ប្រជាពលរដ្ឋចំនួន៦០គ្រួសារ ទទួលអំណោយពីលោកអភិបាលខេត្តពោធិ៍សាត់

ពោធិ៍សាត់៖ លោក ហេង ទ្រី សមាជិកក្រុមប្រឹក្សាខេត្ត ដែលលោកជាអនុប្រធានប្រតិកម្មរហ័សយុវជនខេត្តពោធិ៍សាត់នឹង លោក ឱន សទ្ធា ស្តីទីមន្ទីរសុរិយោដីខេត្ត នឹងជាក្រុមការងារចុះជួយសង្កាត់ព្រៃញីក្រុងពោធិ៍សាត់ និងក្រុមការងារយុវជនគណបក្សប្រជាជនកម្ពុជាក្រុងពោធិ៍សាត់ រួមទាំងអជ្ញាធរមូលដ្ឋាន នៅថ្ងៃទី១១ ខែសីហា ឆ្នាំ២០១៩ បាននាំយកអង្ករនិងថវិកាមួយចំនួនរបស់លោក ម៉ៅ ធនិន អភិបាលនៃគណៈអភិបាលខេត្ត ចែកជូនចាស់ជរានិងពិការភាពចំនួន៦០គ្រួសារ ដែលមានចំនួនបីភូមិ ភូមិប្រឡាយធំ ភូមិមាន់ចែ ភូមិដូងជ្រុំ ក្នុងសង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ ។

ក្នុងឱកាសនោះដែរលោក ហេង ទ្រី បានសំដែងការចាប់អារម្មណ៏ថាកាលពីមុនបោះឆ្នោតខ្ញុំបានគិតក្នុង​ចិត្តហើយថា​ក្នុងនាមខ្ញុំជាយុវជនប្រតិកម្មរហ័សបើខ្ញុំជាប់ឆ្នោតជាក្រុមប្រឹក្សាខេត្តនោះខ្ញុំនឹងបំរើ​ប្រជាពលរដ្ឋ​របស់​ខ្ញុំអោយអស់ពីលទ្ធភាពរបស់ខ្ញុំអោយសមទៅអ្វីដែលពួកគាត់ជឺជាក់នឹងទុកចិត្តមកលើរូបខ្ញុំ ។