លោកនាយករដ្ឋមន្ត្រី ហ៊ុន សែន និងជាប្រធានសមាគមអតីតយុទ្ធជនកម្ពុជា បានចេញសារលិខិតអបអរសាទរក្នុងទិវា ខួបលើកទី៧០ ខួបលើកទី១២ ទិវាអតីតយុទ្ធជនកម្ពុជា ២១ មិថុនា ឆ្នាំ២០១៩។
សារលិខិតរបស់លោកនាយករដ្ឋមន្ត្រី ហ៊ុន សែន បានបញ្ជាក់ថា «ក្នុងទិវា ខួបលើកទី៧០ ខួបលើកទី១២ ទិវាអតីតយុទ្ធជនកម្ពុជា ២១ មិថុនា ឆ្នាំ២០១៩» ក្នុងនាមរាជរដ្ឋាភិបាលកម្ពុជា និងក្នុងនាមប្រធានកិត្តិយសក្រុមប្រឹក្សាជាតិកម្ពុជាដើម្បីកុមារ ខ្ញុំសូមលំឱនកាយគោរពចំពោះវិញ្ញាក្ខន្ធ យុទ្ធជន យុទ្ធ នារី និងប្រជា ពលរដ្ឋកម្ពុជាដែលបានពលីជីវិត ដើម្បីបុព្វ ហេតុជាតិ មាតុភូមិ និងប្រជាជន និងសូមផ្តាំផ្ញើនូវការសួរសុខទុក្ខប្រកបដោយក្តីស្រឡាញ់ ចំពោះបងប្អូនអតីតយុទ្ធជនគ្រប់រូប និងគ្រប់គ្រួសាររបស់បងប្អូន ដែលបាន និងកំពុងបន្តចូលរួមយ៉ាងសកម្មក្នុងបុព្វហេតុការពារ កសាង និងអភិវឌ្ឍន៍ប្រទេសជាតិ»។
លោកនាយករដ្ឋមន្ត្រី ហ៊ុន សែន បានថ្លែងថា «ការប្រារព្ធទិវា ដ៏មានអត្ថន័យនេះ ដើម្បីរំឮកដល់គំរូវីរភាពដ៏មោះមុត និងគុណបំណាច់ដ៏ធំធេងរបស់វីរយុទ្ធជន យុទ្ធនារី នៃកងកម្លាំងប្រដាប់អាវុធ និងប្រជាពលរដ្ឋ គ្រប់ស្រទាប់ដែលបានពលីកម្មដើម្បីបុព្វហេតុ ជាតិមាតុភូមិនៃយើង»។
No comments:
Post a Comment