សម្តេចតេជោ ហ៊ុន សែន ប្រកាសអំពាវនាវដល់ UN និងភាគីពាក់ព័ន្ធ ចាប់ផ្តើមរកវិធីចរចា ប្រសិនបើគ្មានបទឈប់បាញ់មួយទេ តំបន់​ GAZA និងក្លាយទៅជាវាលពិឃាដ និងជាកន្លែងកប់ខ្មោចដ៏ធំជាងគេនៅលើពិភពលោក

(ភ្នំពេញ)៖ ថ្លែងសារចេញពីរាជធានីភ្នំពេញ ព្រះរាជាណាចក្រកម្ពុជា សម្តេចតេជោ ហ៊ុន សែន តាមរយៈបណ្តាញព័ត៌មានផ្លូវការរបស់សម្តេច សូមប្រកាសអំពាវនាវដល់អគ្គលេខាធិការ អង្គការសហប្រជាជាតិ និងភាគីពាក់ព័ន្ធទាំងអស់ សូមចាប់ផ្តើមរកការចរចាដោយផ្តើមចេញពីការដោះលែងចំណាប់ខ្មាំង ដោយក្រុមហាម៉ាស់ និងការសន្យារបស់អ៉ីស្រាអែលថា នឹងឈប់បាញ់ប្រសិនមានការដោះលែងចំណាប់ខ្មាំង។

អតីតនាយករដ្ឋមន្រ្តីកម្ពុជាដ៏មានប្រជាប្រិយភាព បានថ្លែងបន្ថែមថា ប្រសិនបើគ្មានបទឈប់បាញ់ណាមួយកើតឡើងទេ​នោះ តំបន់ហ្រ្គាសា និងក្លាយទៅជាវាលពិឃាដ និងជាកន្លែងកប់ខ្មោចដ៏ធំជាងគេនៅលើពិភពលោក។

ការថ្លែងសារអំពាវនាវនេះធ្វើឡើងនៅថ្ងៃទី០៧ ខែវិច្ឆិកា ឆ្នាំ២០២៣។ ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជា​ប្រធានគណបក្សកាន់អំណាចរបស់កម្ពុជា សម្តេចតេជោ ហ៊ុន សែន ថ្លែងសារយ៉ាងដូច្នេះថា៖

«ប្រសិនបើគ្មានបទឈប់បាញ់មួយទេ តំបន់ហ្រ្គាសា និងក្លាយទៅជាវាលពិឃាដ និងជាកន្លែងកប់ខ្មោចដ៏ធំជាងគេនៅលើពិភពលោក។
កន្លងមកមានការអំពាវនាវពីសហគមន៍អន្តរជាតិ ឲ្យមានបទឈប់បាញ់មួយនៅតំបន់ ហ្រ្គាសា តែត្រូវបានបដិសេដ្ឋដោយនាយករដ្ឋមន្ត្រីអ៉ីស្រាអែល ដោយគាត់បានថ្លែងថា (នឹងមិនមានបទឈប់បាញ់ទេ ប្រសិនបើមិនមានការដោះលែងចំណាប់ខ្មាំង)។

ប្រសិនជាពាក្យនេះ ជាពាក្យរបស់នាយករដ្ឋមន្ត្រីអ៉ីស្រាអែល ដូចសារព័ត៌មានចុះផ្សាយពិតប្រាកដមែន ខ្ញុំមើលឃើញថា វាជាច្រកចេញ
ឆ្ពោះទៅរកបទឈប់បាញ់មួយ ប្រសិនបើក្រុមហាម៉ាស់ យល់ព្រមដោះលែងចំណាប់ខ្មាំង ដើម្បីដោះដូរជាមួយបទឈប់បាញ់។

ខ្ញុំសូមអំពាវនាវដល់អគ្គលេខាធិការ អង្គការសហប្រជាជាតិ និងភាគីពាក់ព័ន្ធ សូមចាប់ផ្តើមរកការចរចាដោយផ្តើមចេញពីការដោះលែងចំណាប់ខ្មាំង ដោយក្រុមហាម៉ាស់ និងការសន្យារបស់អ៉ីស្រាអែលថា នឹងឈប់បាញ់ប្រសិនមានការដោះលែងចំណាប់ខ្មាំង។

ខ្ញុំក៏សូមអំពាវនាវដល់ក្រុមហាម៉ាស់ នៃប៉ាឡេស្ទីន សូមធ្វើការដោះលែងចំណាប់ខ្មាំង ដើម្បីឈានឆ្ពោះទៅរកបទឈប់បាញ់ ដែលជាផលប្រយោជន៍អាយុជីវិត នៃប្រជាជនប៉ាឡេស្ទីន នៅតំបន់ហ្រ្គាសាស្រ្ទីបទាំងមូល។

Without a ceasefire, the Gaza would become the world's large massacre site. There have been calls from the international community for a ceasefire in the Gaza, but it has been rejected by the Israeli prime minister, saying that "there will be no ceasefire without the release of hostages."

If this is an Israeli prime minister’s word, as the media reports, I see it is a step towards ceasefire if Hamas agrees to release hostages in exchange for a ceasefire.

I would like to call on the secretary general of the United Nations and all stakeholders to begin negotiations, starting with the release of hostages by Hamas and the Israel’s pledge of ceasefire when hostages are released.

I also call on Hamas of Palestine to release the hostages in exchange for a ceasefire that will benefit the lives of all Palestinians in the Gaza Strip.»