សមាជិកគណៈកម្មាធិការ សហភាពសហព័ន្ធយុវជនកម្ពុជាខេត្តកំពង់ឆ្នាំង ចូលរួមពិធីបុណ្យ ម៉ៅ ឡុត (បុណ្យខួបកំណើតព្យាការី មហាម៉ាត់) នៅឃុំស្វាយ

កំពង់ឆ្នាំង៖ លោក ឈួន ចាន់ណា នៅព្រឹកថ្ងៃអាទិត្យ ៧រោច ខែមិគសិរ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១០ ខែធ្នូ ឆ្នាំ ២០១៧ សមាជិកគណៈកម្មាធិការសហភាពសហព័ន្ធយុវជនកម្ពុជា (សសយក) ខេត្តកំពង់ឆ្នាំង និងជាប្រធាន សសយក ស្រុកសាមគ្គីមានជ័យ តំណាងលោក ហេង ពិទូ ប្រធាន សសយក ខេត្តកំពង់ឆ្នាំង បានដឹកនាំសមាជិក សមាជិកា សសយក ស្រុកសាមគ្គីមានជ័យ និងឃុំស្វាយ អញ្ជើញចូលរួម បុណ្យ ម៉ៅ ឡុត (បុណ្យខួបកំណើតព្យាការី មហាម៉ាត់ ) របស់បងប្អូនអ្នកកាន់ សាសនាឥស្លាម។

ពិធីនេះបានប្រព្រឹត្តទៅ ក្រោមអធិបតីភាពលោក វន ស៊ីផា អភិបាល នៃគណៈអភិបាលស្រុកសាមគ្គីមានជ័យ នៅវិហារជន្លាត់ដៃ ភូមិជន្លាត់ដៃ ឃុំស្វាយ។ នៅក្នុងពិធីបុណ្យនេះ ក្រុមការងារ សសយក ក៏បានចូលរួមថវិកា ក្នុងកម្មវិធីបុណ្យផងដែរ ដែលក្នុងនោះ លោក វន ស៊ីផា អភិបាលស្រុក ចូលរួមថវិកាកសាងវិហារចំនួន ១០០.០០០ រៀល និងឧបត្ថម្ភប្រជាការពារចំនួន ១០០.០០០ រៀល, លោក ឈួន ចាន់ណា ប្រធាន សសយក ស្រុកសាមគ្គីមានជ័យ បានចូលរួមថវិកាកសាងវិហារចំនួន ៥០.០០០រៀល និង លោក គុជ សារ៉ាត់ ប្រធាន សសយក ឃុំស្វាយចូលរួមថវិកាកសាងវិហារចំនួន ៤០.០០០រៀល ៕