ភាសាបារាំងនៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច​

សៀមរាប៖ នៅថ្ងៃទី០៣ ខែមីនា ឆ្នាំ២០១៩ លោក ពៅ ពិសិដ្ឋ អភិបាលរងខេត្ត តំណាងលោក ទៀ សីហា អភិបាលនៃគណៈអភិបាលខេត្តសៀមរាប បានអញ្ជើញជាអធិបតីក្នុងពិធីពិសារអាហារសាមគ្គីជាមួយក្រុមនិស្សិតនៃថ្នាក់ពិសេសនីតិសាស្ត្រភាសាបារាំងនៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច​ នៅសណ្ឋាគារសុខាខេត្តសៀមរាប។

ដំណើរទស្សនកិច្ចសិក្សាលើទឹកដីខេត្តសៀមរាបនេះ ធ្វើឡើងរយៈពេលបីថ្ងៃ ចាប់ពីថ្ងៃទី០១ ដល់ថ្ងៃទី០៣ ខែ មីនា ឆ្នាំ២០១៩ ដែលមាននិស្សិតចូលរួមសរុប ១២០នាក់ ដឹកនាំដោយលោក Laurent Mesmann ប្រធានគម្រោងសហប្រតិបត្តិការភាសាបារាំង នៃមហាវិទ្យាល័យនីតិសា្រស្ត និងលោក យ៉ាន​ វ៉ាន់ដឺលុច្ស សាស្ត្រាចារ្យសាលាភូមិន្ទរដ្ឋបាល។

ដំណើរទស្សនកិច្ចនេះ​ធ្វើឡើងក្រោមប្រធានបទ “សកម្មភាពយុវជនដើម្បីការអភិវឌ្ឍសង្គមប្រកបដោយចីរភាព”​ និងមានគោលបំណងរួមចំណែកក្នុងកិច្ចការសង្គម និងសកម្មភាពសប្បុរសធម៌នានាដូចជា ការជួយឧបត្ថម្ភដល់សិស្សានុសិស្សដែលមានជីវភាពខ្វះខាត ការចែករំលែកចំណេះដឹងទាក់ទងនឹងសាលាក្តីខ្មែរក្រហម បញ្ហាចរាចរ ច្បាប់ផ្សេងៗ និងការគាំពារបរិស្ថានតាមរយៈការដាំកូនឈើតាមប្រាសាទនានា ៕