លោក អ៊ុំ សំអាន ត្រូវបានសាលាឧទ្ធរណ៍ សម្រេចបដិសេធសំណើសុំនៅក្រៅឃុំ

នៅព្រឹក​ថ្ងៃទី១៧ ខែឧសភា ឆ្នាំ២០១៦នេះ សាលាឧ​ទ្ធរណ៍ បានសម្រេច​បដិសេធលើសំណើសុំនៅ​ក្រៅ​ឃុំរបស់ លោក អ៊ុំ សំអាន សមាជិក​គណបក្ស​សង្រ្គោះជាតិ បន្ទាប់​ពីបាន​បើកសវនាការ​ជំនុំ​ជម្រះរួចមក ។

សវនាការ សម្រេចប​ដិសេធសំណើ​សុំនៅ​ក្រៅឃុំ​របស់ លោក អ៊ុំ សំអាន នេះ ដឹក​នាំ​ដោយ លោក ភូ ពៅ ស៊ុន ជាប្រធាន​ក្រុមប្រឹក្សា​ជំនុំជម្រះ, លោក សួស សំអាត និង ងួន អ៊ីម ជាសមាជិក ព្រមទាំង លោក ង៉ែត សារ៉ាត ជាតំណាងអយ្យការ។ សាលាឧទ្ធរណ៍បានសម្រេចតម្កល់តាម​សាលក្រម​​របស់សាលា​ដំបូងរាជធា​នីភ្នំពេញ ចំពោះ​សំណុំរឿង​នៅក្រៅឃុំនេះ។

សូមរំលឹកផ​ងដែរថា លោក អ៊ុំ សំអាន អតីតអ្នក​តំណាងរាស្រ្តគ​ណបក្សសង្រ្គោះ​ជាតិ មណ្ឌលសៀមរាប ត្រូវបានសមត្ថកិច្ចចា​ប់ខ្លួន នៅខេត្តសៀម​រាប កាលពីយប់ថ្ងៃទី១០ ខែមេសា ឆ្នាំ២០១៦ បន្ទាប់ពីលោកត្រ​ឡប់ពីអាមេរិក មកដល់ប្រ​ទេសកម្ពុជា។ សមត្ថកិច្ចបានបញ្ជាក់ថា លោក អ៊ុំ សំអាន ត្រូវបានចាប់ខ្លួនដោយ​សារតែប្រព្រឹ​ត្តិបទល្មើសជាក់ស្តែង នៅតា​មបណ្តាញសង្គម Facebook។ លោកត្រូវបាន​សាលាដំបូងរាជធានីភ្នំពេញ សម្រេចឃុំខ្លួននៅពន្ធនាគារព្រៃ​ស កាលពីថ្ងៃទី១២​ ខែមេសា ឆ្នាំ២០១៦ ដោយចោ​ទប្រកាន់ក្រោម​បទចោទញុះញង់ នាំឲ្យមាន​ការរើសអើង និងប្រព្រឹត្តិប​ទឧក្រិដ្ឋជាអាទិ៍ នៃក្រមព្រ​ហ្មទណ្ឌ ស្របពេលដែលរដ្ឋសភាបា​នបោះឆ្នោត គាំទ្រ​ឱ្យតុលាការ និងសមត្ថកិច្ចអ​នុវត្តនីតិវិធីបន្ត ចំពោះ​តំណាងរាស្រ្ត គណបក្សប្រឆាំងរូបនេះ។

ក្រោយ​មានការសម្រេចឃុំខ្លួ​ន លោក អ៊ុំ សំអាន បានដាក់​ពាក្យប្តឹងដើ​ម្បីទាមទា​រនៅក្រៅឃុំ ប៉ុន្តែត្រូវចៅក្រ​មស៊ើបសួរសា​លាដំបូងរាជធានីភ្នំ​ពេញ លោក តុប ឈុន​ហេង កាលពីល្ងាចថ្ងៃ​ទី២២ ខែមេសា ឆ្នាំ២០១៦ សម្រេច បដិ​សេធ បណ្តឹងសុំនៅក្រៅឃុំនេះ៕