លោក សុខ ឥសាន​៖ ច្បាប់ ស្តីពី គណបក្សនយោបាយ

នំពេញ៖ នៅថ្ងៃទី២០ ខែកុម្ភៈ ឆ្នាំ២០១៧  លោក សុខ ឥសាន អ្នកនាំពាក្សគណបក្សប្រជាជនកម្ពុជា បានមានប្រសាសន៍ក្នុងកិច្ចប្រជុំថា រដ្ឋសភាជាតិបានអនុម័តលើសេចក្តីស្នើច្បាប់ស្តីពីវិសោធនកម្មច្បាប់ស្តីពីគណបក្សនយោបាយ  ដោយសម្លេង ៦៦ នៃចំនួនសមាជិករដ្ឋសភាទាំងមូល ដោយមូលហេតុ៖

– ជាសំណូមពរចាំបាច់ ឆ្លើយតបនឹងតម្រូវការរបស់សង្គមជាតិ ដើម្បីមានច្បាប់មួយប្រកបដោយគុណភាព ។

– ដើម្បីឱ្យស្របតាមសភាពការណ៏ថ្មី ដោយបំពេញបន្ថែមនូវចំណុចចន្លោះប្រហោងមួយចំនួន នៃច្បាប់ចាស់ ។

– ជាសំណូមពរចាំបាច់ក្នុងការពង្រឹងគណបក្សនយោបាយ ដោយផ្អែកលើសារសំខាន់នៃតួនាទីរបស់គណបក្សនយោបាយ ដែលជាតួអង្គនៃការប្រគួតប្រជែងក្នុងការបោះឆ្នោត លើទីលានប្រជាធិបតេយ្យ ។

– ជាសំណូមពរនៃការពង្រឹងលទ្ធិប្រជាធិបតេយ្យ និង នីតិរដ្ឋ ដើម្បីធានាស្ថេរភាពនយោបាយ ស្ថេរភាពសង្គមជាតិ ។

ការអនុម័តច្បាប់វិសោធនកម្មច្បាប់នេះ គឺជាសមិទ្ធផលថ្មីមួយទៀត របស់ប្រជាជាតិខ្មែរយើង តាមរយៈការពុះពារជំនះឧបសគ្គស្មុគ្រស្មាញ របស់តំណាងរាស្ត្រមកពីគណបក្សប្រជាជនកម្ពុជា ដោយអនុវត្តត្រឹមត្រូវតាមខ្លឹមសាររដ្ឋធម្មនុញ បទបញ្ជាផ្ទៃក្នុងរដ្ឋសភា និង នីតិវិធីជាធរមាន ៕