ពិធីបើកវគ្គបណ្តុះបណ្តាលច្បាប់ស្តីពីការត្រួតពិនិត្យគ្រឿងញៀនដល់អាជ្ញាធរមូលដ្ឋាន

បន្ទាយមានជ័យ៖ នៅថ្ងៃទី១២ ខែសីហា ឆ្នាំ២០១៩ អគ្គលេខាធិកាដ្ឋាននៃអាជ្ញាធរជាតិប្រយុទ្ធប្រឆាំងគ្រឿងញៀន សហការជាមួយសាលាខេត្តបន្ទាយមានជ័យ បានបើកវគ្គបណ្តុះបណ្តាលច្បាប់ស្តីពីការត្រួតពិនិត្យគ្រឿងញៀន ដល់មេឃុំ ចៅសង្កាត់ នាយប៉ុស្តិ៍នគរបាលរដ្ឋបាល ចំនួន២ថ្ងៃ។

ក្រោមអធិបតីភាពលោក អ៊ុ រាត្រី អភិបាលខេត្តបន្ទាយមានជ័យ លោកឧត្តមសេនីយ៍ឯក ឡាយ គឹមលី អគ្គលេខាធិការរង នៃ អ.ជ.ប.គ.ញ និងមានគ្រូឧទ្ទេសនាម មកពីនាយកដ្ឋានអនុវត្តច្បាប់ នាយកដ្ឋានផែនការ និងបណ្តុះបណ្តាល មន្ទីរពិសោធន៍ នៃអគ្គលេខាធិការដ្ឋានអាជ្ញាធរជាតិ ប្រយុទ្ធប្រឆាំងគ្រឿងញៀន ដោយមានការចូលរួមពីមេឃុំ ចៅសង្កាត់ នាយប៉ុស្តិ៍នគរបាលរដ្ឋបាល ចំនួន២០០នាក់។

ចំនុចសំខាន់នៅក្នុងវគ្គបណ្តុះបណ្តាលនេះដើម្បីអោយមេឃុំ ចៅសង្កាត់ នាយប៉ុស្តិ៍នគរបាលរដ្ឋបាល
១/ បានយល់ដឹងអំពីគ្រឿងញៀនខុសច្បាប់
២/ ផលវិបាកនៃការប្រើប្រាស់បំពានគ្រឿងញៀនខុសច្បាប់
៣/ ច្បាប់ស្តីពីការប្រើប្រាស់គ្រឿងញៀន ទណ្ឌកម្មពីការប្រើប្រាស់ ជួញដូរ រក្សាទុកគ្រឿងញៀន វិធានការទប់ស្កាត់៕