អនុរដ្ឋលេខាធិការក្រសួងបរិស្ថានដឹកនាំកិច្ចប្រជុំអគ្គគាំពារបរិស្ថាន

នៅថ្ងៃ០៨ ខែឧសភា ឆ្នាំ២០១៧នេះ លោក អ៊ាង សុផល្លែត អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំអគ្គគាំពារបរិស្ថាន នៅបណ្ណាល័យ ដើម្បីពិនិត្យវឌ្ឍភាពនៃការអនុវត្តតាមស្មារតីអង្គប្រជុំកាលពីថ្ងៃទី១៤ ខែមីនា ឆ្នាំ២០១៧ លើការ រៀបចំធ្វើការសិក្សាការវាយតម្លៃហេតុប៉ះពាល់បរិស្ថានជាយុទ្ធសាស្ត្រ សម្រាប់គម្រោងវិនិយោគនៅតាមដងទន្លេមេគង្គ។ កិច្ចប្រជុំនេះក៏រៀបចំឡើង ដើម្បីត្រួតពិនិត្យការអនុវត្ត ការប្រើប្រាស់ថវិកាសេវាអនាម័យ ដើម្បីធានាបាននូវភាពត្រឹមត្រូវ និងប្រសិទ្ធភាពខ្ពស់ និងកំណត់យុទ្ធសាស្ត្ររៀបចំមន្ទីរពិសោធន៍ជាតិសម្រាប់ធានាគុណភាពសុខភាពសាធារណៈ៕