យោងតាមសេចក្តីជូនព័ត៌មាន របស់ក្រសួងការបរទេស និងសហប្រតិបត្តិការអន្តរជាតិ ចុះថ្ងៃទី ២០ ខែកក្កដា ឆ្នាំ២០១៥នេះ បានឲ្យដឹងថា កិច្ចប្រជុំកំពូលលើកទី១៥ របស់អង្គការសហប្រតិបត្តិការសៀងហៃ ដែលប្រព្រឹត្តទៅនៅទីក្រុងយូហ្វា សហព័ន្ធរស្ស៊ី កាលពីថ្ងៃទី ០៩ ដល់ថ្ងៃទី ១០ ខែកក្កដា ឆ្នាំ២០១៥ បានសម្រេចជាឯកច្ឆន្ទទទួលកម្ពុជាជា «ដៃគូសន្ទនា» របស់អង្គការនេះ។ បន្ទាប់ពីបានចូលជា «ដៃគូសន្ទនា» ទៅអនាគតកម្ពុជានឹងទទួលជា សមាជិកសង្កេតការ និងសមាជិកពេញសិទ្ធរបស់ «អង្គការសហប្រតិបត្តិការសៀងហៃ»។
គួរបញ្ជាក់ថា អង្គការសហប្រតិបត្តិការសៀងហៃ មានប្រទេសស្ថាបនិកចំនួន ៦ ដែលរួមមាន៖ ចិន, រុស្ស៊ី, កាហ្សាក់ស្ថាន, កៀហ្ស៊ីស៊ីស្ថាន, តាហ្ស៊ីគីស្ថាន, អ៊ូសបេគីស្ថាន ដែលមានទិសដៅពង្រឹងពង្រឹងកិច្ចសហប្រតិបត្តិការក្នុងវិស័យនយោបាយ សេដ្ឋកិច្ច ពាណិជ្ជកម្ម និងការរក្សាសន្តិភាព សន្តិសុខ និងស្ថេរភាពក្នុងតំបន់៕
No comments:
Post a Comment