លោក សុខ ឥសាន៖ សេរីភាពសារពត៌មាន និងសិទ្ធិបញ្ចេញមតិត្រូវបានបើកទូលាយថែមទៀត

លោក សុខ ឥសាន អ្នកនាំពាក្សគណបក្សប្រជាជនកម្ពុជា បានឱ្យដឹងថា ដោយមើលឃើញ នូវភាពចាំបាច់ និងសារសំខាន់នៃការបញ្ចេញមតិ និងសេរីភាពសារពត៌មាន រាជរដ្ឋាភិបាលបានសំរេចលុបចោលទោសជាប់ពន្ធនាគារ នៃបទបរិហាកេរ្ត៏ ចេញពីក្រមព្រហ្មទណ្ឌ និងធានាថាមិនមានប្រជាពលរដ្ឋណាម្នាក់ត្រូវជាប់ពន្ធនាគារដោយសារការបញ្ចេញមតិឡើយ ។
លោក សុខ ឥសាន បានបន្តថា សមិទ្ធផលនៃការរីកចំរើននៃប្រព័ន្ធផ្សព្វផ្សាយ ស្របតាមនិន្នាការបច្ចេកវិជ្ជាទំនើបនាពេលបច្ចប្បន្នបានបង្ហាញពីការបើកទូលាយ នូវការគោរពសិទ្ធបញ្ចេញមតិ និងសេរីភាពសារពត៌មាន និងការគោរពសិទ្ធបញ្ចេញមតិ ស្របតាមគោលការណ៍លទ្ធិប្រជាធិបតេយ្យនៅកម្ពុជា ៕