នៅទូទាំងតំបន់អាស៊ី មានប្រទេសកាន់តែច្រើនកំពុងត្រូវបានគេទាញចូលនៅក្នុងក្រុមរបស់ទីក្រុងប៉េកាំង ជាមួយនឹងជំហរដ៏ទន់ជ្រាយដែលត្រូវបានប្រកាន់យកដោយប្រទេសនៅតំបន់អាស៊ីអាគ្នេយ៍លើសមុទ្រចិនខាងត្បូងនៅឯកិច្ចប្រជុំកំពូលកាលពីចុងសប្តាហ៍ គឺជាសញ្ញាដ៏ច្បាស់លាស់មួយងាកទៅរកដំណើរការឆ្ពោះទៅមុខ។
ការអញ្ជើញដ៏គួរឱ្យភ្ញាក់ផ្អើលរបស់ប្រធានាធិបតីសហរដ្ឋអាមេរិក Donald Trump កាលពីចុងសប្តាហ៍នេះទៅកាន់បណ្តាមេដឹកនាំនៃប្រទេសហ្វីលីពីន ថៃ និងសឹង្ហបូរីអាចនឹងលើកទឹកចិត្តអ្នកដែលខ្លាចនយោបាយផ្តោតសំខាន់របស់លោក Barack Obama មកកាន់តំបន់អាស៊ី ត្រូវបានបោះបង់ចោល ដោយគាំទ្ររបៀបវារៈនៃការគិតពីផលប្រយោជន៍អាមេរិកមុនគេបង្អស់។
ប៉ុន្តែប្រធានសេនាធិការបុគ្គលិកប្រចាំសេតវិមាន លោក Reince Priebus បាននិយាយថា កិច្ចសន្ទនានេះមានបំណងដើម្បីរៀបចំចាត់ចែងឱ្យមានដៃគូនៅតំបន់អាស៊ីក្នុងករណីដែលមានភាពតានតឹងនៅកូរ៉េខាងជើង ឈានទៅរកការបំផ្លាញអាវុធនុយក្លេអ៊ែរដ៏ធំធេងនៅតំបន់អាស៊ី និងត្រូវបានគេលើកឡើងថា ពុំមានគោលដៅយុទ្ធសាស្រ្តទូលំទូលាយឡើយ។
បណ្តាប្រទេសនៅតំបន់អាស៊ីអាគ្នេយ៍នឹងត្រូវការច្រើនជាងនេះបន្ថែមទៀត ដើម្បីបង្ហាញឱ្យពួកគេឃើញថា សហរដ្ឋអាមេរិកនៅតែគាំទ្រខ្លួន។
ទន្ទឹមគ្នានេះដែរ មេដឹកនាំមួយចំនួនកំពុងតែងាកទៅរកចិន ដែលប្រកាន់ឥរិយាបទជម្លោះបែបទន់ភ្លន់លើបញ្ហាសមុទ្រចិនខាងត្បូង និងការប្រកាន់យកនូវគោលជំហរកម្មវិធីវិនិយោគហេដ្ឋារចនាសម្ព័ន្ធ «ផ្លូវមួយ ខ្សែក្រវ៉ាត់មួយ» របស់ទីក្រុងប៉េកាំង ដើម្បីទូទាត់សម្រាប់ការបោះបង់ចោលកិច្ចព្រមព្រៀងពាណិជ្ជកម្មភាពជាដៃគូឆ្លងទ្វីបប៉ាស៊ីហ្វិក (TPP)។
ស្ថានភាពកើតឡើងដែលមិនអាចគ្រោងទុកមុនដែលកើនឡើងរវាងលោក Trump និងប្រធានាធិបតីចិន Xi Jinping អាចផ្តល់ទំនុកចិត្តបន្ថែមទៀតដល់បណ្តាប្រទេសនៅតំបន់អាស៊ី ដើម្បីបន្តការគាំទ្ររបស់ពួកគេដល់ទីក្រុងប៉េកាំង។
លោក Malcolm Cook ដែលជាអ្នកស្រាវជ្រាវជាន់ខ្ពស់នៅឯវិទ្យាស្ថានសិក្សាស្រាវជ្រាវតំបន់អាស៊ីអាគ្នេយ៍មានមូលដ្ឋាននៅសឹង្ហបូរីបាននិយាយថា «កាលពីមុន បណ្តាប្រទេសនៅតំបន់អាស៊ីអាគ្នេយ៍ភាគច្រើនចង់ទទួលផលប្រយោជន៍ពីគំនិតផ្តួចផ្តើមសេដ្ឋកិច្ចថ្នាក់តំបន់របស់ចិន និងពីការទប់ទល់របស់អាមេរិកប្រឆាំងនឹងចិន»៕
ប្រភព: Reuters ចុះថ្ងៃទី០២ ខែឧសភា ឆ្នាំ២០១៧
No comments:
Post a Comment