លោកឧបនាយករដ្ឋមន្រ្តី ទៀ បាញ់ នឹងអញ្ជើញជាអធិបតីក្នុងទិវាបុណ្យឯករាជ្យជាតិ នៅវិទ្យាស្ថានទ័ពជើងគោក

នៅថ្ងៃទី០៦ ខែវិច្ឆិកា ឆ្នាំ២០១៧នេះ ក្រសួងការពារជាតិ បានចេញសេចក្តីប្រកាសជូនព័ត៌មានដោយបានបញ្ជាក់ថា លោកឧបនាយករដ្ឋមន្រ្តី ទៀ បាញ់ នឹងអញ្ជើញធ្វើជាអធិបតីភាពក្នុងឱកាសប្រារព្ធពិធីមិទ្ទីងអបអរសាទរខួបអនុស្សាវរីយ៍លើកទី៦៤ ទិវាបុណ្យឯករាជ្យចាតិ និងទិវាកំណើតកងយោធពលខេមរភូមិន្ទ (៩ វិច្ឆិកា ១៩៥៣- ៩ វិច្ឆិកា ២០១៧) នៅថ្ងៃទី០៨ ខែវិច្ឆិកា ឆ្នាំ២០១៧ នៅវិទ្យាស្ថានទ័ពជើងគោក (ថ្លុកតាសេក) ខេត្តកំពង់ស្ពឺ។

នៅក្នុងពិធីនោះ ក៏នឹងមានការអញ្ជើញចូលរួមពីថ្នាក់ដឹកនាំក្រសួងការពារជាតិ អគញគបញ្ជាការដ្ឋាន នាយទាហាន ជាមេបញ្ជាការ មេបញ្ជាការរង ពីគ្រប់ស្ថាប័ន កងឯកភាពទូទាំងកងយោធពលខេមរភូមិន្ទ និងសិក្ខាកាមវិទ្យាស្ថានទ័ពជើងគោក ព្រមទាំងមន្រ្តីរាជការ អាជ្ញាធរដែនដីជាច្រើនរូបពីខេត្តកំពង់ស្ពឺ កំពត និងខេត្តព្រះសីហនុផងដែរ៕