ប្រជាពលរដ្ឋរងគ្រោះដោយសារខ្យល់កន្ត្រាក់ ទទួលបានអំណោយមនុស្សធម៌ពីកាកបាទក្រហមកម្ពុជា

 បន្ទាយមានជ័យ៖ នៅថ្ងៃទី៣១ ខែសីហា ឆ្នាំ២០២០ លោក អ៊ុ រាត្រី ប្រធានគណៈកម្មាធិការសាខាកាកបាទក្រហមកម្ពុជាខេត្ត អមដំណើរដោយ លោក លី សារី អនុប្រធានអចិន្ត្រៃយ៍សាខាកាកបាទក្រហមខេត្ត រួមជាមួយក្រុមការងារសាខាកាកបាទក្រហមកម្ពុជាខេត្ត អាជ្ញាធរស្រុក ក្រុមប្រឹក្សាស្រុក បានសំណេះសំណាល និងនាំយកអំណោយមនុស្សធម៌របស់លោកស្រី ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្តល់ជូនពុកម៉ែបងប្អូនប្រជាពលរដ្ឋរងគ្រោះដោយសារខ្យល់កន្ត្រាក់ចំនួន ១៦គ្រួសារ នៅក្នុងឃុំសំរោង ស្រុកអូរជ្រៅ ខេត្តបន្ទាយមានជ័យ។

ចំពោះអំណោយមនុស្សធម៌សង្គ្រោះបន្ទាន់ផ្តល់ជូនក្នុងមួយគ្រួសារទទួលបាន៖ អង្ករ ១ការ៉ុង ២៥គីឡូក្រាម ត្រីខ ១យួរ ១០កំប៉ុង ទឹកស៊ីអុីវ ៣ដប ប្រេងឆា១ លីត្រ ភួយ ១ មុង ១ មី ០១ កេសតូច សារុង ០១ ក្រមា០១ ថវិកា ៥០០០០ រៀល៕