នាយឧត្តមសេនីយ៍ ម៉ឹង សំផន ចុះជួបសំណេះសំណាលជាមួយមន្ត្រីរាជការ កងកម្លាំងប្រដាប់អាវុធ ព្រះសង្ឃ និងប្រជាពលរដ្ឋ ក្នុងស្រុកចន្ទ្រា

 ស្វាយរៀង÷ នាថ្ងៃទី១០ ខែមករា ឆ្នាំ២០២១ លោកនាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកចន្ទ្រា និងក្រុងបាវិត បានចុះជួបសំណេះសំណាលជាមួយមន្ត្រីរាជការ កងកម្លាំងប្រដាប់អាវុធ ព្រះសង្ឃ និងប្រជាពលរដ្ឋ ក្នុងឃុំមេសរថ្ងក និងឃុំសំរោង ស្រុកចន្ទ្រា។

ក្នុងនោះ មានការចូលរួមពីលោក ថន ថាវុទ្ធា អភិបាលស្រុកចន្ទ្រា មន្ត្រីរាជការ កងកម្លាំងប្រអាវុធក្នុងស្រុក និងក្រុមប្រឹក្សាឃុំមេសរថ្ងក និងឃុំសំរោង។

ក្នុងពេលចុះជួបសំណេះសំណាល លោកនាយឧត្តមសេនីយ៍ ម៉ឹង សំផន ក៏បានឧបត្ថម្ភប្រជាពលរដ្ឋក្រីក្រសាងសង់ផ្ទះនៅភូមិបារាយណ៍ ឃុំមេសរថ្ងក ចំនួន២០០ដុល្លារ ឧបត្ថម្ភប្រជាពលរដ្ឋចូលរួមសំណេះសំណាល ២១នាក់ ម្នាក់ៗថវិកា ៣០,០០០ រៀល កុមារា កុមារី ១២នាក់ ម្នាក់ៗថវិកា ១០,០០០ រៀល ឧបត្ថម្ភថវិកាកសាងវត្តបទុមរង្សី ហៅវត្តចេក ចំនួន ៥០០ដុល្លារ ឧបត្ថម្ភប្រជាពលរដ្ឋក្រីក្រនៅភូមិចេក ឃំុសំរោង ១០០ដុល្លារ ឧបត្ថម្ភអនុសាខាកាកបាទក្រហមកម្ពុជាស្រុក ១០០ដុល្លារ ឧបត្ថមកងកម្លាំងប្រដាប់អាវុធទាំងបី ក្នុងស្រុក ០៨នាក់ ក្នុងម្ននាក់ៗ ៤០,០០០ រៀល ប្រជាពលរដ្ឋជាកម្មករ ១៣នាក់ ក្នុងម្នាក់ៗ ៥០,០០០រៀលផងដែរ៕