កំពង់ឆ្នាំង៖ នៅអធិការដ្ឋាននគរបាលស្រុករលាប្អៀរ នៅថ្ងៃទី២៣ ខែកក្កដា ឆ្នាំ២០១៨ បានប្រារព្ធពិធីផ្សព្វផ្សាយស្តីពីច្បាប់បទបញ្ជា នីតិវិធី និងក្រមសីលធម៌ សម្រាប់ភ្នាក់ងារសន្តិសុខបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨ ក្រោមអធិបតីភាពលោកឧត្តមសេនីយ៍ត្រី ប៉ុល វុទ្ធី ស្នងការរងនគរបាលខេត្តកំពង់ឆ្នាំង។
សមាសភាពចូលរួមនាឱកាសនោះរួមមាន លោកវរសេនីយ៍ឯក ទឹម ចាន់ធី អធិការនគរបាលស្រុករលាប្អៀរ អធិការរងទទួលជំនាញ នាយ-នាយរងផ្នែក នាយប៉ុស្តិ៍នគរបាលរដ្ឋបាលទាំង១៣ ព្រមទាំងមន្ត្រីនគរបាល ប្រជាការពារ អន្តរាគមន៍ ប្រចាំការនៅអធិការដ្ឋាន និងប្រការពារអន្តរាគមន៍ ប្រចាំការនៅតាមបណ្តាប៉ុស្តិ៍នគរបាលទាំង១៣ សមាសភាពចូលរួមសរុប២២៣នាក់ ស្រី០៨នាក់។
ក្នុងពិធីនោះដែរ លោកស្នងការរង និងក្រុមការងារ ក៏បានចែកសម្លៀកបំពាក់ជូនដល់ប្រជាការពារចំនួន ១៨៦នាក់ ស្មើនិង១៨៦កំប្លេរ (សម្លៀកបំពាក់ មួក និងប្រឡង់ដៃ)៕
No comments:
Post a Comment