ក្រសួង​ឧស្សាហកម្ម និងសិ​ប្បកម្មចុះអនុស្សរ​ណៈជាមួយ​វិស័យឯក​ជន ដើម្បី​ធានា​​ការប្រើ​​ប្រាស់ទឹក​ប្រកប​ដោយសុវត្ថិ​ភាព

ភ្នំពេញ៖ ក្រសួងឧស្សាហកម្ម និងសិប្បកម្មបាន ចុះកិច្ចព្រមព្រៀងជាមួយក្រុនហ៊ុនចេមលេបខេមបូឌា ផ្តល់សេវាវិភាគ ទឹកស្អាត ដើម្បីធានាការប្រើប្រាស់ទឹកប្រកបដោយសុវត្ថិភាពជូនប្រជាពលរដ្ឋ។

សូមជម្រាបផងដែរថា បើតាមកិច្ចព្រមព្រៀងនេះ គឺក្រុមហ៊ុនចេមលេបខេមបូឌា និងបង្កើត ប្រសិទ្ធភាពការប្រើប្រាស់ទឹកស្អាត តាមរយៈការផ្តល់សេវា ធ្វើតេស្តលើ ប្រភពទឹក និងទឹក ស្របតាមស្តង់ដារអន្តរជាតិ។ កិច្ចព្រមព្រៀងនេះ នឹងធានាការប្រើប្រាស់ទឹកប្រកបដោយសុវត្ថិភាពសម្រាប់ពលរដ្ឋខ្មែរ។
លោក ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្មបានលើកឡើងថា ដោយសាររដ្ឋាភិបាលចង់ជំរុញឱ្យវិស័យ ឯកជនចូលរួមក្នុងការអភិវឌ្ឍដោយបង្កើតមន្ទីរពិសោធន៍ ដើម្បីតេស្តប្រភពទឹក និងទឹកឱ្យស្របតាមស្តង់ដារសុវត្ថិភាព មុននឹងផ្គត់ផ្គង់ជូនប្រជាពលរដ្ឋប្រើប្រាស់។
គួរបញ្ជាក់ថា តាមរយៈកិច្ចព្រមព្រៀងខាងលើ ក្រុមហ៊ុនចេមលេបខេម បូឌា សន្យាបង្កើតមន្ទីរពិសោធន៍ចល័ត១០បន្ថែមទៀតនៅតាម ខេត្តនានាទូទាំងប្រទេស ដើម្បីធានាសុវត្ថិភាពនៃការប្រើប្រាស់ទឹកស្អាតរបស់ប្រជាពលរដ្ឋ៕