លោកឧបនាយករដ្ឋមន្រ្តី កែ គឹមយ៉ាន ជួបសំណេះសំណាល និងចែកអំណោយ ជូនប្រជាពលរដ្ឋ នៅក្រុងស្ទឹងសែន ខេត្តកំពង់ធំ

នៅថ្ងៃទី១២ ខែធ្នូ ឆ្នាំ ២០១៦ នេះ លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និង លោកស្រី ម៉ៅ ម៉ាល័យ ក្រោយពីបានរៀបចំតម្កល់ អដ្ឋិធាតុ ជូនលោកមហាឧបាសក ម៉ៅ មួន ក្នុងមហាចេតិយ៍រួចរាល់ហើយ ក៏បានឆ្លៀតឱកាសដ៏មានតម្លៃ ជួបសំណេះសំណាល ចែកអំណោយ និងសួរសុខទុក្ខ ប្រជាពលរដ្ឋចំនួន៤ភូមិ សង្កាត់ស្រុកយ៉ូវ ក្រុងស្ទឹងសែន ខេត្តកំពង់ធំ ដែលមានប្រជាពលរដ្ឋចូលរួមសរុបចំនួនប្រមាណ៨០០នាក់។

នៅក្នុងឱកាសជួបសំណេះសំណាលនោះ ប្រជាពលរដ្ឋដែលមានជីវភាពក្រខ្សត់ចំនួន ៥០នាក់ ក្នុងម្នាក់ៗ ទទួលបាន អង្ករ ២៥គីឡូ, មី ១កេះ, ទឹកត្រី១យួរ, ទឹកស៊ីអ៊ីវ , នំ១ធុង, សារ៉ុង ១ និងថវិកា ៥ម៉ឺនរៀល ហើយប្រជាពលរដ្ឋចំនួន៧៥០នាក់ទៀត ទទួលបាន ថវិកា ១ម៉ឺនរៀល និងសារ៉ុង និងប្រគេនព្រះសង្ឃចូលរូមកសាងចេតិយ៍ ៦០លានរៀល, ប្រគេនវត្ត ២លានរៀល, ប្រជាការពារ ៤០ម៉ឺនរៀល, PM ៤០ ម៉ឺនរៀល, ប៉ូលីស ៤០ម៉ឺនរៀល, ក្រុមកាយរិទ្ធិ ចំនួន ១០នាក់ក្នុងម្នាក់ទទួលបាន ២ម៉ឺនរៀលផងដែរ៕