ក្រសួងទេសចរណ៍ បង្កើតកម្មវិធីប្រកួតប្រជែងរូបថតក្នុងពិធីបុណ្យសមុទ្រ

ក្រសួងទេសចរណ៍ បានចេញសេចក្តីជូនដំណឹងដល់ភ្ញៀវទេសចរ និងសាធារណជនមេត្តាជ្រាបថា ដើម្បីចូលរួមជំរុញពិធីបុណ្យសមុទ្រឱ្យមានភាពកាន់តែអធិកអធម និងមានភាពទាក់ទាញ ក្រសួងទេសចរណ៍ នឹងរៀបចំកម្មវិធីប្រកួតប្រជែងរូបថត “Selfie Photo Contest” ក្នុងពិធីបុណ្យសមុទ្រ ក្រោម ប្រធានបទ “ទីក្រុងបៃតង ឆ្នេរស្អាត សមុទ្រខៀវស្រងាត់” ដែលនឹងប្រព្រឹត្តទៅនៅថ្ងៃទី២៣-២៥ ខែធ្នូ ឆ្នាំ២០១៦ នៅខេត្តព្រះសីហនុ។

នៅក្នុងសេចក្តីជូនដំណឹង បានបញ្ជាក់ថា នៅថ្ងៃទី២៣ ខែធ្នូ ឆ្នាំ២០១៦ បេក្ខជនទាំងអស់ត្រូវ ធ្វើការថតរូប និងយករូបមកប្រគល់ជូនគណៈកម្មការនៅក្នុងស្តង់កម្មវិធីបុណ្យសមុទ្រត្រឹមម៉ោង ៧ យប់ ឬបេក្ខភាពអាចផ្ញើរូបមកកាន់ Inbox Facebook Page របស់ក្រសួងទេសចរណ៍ ដែលមានឈ្មោះថា ក្រសួងទេសចរណ៍ Ministry of Tourism។ បន្ទាប់មកនៅថ្ងៃទី២៤ ខែធ្នូ ឆ្នាំ២០១៦ គណៈកម្មការនឹងធ្វើការវិនិច្ឆ័យលើរូបភាពដែលបានបញ្ជូនមក។

សម្រាប់ព័ត៌មានបន្ថែម សូមទាក់ទងមកទូរស័ព្ទលេខៈ ០១៥ ៥០៤ ៤៤៤!
សូមចូលរួមពិធីបុណ្យសមុទ្រទាំងអស់គ្នា និងចូលរួមថតរូបដើម្បីប្រកួតប្រជែងយករង្វាន់!!!