ធនាគារជាតិនៃកម្ពុជា បើកសិក្ខាផ្សព្វផ្សាយដល់ស្ថាប័ន និងភាគីពាក់ព័ន្ធ អំពីការវិវត្តថ្មីៗនិងបញ្ហាប្រឈមនៃវិស័យមីក្រូហិរញ្ញវត្ថុ

នៅថ្ងៃទី០៩ ខែតុលា ឆ្នាំ២០១៧ លោក ជា ចាន់តូ ទេសាភិបាលធនាគារជាតិនៃកម្ពុជា បានអញ្ជើញចូលរួមជាអធិបតីក្នុងសិក្ខាសាលាផ្សព្វផ្សាយ ស្តីពីវិស័យមីក្រូហិរញ្ញវត្ថុនៅកម្ពុជា។ សិក្ខាសាលានេះរៀបចំឡើង ក្នុងគោលបំណងផ្សព្វផ្សាយជូនស្ថាប័ន និងភាគីពាក់ព័ន្ធ ពិសេសអាជ្ញាធរមូលដ្ឋាន អំពីការវិវត្តថ្មីៗនិងបញ្ហាប្រឈមនៃវិស័យមីក្រូហិរញ្ញវត្ថុ និងរួមគ្នាអនុវត្តដំណោះស្រាយ ដើម្បីឲ្យការអភិវឌ្ឍនៃវិស័យនេះ កាន់តែមាននិរន្តរភាពនាពេលអនាគត។

សិក្ខាសាលានេះក៏មានការអញ្ជើញចូលរួមពីសំណាក់លោក ម៉ៅ ភិរុណ អភិបាលនៃ គណៈអភិបាលខេត្តកណ្តាល អភិបាលរង ស្ថាប័នតុលាការ ស្នងការនគរបាល កងរាជអាវុធហត្ថ និងជាពិសេស អាជ្ញាធរមូលដ្ឋានគ្រប់ថ្នាក់ទូទាំងខេត្តកណ្តាល សរុបប្រមាណ ៦០០ នាក់ ៕