News

អាជ្ញាធរជាតិអប្សរាបន្ថែមវគ្គបណ្តុះបណ្តាលដល់មន្ត្រីជំនាញ ដើម្បីផ្សព្វផ្សាយកម្មវិធីអនាម័យ និងទឹកស្អាតដល់ប្រជាពលរដ្ឋក្នុងតំបន់អង្គរ

  មន្ត្រីជំនាញនៃនាយកដ្ឋានគ្រប់គ្រងទឹក និងលេខាធិការដ្ឋានសហគមន៍ ចំនួន១១នាក់ កំពុងទទួលបានវគ្គបណ្តុះបណ្តាលបន្ថែមសមត្ថភាពអំពីកម្មវិធីអនាម័យ និងទឹកស្អាត ដើម្បីពង្រឹងការយល់ដឹងនិងផ្សព្វផ្សាយបន្តទៅប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរទាំងមូល។ វគ្គបណ្តុះបណ្តាលមានរយៈពេល៤ថ្ងៃ ដោយចាប់ផ្តើមពីថ្ងៃទី១១ ដល់១៤ ខែតុលា ឆ្នាំ២០១៦ នៅនាយកដ្ឋានគ្រប់គ្រងទឹកនៃអាជ្ញាធរជាតិអប្សរា។

 លោក ជូ រ៉ាឌីណា អនុប្រធាននាយកដ្ឋានគ្រប់គ្រងទឹក និងជាអ្នកសម្របសម្រួលវគ្គបណ្តុះបណ្តាលនេះ រៀបរាប់ថា ការបង្កើតកម្មវិធីនេះឡើង គឺដើម្បីពង្រឹងសមត្ថមភាពមន្ត្រីរបស់អាជ្ញាធរជាតិអប្សរា ពាក់ព័ន្ធនឹងការផ្សព្វផ្សាយអប់រំកម្មវិធីអនាម័យ និងទឹកស្អាតដល់ប្រជាពលរដ្ឋ។ វគ្គបណ្តុះបណ្តាលនេះ ជាផ្នែកមួយនៃគម្រោងសុវុឌ្ឍិកម្មនៃការសម្អាតទឹក និងការគ្រប់គ្រងទឹកក្នុងតំបន់អង្គរ (PAAGRA) ដែលធ្លាប់បានចុះអនុស្សារណៈជាមួយគ្នាកន្លងមករវាងអាជ្ញាធរជាតិអប្សរា សាលាខេត្តសៀរាម និងស្ថាប័នរបស់ប្រទេសបារាំងចំនួន៦ផ្សេងទៀត។

លោកបន្ថែមថា កន្លងមកអាជ្ញាធរជាតិអប្សរាបានអនុវត្តសាកល្បងនូវកម្មវិធីអនាម័យទឹកស្អាតក្នុងភូមិចំនួន៤ ក្នុងចំណោម១១២ភូមិនៃតំបន់អង្គរ។ កម្មវិធីបណ្តុះបណ្តាលនៅពេលនេះ ក៏ដើម្បីពង្រីកការផ្សព្វផ្សាយទៅតាមបណ្តាភូមិផ្សេងៗទៀត ឲ្យប្រជាពលរដ្ឋរស់នៅមានអនាម័យ មានបង្គន់ប្រើប្រាស់ត្រឹមត្រូវ និងមានទឹកស្អាតប្រើប្រាស់ ។ នេះជាផ្នែកមួយនៃកម្មវិធីលើកស្ទួយកម្រិតជីវភាពរស់នៅប្រចាំថ្ងៃរបស់ប្រជាពលរដ្ឋក្នុងតំបន់អង្គរ។

 លោក ស៊ឹម សៅរ៉ា បុគ្គលិកនៃអង្គការ CWS (Church World Service) និងជាប្រធានគម្រោងផ្នែកអប់រំទឹកស្អាត និងអនាម័យ ដែលជាគ្រូបង្គោលនៃវគ្គបណ្តុះបណ្តាលនេះរៀបរាប់ថា វគ្គបណ្តុះបណ្តាលនេះនឹងធ្វើឡើងទៅលើជំនាញសម្រសម្រួល វិធីសាស្ត្រចម្រោះទឹកដោយសុវត្ថិភាព និងគំរូបែបផែននៃការសាងសង់បង្គន់។ លោកបញ្ជាក់ថា តាមពិតទៅសិក្ខាកាមដែលចូលរួមវគ្គនេះ អាចនឹងមានជំនាញបច្ចេកទេសយល់ដឹងហើយ តែវគ្គបណ្តុះបណ្តាលនេះនឹងផ្តោតសំខាន់ទៅលើជំនាញសម្របសម្រួល ដើម្បីផ្ទេរចំណេះទាំងនេះទៅដល់ប្រជាពលរដ្ឋ។

 លោក សៅរ៉ា សង្ឃឹមថា ក្រោយបញ្ចប់វគ្គបណ្តុះបណ្តាលនេះ មន្រ្តីជំនាញនៃអាជ្ញាធរជាតិអប្សរានឹងអាចបន្តផ្សព្វផ្សាយយ៉ាងទូលំទូលាយអំពីកម្មវិធីអនាម័យ និងទឹកស្អាតមានសុវត្ថិភាព ទៅកាន់សំណាក់ប្រជាពលរដ្ឋក្នុងតំបន់អង្គរទាំងមូល ដើម្បីឲ្យពួកគាត់យល់ដឹងកាន់តែច្បាស់អំពីអនាម័យ ទឹកស្អាត ធ្វើឲ្យកាន់តែប្រសើរឡើងនូវកម្រិតជីវភាពរបស់ពួកគាត់៕

សុន្ទរកថា សម្តេច​អគ្គ​មហា​សេនា​បតី​តេជោ ហ៊ុន សែន ថ្លែងក្នុង​កិច្ច​ប្រជុំ​កំពូលកិ​ច្ចសន្ទនា នៃកិច្ច​សហ​ប្រតិ្ត​បតិ​ការអាស៊ី លើកទី២ (អាស៊ី​តែមួយ ថាមពល​ចម្រុះ)

សម្តេច​តេជោ​នាយក​រដ្ឋមន្រ្តី អនុញ្ញា​តិឱ្យ ស្ថាបនិក និង​ជាប្រធាន​ប្រតិបត្តិ​ក្រុមហ៊ុន​សាជីវកម្មអមតៈ ចូលជួបសំដែងការគួរសម

  នៅល្ងាច​ថ្ងៃទី០៩ តុលា ២០១៦ ដដែល​នោះដែរ សម្តេចតេជោនាយ​ករដ្ឋមន្រ្តី បានអនុញ្ញាតិ​ឲ្យលោក វីក្រុម ក្រូម៉ាឌិត  ស្ថាបនិក និងជាប្រធាន​ប្រតិបត្តិ​ក្រុមហ៊ុន​សាជីវ​កម្ម​អមតៈ ចូល​ជួប​សំដែង​ការគួរ​សម។ លោក វីក្រុម ក្រូម៉ាឌិត មានប្រសាសន៍​ថ្លែងនូវ​អំណរ​គុណ​ជូនចំពោះ សម្តេច​តេជោ​នាយក​រដ្ឋមន្រ្តី ដែលបាន​អនុញ្ញាត​ឲ្យរូប​លោកចូល​ជួបសំដែង ការគួរសម។ លោក​ប្រធាន​មានប្រសាសន៍​បន្តថា កម្ពុជា​នឹងមាន​អនាគត​ដ៏ល្អព្រោះ​ថា កម្ពុជា​ជាប្រទេស​ស្ថិត​នៅ​ចំ​ចំណុចក​ណ្តាល​គេ ពិសេស​រវាង​ថៃនិង​វៀតណាម ដែល​មាន​សក្តានុពល​ខ្ពស់​បំផុត។
លោក វីក្រុម ក្រូម៉ាឌិត មានប្រសាសន៍​ជំរាបជូនស​ម្តេចតេជោនាយក​រដ្ឋមន្រ្តីដែរថា បច្ចុប្បន្ន​ក្រុមហ៊ុន​របស់លោ​កកំពុង​បង្កើតតំ​បន់សេ​ដ្ឋកិច្ច​ពិសេស នៅក្នុង​ប្រទេស​ថៃ ​វៀត​ណាម និង​នៅ​ប្រទេស​មីយ៉ាន់ម៉ារ និងកំពុងសិ​ក្សាបើក​តំបន់​សេដ្ឋកិច្ច​ពិសេស​ក្នុងប្រ ទេស​កម្ពុជា​។ តាមរយៈ​កិច្ចសន្ទនា​គ្នានោះ លោកប្រធាន​ក្រុមហ៊ុន​សុំការណែនាំ​ពីសម្តេច​តេជោនាយក​រដ្ឋ​មន្រ្តី ក្នុងការ​បណ្តាក់ទុន​វិនិយោគ​ក្នុងប្រទេស​កម្ពុជា។

ជាកិច្ចឆ្លើយតប សម្តេច​តេជោ​នាយក​រដ្ឋមន្រ្តី​មានប្រសាសន៍​ថា កម្ពុជា​និង​ខិតខំ​ប្រឹង​ប្រែង​ធ្វើយ៉ាង​ណា រក្សាកំណើន​សេដ្ឋកិច្ច​ជាមធ្យម​៧%ក្នុង​១ឆ្នាំ តាម​រយៈ​នេះ​រាជ​រដ្ឋា​ភិបាលច​ង់​ឃើញ​អ្នក​វិនិយោគ បន្ថែម​ទៀត មកបណ្តាក់​ទុនវិនិយោគ​នៅកម្ពុជា។ សម្តេច​តេជោ​នាយក​រដ្ឋមន្រ្តី​មានប្រសាសន៍​បន្តថា រាជរដ្ឋា​ភិបាល កំពុងតែ​ខិតខំ​ធ្វើយ៉ាង​ណា​ឲ្យ​តម្លៃ​ភ្លើង​មាន​ការ​ធ្លាក់​ចុះ ដើម្បីចូល​រួមចំណែក​កាត់​បន្ថយភា​ពក្រីក្រ​របស់​ប្រជា​ពល​រដ្ឋ និងការ​បណ្តាក់​ទុន​វិនិយោគរ​បស់​ផ្នែក​ឯកជន​នៅក​ម្ពុជា។ សម្តេចតេជោ​នាយក​រដ្ឋមន្រ្តី​ក៏បាន​ស្វាគមន៍​ចំពោះ​គោល​បំណង​ នៃការបង្កើត​តំបន់សេដ្ឋកិច្ច​នៅ​កម្ពុជា និងបាន​សន្យាថា​ នឹង​អញ្ជើញ​ទៅ​ចូល​រួម​ក្នុង​ពិធីបើក​តំបន់​សេដ្ឋកិច្ច ពិសេសរបស់​ក្រុមហ៊ុន​សាជីវកម្ម​អមតៈ ក្នុងប្រទេស​កម្ពុជា៕

ជំនួប​ទ្វេភាគីរវាង​ សម្តេច​តេជោ ហ៊ុន សែន ជាមួយ ឯកឧត្តម ប្រាយុត ចន្ទអូចា នាយករដ្ឋ​មន្ត្រីថៃ

  ប្រមុខរាជ​រដ្ឋាភិបាល នៃប្រទេស​ទាំង​ពីរកម្ពុជា-ថៃ បាន​សន្យា​គ្នា​ថា នឹង​ខិត​ខំជម្រុញ​ទំហំ​ពាណិជ្ជ​កម្ម​នៃប្រទេស​ទាំងពីរ ឲ្យកាន់តែមាន​ទំហំទ្វេឡើង​​ថែម​ទៀត តាម​រយៈ​ការ​តភ្ជាប់​រវាង​ប្រជាជន និងប្រជាជន ការតភ្ជាប់​ហេដ្ឋារ​ចនាសម្ព័ន្ធ និងការ​បើក​ច្រក​ព្រំដែន​នៃប្រទេស​ទាំងពី​រ​ឲ្យ​កាន់​តែទូលំ​ទូលាយថែ​មទៀត សំដៅបង្កើន​ស្ថេរភាព នៃការ​អភិវឌ្ឍ​សម្រាប់​ប្រទេស​ទាំង​ពីរ។
ក្នុងជំនួប​ដែលធ្វើ​ឡើង​នារសៀល​ថ្ងៃទី៩ តុលា នៅទីក្រុងបាងកក ជាទីដែល​សម្តេច​តេជោ​នាយក​​រដ្ឋមន្រ្តី អញ្ជើញចូលរួម​កិច្ចប្រជុំ​កំពូលស្តី​ពីកិច្ចសន្ទនា នៃកិច្ច​សហ​ប្រតិបត្តិកា​រ​អាស៊ី​លើក​ទី២ ឯកឧត្តម​ ឧត្តមសេនីយ៍ ប្រាយុទ្ធ ច័ន្ទអូចា នាយករដ្ឋមន្រ្តីថៃ មានប្រសាសន៍​ថា ឯកឧត្តម​ពិតជាមាន​ការរីករាយដោ​យបានជួ​បពិភាក្សា​សាជាថ្មីម្តង​ទៀត ជាមួយស​ម្តេចតេជោ​នាយក​រដ្ឋមន្រ្តី ថ្វីត្បិត​រូបឯកឧត្តម និងសម្តេចតេជោ ធ្លាប់បានជួបគ្នា​ជាច្រើន​លើក​ច្រើនសារ ក្នុង​ក្របខណ្ឌ​អន្តរជាតិ។ ឯកឧត្តម​នាយករដ្ឋ មន្រ្តីមាន​ប្រសាសន៍​ចាត់​ទុកថា សម្តេច​គឺជា​មិត្ត​ដ៏ល្អ​របស់ប្រ​ទេស និង​ប្រជាជនថៃ ហើយបានចាត់​ទុកថា​វត្តមាន​របស់ សម្តេច​តេជោ​នាយក​រដ្ឋមន្រ្តី ក្នុងកិច្ចប្រ​ជុំ​កំពូល​ស្តីពី​កិច្ចសន្ទនា នៃកិច្ចសហប្រតិ​បត្តិការ​អាស៊ី​លើកទី​២នេះ គឺពិត​ជា​មាន​សារៈ​សំខាន់បំផុត។
ជាកិច្ចឆ្លើយតប​ សម្តេច​អគ្គមហា​សេនាបតីតេជោ ហ៊ុន សែន នាយក​រដ្ឋមន្រ្តី នៃព្រះរាជា​ណា​ចក្រ​កម្ពុជា មានប្រសាសន៍​អបអរសាទរចំពោះ​ជោគជ័យ នៃការធ្វើ​ប្រជា​មតិ​របស់​ប្រទេស​ថៃ ដែល​បានធ្វើ​ឡើងនា​កន្លងមក។ សម្តេចតេ​ជោ នាយករដ្ឋមន្រ្តីមាន​ប្រសាសន៍​សង្កត់ធ្ងន់​ថា សម្រាប់​ប្រទេស​យើង​ទាំងពីរ​បញ្ហា​នៃការ​សម្រេច​ចិត្ត​របស់​ប្រជាជន គឺពិតជា​មាន​សារៈ​សំខាន់​ណាស់ ព្រោះថាការធ្វើ​ប្រជា​មតិនិង​ការបោះ​ឆ្នោត គឺផ្តើម​ចេញ​ពីឆន្ទៈ​ពិតប្រាកដ​របស់​ប្រជា​ពល​រដ្ឋ ដោយគ្មាន​នណាទៅ​បំភិត​បំភ័យ ឬការ​បង្វិត​បង្ខំ​នោះ​ឡើយ។

ក្នុងជំ​នួប​ពិភាក្សា​ដ៏មាន​សារៈសំខាន់​នោះដែរ​សម្តេចតេជោ នាយករដ្ឋមន្រ្តី និង​សមភាគី​ថៃ ឯក​ឧត្តម​ឧត្តមសេនីយ៍ ប្រាយុទ្ធ ច័ន្ទអូចា បានធ្វើការពិភាក្សា​គ្នាយ៉ាង​យកចិត្ត​ទុកដាក់ ទៅ​លើ​ការ​ពង្រឹង​ និងពង្រីកការត​ភ្ជាប់​រវាងប្រជាជន និងប្រជាជន នៅតាម​តំបន់​ព្រំដែន​នៃប្រទេស​ទាំងពីរ​។ មេដឹកនាំទាំងពីរ​បានចាត់​ទុក​ថា នឹង​ខិត​ខំ​បើក​ច្រក​ព្រំដែន​អន្តរជាតិ​ថ្មីនៃ​ប្រទេស​ទាំង​ពីរ ឲ្យបាន​ចេញជា​រូបរាង​ពិត​ប្រាកដ ដោយមិន​រងចាំ​ការបោះ​បង្គោល​ព្រំដែន ឬធ្វើ​ឲ្យប៉ះ​ពាល់​​ដល់​ខ្សែ​បន្ទាប់​ព្រំដែន ហើយការ​បិទ ឬបើកច្រកព្រំដែន​មិនត្រូវ​ធ្វើឡើង​ដោយ​ឯក​តោ​ភាគី ពោលគឺការ​ធ្វើអ្វី​មួយ ត្រូវរាយ​ការណ៍ជូនប្រមុខ​រាជរដ្ឋា​ភិបាល នៃប្រទេស​ទាំងពីរ​ជាមុន។ ជាមួយ​គ្នា​នេះមេដឹក​​នាំទាំង​​ពីរ​ក៏​បាន​​ឯកភាព ឲ្យគណៈ​​កម្មការ​​ព្រំដែន នៃប្រ​ទេស​ទាំងពីរ​កម្ពុជា - ថៃ បន្តការ​ពិភាក្សា​ជាបន្ត​ទៅ​ទៀត បន្ទាប់​ពីការ​អាក់​ខាន​ជួប​ពិភាក្សា​គ្នា​ជាង​២ឆ្នាំ​មក​នោះ។ មេដឹកនាំ​ទាំងពី​រក៏បាន​សំដែង​នូវការ​រីក​រាយ​ចំពោះ ការ​តភ្ជាប់​ផ្លូវ​រថភ្លើង​នៃប្រទេស​ទាំង​ពីរ ដែលគ្រោង​និងប្រារព្វ​ពិធីសម្ពោធ​នៅបំណាច់​ឆ្នាំ​២០១៦​នេះ។ ជាមួយ​គ្នានេះ​មេដឹកនាំ នៃ​ប្រទេស​​ទាំង​ពីរ ក៏បានធ្វើការ​ពិភាក្សា​គ្នាយ៉ាង​យកចិត្ត​ទុកដាក់ ទៅលើបញ្ហា​កម្លាំង​ពលករ​កម្ពុជា​ចំនួន​ជាង​២សែន​៤ម៉ឺននាក់ ដែលកំពុង​បំពេញ​ការងារ​ទាំង​ស្រប​ច្បាប់ និង​មិន​ស្រប​ច្បាប់​នៅ​ប្រទេស​ថៃ ដែលក្នុងនោះ​ភាគី​កម្ពុជា​ស្នើឲ្យភាគី​ថៃ​សហការ​ជាមួយ​កម្ពុជា ក្នុង​ការ​ផ្តល់​លិខិតឆ្លង​ដែនដល់​ពលករ​ទាំង​អស់​នោះ ដើម្បីឲ្យ​ពួក​គេ​ធ្វើការ​ដោយ​ស្រប​ច្បាប់​ក្នុង​ប្រទេស​ថៃ។ មេដឹកនាំ​នៃប្រទេស​ទាំងពីរ​ក៏បាន​ពិភាក្សា​គ្នាយ៉ាង​យកចិត្ត​ទុកដាក់ ទៅលើ​តំបន់​ត្រួត​ស៊ីគ្នា​ក្នុង​ដែន​សមុទ្រ និងការ​កសាង​នូវ ថាម​ពល​វារីអគ្គិសនី​នៅ​ស្ទឹង​មេទឹក​ក្នុង​ខេត្តកោះ​កុង​ ដែលជា​គម្រោង​ដ៏មាន​អត្ថប្រយោជន៍​របស់​ប្រជា​ពលរដ្ឋ នៃប្រទេស​ទាំងពីរ។ មេដឹក​នាំនៃ​ប្រទេស​ទាំង​ពីរ ក៏បានសំដែង​នូវការរីក​រាយ​ចំពោះ​ទំហំ​ពាណិជ្ជ​កម្ម និង​វិនិយោគ​នៃប្រទេស​ទាំងពីរ​កម្ពុជា-ថៃ ដែលតួលេខ​បាន​បង្ហាញ​ថា កាល​ពីឆ្នាំ​២០១៤​ការនាំ​ចូល​ពីប្រទេស​ថៃមក​កាន់​ប្រទេសកម្ពុជា មានទំហំ៤ពាន់២៥លានដុល្លា ការនាំចេញ​ពីកម្ពុជាទៅ​កាន់​ប្រទេសថៃ មាន​ទំហំ៥​៨៩លានដុល្លា។ ឆ្នាំ២០១៦ការនាំចូល​ពីប្រទេស​ថៃមកកាន់​ប្រទេសក​ម្ពុជា មាន​ទំហំ​៤ពាន់​៦៨៩លានដុល្លា ឯការនាំចេញពី​កម្ពុជា​ទៅកាន់​ប្រទេស​ថៃ មាន​ទំហំ​៦៣៩​លាន​ដុល្លា។ មេដឹកនាំ​ទាំងពីរបាន​ចាតទុក​ថា នេះជាទំហំ​ពាណិជ្ជកម្ម​ជាប់​ចំណាត់​ថ្នាក់ទី​១ បើ​ប្រៀប​​ធៀបទៅ​នឹងបណ្តា​ប្រទេស​ក្នុងតំបន់ ប៉ុន្តែទោះបី​ជាយ៉ាង​ណាក៏​ដោយ​មេដឹក​នាំទាំង​ពីរចាត់​ទុកថា ប្រទេសទាំងពីរ​នៅមាន​សក្តានុពល​ជាច្រើន​ទៀត ដែល​យើង​គួរតែ​ជំរុញ​កំណើន​នៃ​ទំហំពា​ណិជ្ជកម្ម ឲ្យកើនដល់​១៥ពាន់លាន​ដុល្លានៅពេល​ដ៏ខ្លីខាង​មុខ។ នៅក្នុង​ជំនួប​ពិភាក្សា​គ្នានោះដែរ មេដឹកនាំ​នៃប្រទេសទាំ​ងពីរ​កម្ពុជា-ថៃ បានពិភាក្សា​គ្នាផង​ដែរ ក្នុង​បើក​​កិច្ចប្រជុំគណៈរដ្ឋមន្រ្តី ចម្រុះនៃប្រទេស​ទាំងពីរកម្ពុជា ថៃ ដែល​គ្រោង​នឹង​ប្រារព្វ​ធ្វើឡើង​ក្នុង​ប្រទេស​កម្ពុជានៅ​ឆ្នាំ២០១៧​ខាងមុខ។ មេដឹក​នាំនៃប្រទេស​ទាំងពីរកម្ពុជា-ថៃ ក៏បាន​ធ្វើការ​ពិភាក្សា​គ្នាយ៉ាង​យកចិត្តទុក​ដាក់ ទៅលើទំនាក់ទំ​នង​ទ្វេភាគី ពហុភាគី បញ្ហា​តំបន់​និង​អន្តរជាតិ ដែលមាន​ការយក​ចិត្តទុក​ដាក់​ដូចគ្នា៕

សម្តេច​តេជោ នាយក​រដ្ឋមន្រ្តី​អញ្ជើញ​ទៅដល់​អាកាស​យាន​ដ្ឋានទ័ព​អាកាស នៃកង​ទ័ព​ភូមិន្ទ​ថៃ ទីក្រុង​បាងកក ព្រះរា​ជាណា​ចក្រថៃ

  សម្តេច​អគ្គមហា​សេនាប​តីតេជោ ហ៊ុន​ សែន នាយករដ្ឋមន្រ្តី នៃព្រះរាជា​ណាចក្រ​កម្ពុជា និង​គណៈ​ប្រតិ​ភូជាន់ខ្ពស់ រាជ​រដ្ឋា​ភិបាល​កម្ពុជា បាន​អញ្ជើញ​ទៅដល់​អាកាស​យាន​ដ្ឋាន​ទ័ព​អាកាស នៃកងទ័ព​ភូមិន្ទថៃ ទីក្រុង​បាង​កក ព្រះ​រា​ជា​ណា​ចក្រថៃ ដើម្បី​ចូលរួម​កិច្ច​ប្រជុំកំពូល​ស្តីពី​កិច្ចសន្ទនា នៃកិច្ចសហ​ប្រតិបត្តិកា​រអាស៊ី ACD លើកទី២ ដែលនឹង​ប្រារព្វ​ធ្វើ​ឡើងនៅ​ថ្ងៃទី១០តុលា។
យន្តហោះ​ពិសេស​របស់​ព្រះរាជា​ណាចក្រកម្ពុជា បានធ្វើការចុះចត​ប្រកប​ដោយ​​សុវត្តិភាព កាល​ពីវេលា​ម៉ោង​៩និង​១៥​នាទី។ វត្តមាននៃ​ការ​អញ្ជើញ​ដល់​របស់​សម្តេច​តេជោ​នាយករដ្ឋមន្រ្តី និង​គណៈ ប្រតិភូ​ត្រូវបាន​ការ​ធ្វើគារ​វកិច្ច​ស្វាគមន៍ យ៉ាងស្និតស្នាល​រ៉ាក់ទាក់​ពីសំណាក់ ឯកឧត្តម ស៊ូរ៉ាផាន់ តានីយូរ៉ាដហាណា រដ្ឋ មន្រ្តី​នៃ​ខុទ្ទកាល័យ​នាយក​រដ្ឋមន្រ្តី​ថៃ លោកជំទាវ អ៊ាត សោភា ឯក​អគ្គរាជ​ទូត ព្រះរាជាណា​ចក្រកម្ពុជា ប្រចាំព្រះ​រាជា​​ណាចក្រថៃ ព្រម​ទាំង​ឯកឧត្តម លោកជំទាវ ជាឥស្សរ​ជនជាន់ខ្ពស់ រាជរដ្ឋា​ភិបាល​ថៃ និង​ឥស្សរ​ជនការ​ទូត​របស់​ព្រះរា​​ជា​ណា​​ចក្រ​កម្ពុជា ប្រចាំ​ព្រះរាជា​ណាចក្រថៃជា​ច្រើនរូប។

តាមកម្ម​វិធីដែលបា​នគ្រោង​ទុក នៅរសៀលថ្ងៃ​ទី៩​តុលានេះ សម្តេចតេជោ​នាយក​រដ្ឋមន្រ្តី និងជួប​ពិភាក្សា​ទ្វេ ភាគី​ជាមួយស​ម​ភាគីថៃ ឯកឧត្តម​ឧត្តមសេនីយ៍ ប្រាយុទ្ធ ច័ន្ទអូចា នាយក​រដ្ឋមន្រ្តី​ថៃ ក្នុងគោល​បំណង​ដើម្បី​ពង្រឹង​និង ពង្រីក​កិច្ច​សហប្រតិ​បត្តិការ នៃព្រះរាជា​ណាចក្រ​ទាំងពីរ ឲ្យកាន់តែរឹងមាំ និងរីកចម្រើនទ្វេ​ឡើង​ថែមទៀត។ ជា​មួយ​គ្នា​នេះស​ម្តេចតេជោ​ នាយករដ្ឋមន្រ្តី នឹងជួបពិ​ភាក្សាគ្នា​ផងដែរ​​ជាមួយ ឯកឧត្តម វ៉ាង ក្យូអា (Hwang Kyo-ahn) នាយក​​រដ្ឋមន្រ្តី នៃសាធារណ​រដ្ឋ​កូរ៉េ។ ដូចគ្នានិង​បណ្តា​មេដឹកនាំ​អាស៊ីដទៃ​ទៀត​ដែរ​នោះ សម្តេច​តេជោ​នាយក​រដ្ឋមន្រ្តី នឹងថ្លែង​​សុន្ទរកថា​គន្លឹៈ ក្នុងពិធីបើក​កិច្ចប្រជុំ​​កំពូលស្តី​ពីកិច្ច​សន្ទនា នៃកិច្ចសហ​ប្រតិបត្តិការ​អាស៊ី ACD លើកទី២ ក្រោម​​ប្រ​ធាន​បទ អាស៊ីតែមួយ ថាមពលចម្រុះ ដែលនឹង​ប្រារព្វធ្វើឡើងនៅថ្ងៃទី១០តុលា៕