លោកនាយករដ្ឋមន្រ្តី ហ៊ុន សែន៖ ការដាក់ឱ្យប្រើប្រាស់ក្រដាសប្រាក់១៥០០០រៀលគឺដើម្បីអបអរសាទរខួប១៥ឆ្នាំនៃការឡើងគ្រងរាជសម្បត្តិរបស់ព្រះមហាក្សត្រ

លោកនាយករដ្ឋមន្រ្តី ហ៊ុន សែន បានថ្លែងថា នៅថ្ងៃនេះ ធនាគារជាតិនៃកម្ពុជានឹងដាក់ឱ្យចរាចរក្រដាសប្រាក់១៥០០០រៀលគឺដើម្បីចូលរួមអបអរសាទរខួប១៥ឆ្នាំនៃការឡើងគ្រងរាជសម្បត្តិរបស់សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។

លោកនាយករដ្ឋមន្រ្តី ហ៊ុន សែន បានថ្លែងដូចនេះនៅព្រឹកថ្ងៃទី០៧ ខែតុលា ឆ្នាំ២០១៩នេះ នៅក្នុងពិធីជួបសំណេះសំណាលជាមួយសិស្សនិទ្ទេស A ឆ្នាំ២០១៩ ទូទាំងប្រទេស ៤៤៣នាក់ នៅវិមានសន្តិភាព រាជធានីភ្នំពេញ។