ផ្លូវដីស មាត់ប្រឡាយនៃគម្រោងរបស់ដៃគូអភិវឌ្ឍដែលមានឈ្មោះថា គម្រោងកាត់បន្ថយភាពក្រីក្រ និងអភិវឌ្ឍន៍កសិកម្មខ្នាតតូចតំបន់ទន្លេសាប ក្រោមជំនួយថវិការបស់ធនាគារអភិវឌ្ឍអាស៊ី ADB ស្ថិតក្នុងឃុំជើងព្រៃ ស្រុកបាធាយ ដែលចំណាយថវិកាអស់ជាង ២ម៉ឺនដុល្លារអាមេរិក ត្រូវបានលោក វ៉ែន សំអុល មេឃុំជើងព្រៃ ស្រុកបាធាយ ខេត្តកំពង់ចាម មកពីគណបក្សសង្គ្រោះជាតិ យកគ្រឿងចក្រជីកកាប់បំផ្លាញក្នុងមួយពព្រិចភ្នែក។
ឥឡូវ ប្រជាពលរដ្ឋដែលត្រូវការធ្វើដំណើរឆ្លងកាត់តាមផ្លូវអមប្រឡាយនោះ កំពុងឈឺក្បាលមិនដឹងទៅផ្លូវណាទេ ឱ្យតែយ៉ាងនេះ អស់លោកមេឃុំខាងសង្គ្រោះជាតិអើយឱ្យរាស្ត្ររំពឹងអី! សូមបងប្អូនប្រជាពលរដ្ឋពិចារណាផងចុះ។
ស្របពេលជាមួយគ្នានេះ ក៏មានបែកធ្លាយលិខិតមួយរបស់លោកមេឃុំជើងព្រៃ ឈ្មោះ លោក វ៉ែន សំអុលនេះដែរ ដែលគាត់បានដកហូតយកត្រាមូលពីស្មៀនឃុំយកទៅទុកផ្ទាល់ខ្លួន ដែលទង្វើនេះ បង្ហាញពីការប្រើអំណាចទទឹងទិសដោយមិនបានសុំការសម្រេចពីក្រុមប្រឹក្សាឃុំពីព្រោះតាមឃុំនីមួយៗ មេឃុំមិនមែនធ្វើអ្វីស្រេចតែអំពើចិត្តនោះទេ។ ម្យ៉ាងវិញទៀតការទុកដាក់និងការប្រើប្រាស់ត្រាឃុំ មិនមែនជាសិទ្ធិផ្តាច់មុខរបស់មេឃុំគណបក្សសង្រ្គោះជាតិនោះឡើយ។ ផ្ទុយទៅវិញ ការដកយកត្រាដោយមេឃុំ វ៉ែន សំអុល ត្រូវបានគេសង្ស័យថា គាត់យកទៅប្រើប្រាស់ប្រយោជន៍ផ្ទាល់ខ្លួនបិទបាំងភ្នែកអ្នកដទៃ ងាយស្រួលក្នុងការជំរិតនិងកេងប្រវ័ញ្ចលុយកាក់ពីប្រជាពលរដ្ឋដែលទៅពឹងពាក់ ក្នុងបញ្ហាអ្វីមួយដោះដូរជាមួយនឹងលុយកាក់នៅពីក្រោយខ្នងក៏ថាបាន។ នេះហើយគឺជាអំពើទុច្ចរិតរបស់មេឃុំបក្សសង្រ្គោះជាតិដែលទើបឡើងកាន់ដំណែង៕
No comments:
Post a Comment