សេចក្តីបំភ្លឺរបស់ក្រសួងបរិស្ថាន៖ ឈ្មោះប្រវត្តិសាស្រ្តរមនីយដ្ឋានភ្នំបូកគោមិនត្រូវបានផ្លាស់ប្តូរឡើយ

សេចក្តីបំភ្លឺរបស់ក្រសួងបរិស្ថាន៖ ឈ្មោះប្រវត្តិសាស្រ្តរមនីយដ្ឋានភ្នំបូកគោមិនត្រូវបានផ្លាស់ប្តូរឡើយ

តើការចាប់ឃាត់ខ្លួនសមាជិកសភាអាមេរិក៣រូប ចាត់ទុកជារឿង ខុសច្បាប់ ឬត្រូវច្បាប់?

(វ៉ាស៊ីនតោន)៖ សមត្ថកិច្ចទីក្រុងញូវយ៉ក បានចាប់ខ្លួនសមាជិកសភា នៃគណបក្សសាធារណរដ្ឋចំនួនបីរូប នៅមុខអគារ ពាណិជ្ជកមុ្មរបស់ លោក ដូណាល់ ត្រាំ បន្ទាប់ពីពួកគេធ្វើបាតុកម្ម ប្រឆាំង ការលុប ចោលកិច្ចការពារជនអន្តោប្រវេសន៍ជាកុមារមកសហរដ្ឋអាមេរិក។

ការចាប់ខ្លួនសមាជិកសភាបែបនេះ បណ្តាលឱ្យមានការចោទ ប្រកាន់ ប្រធានាធិបតីអាមេរិក លោក ដូណាល់ ត្រាំ (Donald Trump) ថា បានបំពានអភ័យឯកសិទ្ធរបស់ សមាជិកសភាទាំងនោះ។ ប៉ុន្តែ បើយោងតាមមាត្រា១ ចំណុច៦ នៃរដ្ឋធម្មនុញ្ញអាមេរិកបានចែងថា សមាជិកសភា ទទួលបានអភ័យឯកសិទ្ធរួចផុតពីការចាប់ខ្លួន គ្រប់ ករណីទាំងអស់ ក្នុងពេលពួកគេចូលរួមក្នុងអង្គប្រជុំក្នុងសភា និង កំពុងធ្វើដំណើរចេញ ឬត្រឡប់មកសភា រាល់ពេលថ្លែង ឬកិច្ចពិភាក្សា ហើយមិនត្រូវបានសួរចម្លើយនៅទីតាំងណាមួយផ្សេងខុស ពីសភា បានឡើយ លើកលែងតែក្នុងករណីពួកគេប្រព្រឹត្តិអំពើក្បត់ជាតិ បទ ឧក្រិដ្ឋ និងការបំបែកបំបាក់សន្តិភាពជាតិ ព្រមទាំងផលប្រយោជន៍ ជាតិ ដែលពួកគេមិនមានអភ័យឯកសិទ្ធរួចផុតពីការចាប់ខ្លួនឡើយ។

ទន្ទឹមនឹងការចេញបញ្ជាចាប់ខ្លួនសមាជិកបីរូបនេះ ប្រធានាធិបតី អាមេរិក លោក ដូណាល់ ត្រាំ បានព្យាយាមបញ្ជាក់អះអាងថា «ក្នុងនាមជាប្រធានាធិបតី សហរដ្ឋអាមេរិក ជានិច្ចកាលខ្ញុំតែងតែ ចាត់ ទុកផលប្រយោជន៍អាមេរិកជារឿងអាទិភាព។ សម្រាប់អ្នកក៏ដូចគ្នាក្នុងនាមជាមេដឹកនាំប្រទេស អ្នកត្រូវតែគិតគូរពី ផលប្រយោជន៍ប្រទេសអ្នកមុនគេបង្អស់ផងដែរ»។ នេះជាការលើកឡើងរបស់លោក ដូណាល់ ត្រាំ ក្នុងពេលថ្លែង សុន្ទរកថាក្នុងមហាសន្និបាតអង្គការសហប្រជាជាតិ នៅទីក្រុងញូវយ៉ក កាលពីថ្ងៃទី១៩ ខែកញ្ញា ឆ្នាំ ២០១៧កន្លងទៅ នេះដោយ មានវត្តមានជាង១០០ ប្រទេសចូលរួម និងគាំទ្រសំដីរបស់លោក។
ប្រធានាធិបតីអាមេរិក ដូណាល់ ត្រាំ ចាត់ទុកថា ការដឹកនាំធ្វើ បាតុកម្មជាការរារាំងដល់គម្រោងការ និងផលប្រយោជន៍ប្រទេសជាតិ ហើយចាត់ទុកថា ជារឿងខុសច្បាប់ ទើបប្រធានាធិបតីអាមេរិក រូបនេះ មានសិទ្ធចេញបញ្ជាចាប់ខ្លួនសមាជិកសភាទាំងបីរូប។
សូមជម្រាបថា សមាជិកសភារបស់បក្សសាធាណរដ្ឋបីរូប ក្នុងនោះ មានដូចជាលោក Raúl Grijalva មកពីរដ្ឋ Arizona, លោក Luis Gutiérrez មកពីរដ្ឋ Illinois និង លោក Adriano Espaillat នៅទីក្រុងញូវយ៉កបានប្រមូលផ្តុំក្នុងទីក្រុង ញ៉ូវយកដើម្បីធ្វើបាតុកម្ម ប្រឆាំងរដ្ឋាភិបាលលោក ដូណាល់ ត្រាំ។ មិនតែប៉ុណ្ណោះ សមាជិក សភាទាំងនេះ ក៏ទទួលបានការគាំទ្រពី សំណាក់អ្នក តវ៉ាមួយ ក្រុមតូច ផងដែរ នៅក្បែរអគារពាណិជ្ជកម្មរបស់លោក ត្រាំ (Trump Tower) ហើយក្រោយមក ត្រូវបានសមត្ថកិច្ចចាប់ឃាត់ខ្លួន ដោយសារពួក គេមិនព្រមដកថយតាមបទបញ្ជា៕
ប្រភព៖Fresh News

ការ​ចាប់​ខ្លួន​តំណាង​រាស្ត្រ ៣រូប នៅ ទីក្រុង ញូវយ៉ក

នៅថ្ងៃទី២៣ ខែកញ្ញា ឆ្នាំ២០១៧នេះ លោក សុខ ឥសាន អ្នកនាំពាក្យគណបក្សប្រជាជនកម្ពុជា បានសរសេរ​នៅតាម​បណ្តាញសង្គមតេឡេក្រាម នេះឲ្យដឹងថា​ការ​ចាប់​ខ្លួន​តំណាង​រាស្ត្រ ៣រូប នៅ ទីក្រុង ញូវយ៉ក  កាលពីពេលថ្មីៗនេះ លោក​ប្រធានាធិបតី សរអា បានបញ្ជារឲ្យចាប់ខ្លួនតំណាងរាស្ត្របីរូប ដោយសំអាងហេតុផលថា ដើម្បីការពារផលប្រយោជន៏ សរអា មិនអាចឲ្យជនណាមករារាំងបានជាដាច់ខាត ។

ក្នុងការចាប់ខ្លួនតំណាងរាស្ត្រទាំងបីរូបនេះ មានការចាប់​អារម្មណ៏​ពីគ្រប់មជ្ឈដ្ឋាន រួមមាន៖

ទោះបីតំណាងរាស្តទាំងនោះមានអភ័យឯកសិទ្ធិសភា ក៏នៅ​តែ​លោក​ប្រធានាធិបតីបញ្ជាឲ្យចាប់មកដែរ ដោយសំអាង​ពីផល​ប្រយោជន៏សរអាធំជាងអ្វីទាំងអស់ ។

លោក សុខ ឥសាន បានចោទជាសំនួរថា  ចុះការចាប់​ខ្លួន​តំណាង​រាស្ត្រនៅកម្ពុជា ក៏ដើម្បីការពារផល​ប្រយោជន៏​ប្រទេស​កម្ពុជាដែរនោះ យ៉ាងណាដែរ?

នៅពេលចាប់តំណាងរាស្ត្រនៅកម្ពុជា វិទ្យុអាស៊ីសេរី ក៏ដូច​វិទ្យុនានាបានផ្សាយឥតឈប់ ដោយសង្កត់ធ្ងន់​ថារំលោភ​អភ័យឯកសិទិ្ធសភា ។

ឥឡូវដល់ មានការចាប់តំណាងរាស្ត្រអាមេរិក អត់មានព្ញការ​ផ្សាយពីវិទ្យុអាស៊ីសេរីនិងវិទ្យុនានាទេ ។ នេះបាន​ហៅថាវិទ្យុ​ឯករាជ្យ និងមានវិជ្ជាជីវៈមែន ។

លោក សុខ ឥសាន បានបន្ថែមទៀតថា  តើអស់​លោកបណ្ឌិត​និងអ្នកវិភាគនយោបាយ មានបាន​មើលឃើញ និង​ដឹងពី​ព៌តមាន​​​ចាប់ខ្លួន​តំណាងរាស្ត្រនៅសរអា ដែរទេ បានជា​ស្ងាត់​ឈឹង​ដូចចោរលួចសេះអញ្ចឹង ?

ដល់ពេលនេះ ទើបកាន់តែបញ្ជាក់​ច្បាស់ថាអស់​លោកជា​អ្នក​ណា ឈរនៅខាងណា មានឯករាជ្យភាព ឬយ៉ាងណា ?

អភិបាលខេត្តក្រចេះ បាននាំយកទេយ្យវត្ថុ​ និងបច្ច័យ​ប្រគេនព្រះសង្ឃ​សម្រាប់កសាង​ សមិទ្ធផលនានា​ក្នុងវត្ត​សិរីសុន្ធវង្ស​

នៅថ្ងៃទី១៥ ខែកញ្ញា ឆ្នាំ២០១៧ ត្រូវជាថ្ងៃកាន់បិណ្ឌវេនទី១០ លោក សរ ចំរុង អភិបាល ខេត្តក្រចេះ អមដំណើរដោយថ្នាក់ដឹកនាំខេត្ត មន្ត្រីរាជការ និងពុទ្ធសាសនិក បានអញ្ជើញចូលរួមដាក់បិណ្ឌវេនទី១០នៅវត្តចំនួន០២គឺ វត្តបទុមរង្សីក្រគរ និងវត្តសិរីសុន្ធវង្សក្រុងក្រចេះ ស្ថិតនៅក្រុងក្រចេះ ខេត្តក្រចេះ។

ក្នុងពិធីដាក់បិណ្ឌនេះផងដែរ អភិបាលខេត្តក្រចេះ ព្រមទាំងមន្រ្តីរាជ និងប្រជាពលរដ្ឋ បាននាំយកនូវទេយ្យវត្ថុ និងបច្ច័យមួយចំនួន ដើម្បីប្រគេនដល់ព្រះសង្ឃទុកកសាងសមិទ្ធផលនានាក្នុងវត្ត ហើយបានរាប់បាត និងវេរប្រគេនទេយ្យវត្ថុដល់ព្រះសង្ឃ នូវបច្ច័យមួយចំនួន ភេសជ្ជៈ និងគ្រឿងឧបភោគបរិភោគជាច្រើនទៀត។

បន្ទាប់មក លោកអភិបាលខេត្ត ព្រមទាំងថ្នាក់ដឹកនាំ មន្រ្តីរាជការ និងប្រជាពលរដ្ឋបានបង្សុកូលដើម្បីឧទ្ទិសដល់វិញ្ញាណក្ខន្ធបងប្អូនជីដូនជីតា និងញាតិកាទាំង៧សន្តាន ដែលបានចែកឋានទៅ ឧទ្ទិសដល់វិញ្ញាណក្ខន្ធ យុទ្ធជន យុទ្ធនារី ដែលបានលះបង់ជីវិតដើម្បីបុព្វហេតុជាតិ៕

សាលាឧទ្ធរណ៍បើកសវនាការ កាត់ទោសលោក គឹម សុខ ករណីចោទថា គណបក្សប្រជាជនកម្ពុជា ជាអ្នកសម្លាប់បណ្ឌិត កែម ឡី

សាលាឧទ្ធរណ៍នៅព្រឹកថ្ងៃទី១៥ ខែកញ្ញា ឆ្នាំ២០១៧នេះ បានបើកសវនាការរឿងក្តីលោក គឹម សុខ អ្នកឃ្លាំមើលបញ្ហាសង្គម និងនយោបាយ ពាក់ព័ន្ធការចោទប្រកាន់ថា គណបក្សប្រជាជនកម្ពុជា ជាអ្នកសម្លាប់បណ្ឌិត កែម ឡី។

លោក ទូច ថារិទ្ធិ អគ្គលេខាធិការរង និងជាអ្នកនាំពាក្យសាលាឧទ្ធរណ៍ ថ្លែងប្រាប់ថា សវនាការនេះដឹកនាំ ដោយលោក ប៉ាក ច័ន្ទសំបូរ ជាប្រធានក្រុមប្រឹក្សាជំនុំជម្រះ និងលោក សរ យសថាវរៈ ជាតំណាង មហាអយ្យការ។

គួររំលឹកថា លោក គី ឫទ្ធី អនុប្រធានសាលាដំបូងរាជធានីភ្នំពេញ កាលពីរសៀលថ្ងៃទី១០ ខែសីហា ឆ្នាំ២០១៧ ប្រកាសសាលក្រមផ្តន្ទាទោសលោក គឹម សុខ ដាក់ពន្ធនាគាររយៈពេល១៨ខែ ពិន័យ៨លានរៀលចូលថវិការដ្ឋ និង សងសំណងជំងឺចិត្តដល់ដើមបណ្ដឹងចំនួន៨០០លានរៀល ករណីចោទប្រកាន់ថា គណបក្សប្រជាជនកម្ពុជា ជាអ្នកសម្លាប់បណ្ឌិត កែម ឡី។

លោក គឹម សុខ ជាប់ចោទចំនួនពីរបទល្មើស គឺញុះញង់ឱ្យប្រព្រឹត្តបទឧក្រិដ្ឋជាអាទិ៍ និងបទបរិហារកេរ្តិ៍ជា សាធារណៈ តាមមាត្រា៤៩៤ មាត្រា៤៩៥ និង មាត្រា៣០៥ នៃក្រមព្រហ្មទណ្ឌ។

បច្ចុប្បន្នលោក គឹម សុខ នៅជាប់បណ្តឹងមួយទៀត ដែលប្តឹងដោយលោកនាយករដ្ឋមន្រ្ដី ដូចគ្នា គឺពាក់ព័ន្ធការ ដែលលោក គឹម សុខ បានចោទប្រកាន់ថា រាជរដ្ឋាភិបាលកម្ពុជា បានបង្កើតប្រព័ន្ធសម្លាប់មនុស្ស រួចរកឃាតក មិនដែលឃើញ៕

អភិបាលរាជធានីភ្នំពេញ ដឹកនាំអភិបាលខណ្ឌទាំង១២ ចុះសួរសុខទុក្ខ និងចែកអំណោយជូនកងទ័ពជួរមុខ ក្នុងខេត្តស្ទឹងត្រែង

ស្ទឹងត្រែង៖ នៅថ្ងៃទី១៥ ខែកញ្ញា ឆ្នាំ២០១៧នេះ លោក ឃួង ស្រេង អភិបាលរាជធានីភ្នំពេញ និងលោកស្រី បានដឹកនាំអភិបាលខណ្ឌទាំង១២ អញ្ជើញចុះសួរសុខទុក្ខ និងនាំយកអំណោយជូនកងទ័ពជួរមុខនៅ កងពលតូចអន្ដរាគមន៍លេខ១២៨ នៅស្រុកសៀមប៉ាង ខេត្តស្ទឹងត្រែង ព្រំដែនឡាវ។

បន្ទាប់ពីចប់កម្មវិធីនេះលោកអភិបាល និងគណៈប្រតិភូនឹងចុះសួរសុខទុក្ខ ព្រមទាំងចែកអំណោយជូនកងទ័ព ជួរមុខក្នុងតំបន់ប្រាសាទព្រះវិហារ កងពលតូចលេខ៩ និងវរនគរបាលការពារព្រំដែនលេខ៧៩៣ ក្នុងខេត្តព្រះវិហារ ក្នុងនាមជាសមរភូមិជួរក្រោយ លើកទឹកចិត្តដល់ជួរមុខក្នុងឱកាសបុណ្យភ្ជុំបិណ្ឌ។

តាមកម្មវិធីក្នុងដំណើរចុះទៅសមរភូមិជួរមុខ នៅព្រឹកនេះគណៈប្រតិភូដែលដឹកនាំដោយលោក ឃួង ស្រេង អភិបាលរាជធានីភ្នំពេញ នឹងសំណេះសំណាលជាមួយ កងពលតូចអន្ដរាគមន៍លេខ១២៨ និងចុះហត្ថ លេខាចងសម្ព័ន្ធមេត្រីភាពជាមួយគ្នាផងដែរ។

គួរបញ្ជាក់ថា នៅរសៀលថ្ងៃទី១៥ ខែកញ្ញានេះ គណៈប្រតិភូសាលារាជធានីភ្នំពេញ នឹងបន្ដដំណើរទៅកង ពលធំអន្ដរាគមន៍លេខ៣ ដែលនឹងមានការទទួលស្វាគមន៍ពីលោក ស្រី ឌឹក មេបញ្ជាការកងពល ធំអន្ដរាគមន៍លេខ៣ផងដែរ៕

លោកនាយករដ្ឋមន្រ្តី ហ៊ុន សែន អំពាវនាវឱ្យដោះស្រាយវិវាទការងារដោយសន្តិវិធី យោគយល់ និងដោយការស្រឡាញ់

នៅព្រឹកថ្ងៃទី១៥ ខែកញ្ញា ឆ្នាំ២០១៧នេះ លោកនាយករដ្ឋមន្រ្តី ហ៊ុន សែន បានអំពាវនាវដល់ភាគីនិយោជក និងនិយោជិតដោះស្រាយបញ្ហាវិវាទការងារប្រកបដោយសន្តិវិធី ដោយការយោគយល់ និងដោយការស្រឡាញ់ដើម្បីការរីកចម្រើនទៅមុខទាំងអស់គ្នាប្រកបដោយសុខ​ដុមនីយកម្មការងារ។ លោកបានថ្លែងដូចនេះក្នុងឱកាសអញ្ជើញ ជួបសំ​ណេះសំណាលសួរសុខទុក្ខកម្មករនិ​យោជិត​ជាង​១ម៉ឺននាក់នៅ សួនឧស្សាហកម្ម​វឌ្ឍនៈ ១ ស្ថិតនៅតាមបណ្តោយផ្លូវវេង​ស្រេង រាជធានីភ្នំពេញ។

លោកនាយករដ្ឋមន្រ្តី ហ៊ុន សែន ក៏បានបញ្ជាក់ថា នៅក្នុងគ្រួសារមានគ្នាប្រាំនាក់ ក៏គង់មានថ្ងៃប៉ះទង្គិចគ្នា ចុះទម្រាំនៅក្នុងរោងចក្រដែលមានមនុស្សជាង២ពាន់នាក់គឺតែងតែមានការប៉ះទង្គិ​ច​គ្នាមិនខានឡើយ ហើយការបណ្តេញចេញពីការងារមិនមែនជាដំណោះស្រាយពិត​ទេ។ លោក ក៏បានសំណូមពរឱ្យកម្មករនិយោជិតទាំងអស់ គោរពច្បាប់ការងារទាំងអស់គ្នាដើម្បីជាផលប្រយោជន៍ទាំងភាគីនិយោជិត និងថៅកែដែលភាគីទាំងពីរនេះមិនអាចកាត់ផ្តាច់ពីគ្នាបានឡើយ។

ប្រមុខរាជរដ្ឋាភិបាលកម្ពុជា ក៏បានបញ្ជាក់ថា កាលពីឆ្នាំ១៩៩៧ កម្ពុជាមានរោងចក្រតែ៦៤រោងចក្រ កម្មករ ៨២០០០នាក់ ប្រាក់ឈ្នួលអប្បបរមា ៤០ដុល្លារក្នុងមួយខែ ហើយទំហំនាំចេញត្រឹមតែ២២៧លានដុល្លារប៉ុណ្ណោះ។ បច្ចុប្បន្ននេះ កម្ពុជាមានទំហំនាំចេញរហូតទៅដល់ ៧៦៦៣លានដុល្លារអាមេរិក ដែលនេះជាវឌ្ឍនភាពធំណាស់ដែលបានកើតឡើងពីការរួមគ្នាទាំង​និយោជិត និយោជក ឬអាចថាទាំងអ្នកវិនិយោគ ទាំងកម្មករ កម្មការិនីរបស់យើង។ ទាំងអស់​នេះអាចនិយាយបានថាពលកម្មវ័យក្មេងរបស់យើង បានរួមចំណែកធ្វើឱ្យកំណើនសេដ្ឋកិច្ច​ជាង ៧%ក្នុងមួយឆ្នាំ។ នេះជាសមិទ្ធផលដែលមិនធ្លាប់មាននៅក្នុងប្រវត្តិសាស្រ្តរបស់ប្រ​ទេ​ស​កម្ពុជា។

លោកនាយករដ្ឋមន្រ្តី ក៏បានបន្ថែមថា ដើម្បីធានាដល់កិច្ចអភិវឌ្ឍទាំងនេះ ត្រូវតែធានាឱ្យបាននូវសន្តិភាព ស្ថិរភាពនយោបាយ ហើយចំណុចនេះមានតែគណបក្សប្រជាជនកម្ពុជាតែមួយគត់ដែលមានលទ្ធភាពធ្វើកិច្ចការនេះបាន គណបក្សដទៃគ្មានលទ្ធភាពក្នុងការគ្រប់គ្រងស្ថានការណ៍របស់កម្ពុជាទេ។ ប្រទេសមួយចំនួនកំពុងតែមានស្ថានភាពច្របូកច្របល់ច្រើនឡើងៗរាប់​ទាំងប្រទេសមីយ៉ាន់ម៉ាដែលស្ថិតក្នុងក្របខណ្ឌអាស៊ានផងដែរ៕