ស្វាយរៀង៖ នៅថ្ងៃទី១២ ខែមករា ឆ្នាំ ២០២១ នៅទីស្នាក់ការសាខាកាកបាទក្រហមកម្ពុជាខេត្តស្វាយរៀង បានប្រជុំបូកសរុបលទ្ធផលការងារប្រចាំឆ្នាំ២០២០ និងទិសដៅអនុវត្តឆ្នាំ ២០២១ ក្រោមអធិបតីភាពលោក ម៉ែន វិបុល ប្រធានគណៈកម្មាធិការសាខា លោកស្រី ហៅ ច័ន្ទសិរីទេពី ចៅ ភិរុណ អនុប្រធានគណៈកម្មាធិការសាខា ព្រមទាំងលោក លោកស្រីជាសមាជិក សមាជិកាគណៈកម្មាធិការសាខា ប្រធាន អនុប្រធានគណៈកម្មាធិការអនុសាខាក្រុង ស្រុកទាំង ៨ ក្រុមប្រតិបត្តិសាខាសរុបចំនួន២៦ នាក់។
គោលបំណងនៃកិច្ចប្រជុំនេះ គឺដើម្បីបូកសរុបលទ្ធផលការងារដែលសម្រចបានក្នុងឆ្នាំ ២០២០ ក៏ដូចជាបញ្ហាប្រឈមនានាដែលសាខា អនុសាខាជួបប្រទះ និងធ្វើការដោះស្រាយនូវសំណូមពរមួយចំនួនដែលមាននៅថ្នាក់សាខា និងអនុសាខា។
របៀបវារៈនៃកិច្ចប្រជុំរួមមាន៖
១-របាយការណ៍បូកសរុបលទ្ធផលការងារ និងរបាយការណ៍ហិរញ្ញវត្ថុរបស់សាខា អនុសាខា ប្រចាំឆ្នាំ២០២០ លើកទិសដៅការងារ និងអនុម័តផែនការថវិកាសកម្មភាពការងារឆ្នាំ ២០២១
២- មតិលើកឡើងរបស់គណៈកម្មាធិការសាខា និងអនុសាខាលើរបាយការណ៍ទាំង២ និងទិសដៅការងារឆ្នាំ២០២១
៣-ការលើកឡើងរបស់អនុសាខាក្រុង ស្រុកទាំង៨ នូវសកម្មភាពការងារនៅថ្នាក់អនុសាខា
៤-ចូលរួមពិនិត្យផែនការថវិកាសកម្មភាពការងារសាខា ឆ្នាំ២០២១
៥-ការពិភាក្សារួមនៃគណៈកម្មាធិការសាខា ក្រុមប្រតិបត្តិសាខា និងអនុសាខាក្រុង ស្រុក ដើម្បីអនុម័តលើផែនការថវិកាសកម្មភាពការងារឆ្នាំ២០២១។
៦-អនុសាសន៍ផ្សេងៗ
តាមរបៀបវីរៈនៃកិច្ចប្រជុំ សមាជិក សមាជិការនៃអង្គប្រជុំបានឯកភាពទាំងស្រុងនូវរបាយការណ៍លទ្ធផលការងារ និងរបាយការណ៍ហិរញ្ញវត្ថុឆ្នាំ២០២០ និងបានអនុម័តទៅលើទិសដៅការងារ និងផែនការសកម្មភាពរបស់សាខា អនុសាខា ឆ្នាំ២០២១។
មានប្រសាសន៍ក្នុងកិច្ចប្រជុំ លោក ម៉ែន វិបុល បានថ្លែងអំណរគុណចំពោះលោក លោកស្រី ដែលមានវត្តមានចូលរួមប្រជុំដើម្បីបូកសរុបលទ្ធផលដែលសាខាសម្រេចបានរយៈពេល១ឆ្នាំ កន្លងទៅនេះ មានការខិតខំប្រឹងប្រែងយកចិត្តទុកដាក់ក្នុងសកម្មភាពការងារមនុស្សធម៌ ដោយសហការគ្នាបានល្អប្រសើ ហើយពេលមានគ្រោះមហន្តរាយកើតឡើងត្រូវទំនាក់ទំនងជាមួយអាជ្ញាធរភូមិ ឃុំ ដើម្បីដោះស្រាយឲ្យបានទាន់ពេលវេលា៕
No comments:
Post a Comment