លោក ថោង ខុន បើកកិច្ចប្រជុំពេញអង្គលើកទី៤ របស់គណៈកម្មការអន្តរក្រសួងស្តីពីការសម្រួលការធ្វើដំណើរនៅតាមច្រកទ្វារព្រំដែនអន្តរជាតិ

នៅព្រឹកថ្ងៃទី ១១ ខែធ្នូ ឆ្នាំ២០១៧នេះ លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មការអន្តរក្រសួងដើម្បីសម្រួលការធ្វើដំណើរ និងដឹកជញ្ជូនភ្ញៀវទេសចរ និងអ្នកដំណើរនៅតំបន់ច្រកទ្វារព្រំដែនអន្តរជាតិ និងច្រកទ្វារអន្តរជាតិទូទាំងប្រទេស បានអញ្ជើញជាអធិបតីក្នុងពិធីបើកកិច្ចប្រជុំពេញអង្គលើកទី៤ របស់គណៈកម្មការអន្តរក្រសួង នៅសណ្ឋាគាររ៉េស៊ីដង់ សុខា ភ្នំពេញ។

កិច្ចប្រជុំនេះ ក៏មានការចូលរួមជាគណៈអធិបតីពីនាយឧត្តមសេនីយ៍ សុខ ផល អគ្គនាយកនៃអគ្គនាយកដ្ឋានអន្តោប្រវេសន៍ និងលោក ឃួង ស្រេង អភិបាលរាជធានីភ្នំពេញ ព្រមទាំងមានការចូលរួមពីក្រសួង ស្ថាប័នពាន់ព័ន្ធ អភិបាលអភិបាលរងខេត្ត និងមន្ទីរទេសចរណ៍រាជធានីខេត្ត ដែលជាអនុប្រធាន និងសមាជិកគណៈកម្មការ សរុបប្រមាណ ១០០នាក់៕