ក្រសួង ២ សហការរៀប​ចំសិក្ខាសាលា​ពិគ្រោះយោបល់​សេចក្តីព្រាងរ​បាយការណ៍​ស្តីពីការបញ្ជ្រាបការ​ប្រែ​ប្រួល​អាកាស​ធាតុទៅ​ក្នុងកម្ម​វិធីវិនិ​យោគ និងថវិកា​ប្រចាំឆ្នាំ​២០១៨

នៅថ្ងៃទី០៦ ខែមិថុនា ឆ្នាំ២០១៧នេះ នាយកដ្ឋានប្រែប្រួលអាកាសធាតុនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព (ក.ជ.អ.ច.) ក្រសួងបរិស្ថាន សហការជាមួយអគ្គនាយកដ្ឋានផែនការ និងគោលនយោបាយនៃក្រសួងសាធារណការ និង

 ដឹកជញ្ជូន បានរៀបចំសិក្ខាសាលាពិគ្រោះយោបល់លើសេចក្តីព្រាងរបាយការណ៍ស្តីពីការបញ្ជ្រាបការប្រែប្រួលអាកាសធាតុទៅក្នុងកម្មវិធីវិនិយោគ និងថវិកាប្រចាំឆ្នាំ២០១៨ របស់ក្រសួងសាធារណការ និងដឹកជញ្ជូន។

កិច្ចប្រជុំនេះដឹកនាំដោយ លោក ស៊ឹម សុគង់ អគ្គនាយកនៃអគ្គនាយកដ្ឋានផែនការ និងគោលនយោបាយ ក្រសួងសាធារណការ និងដឹកជញ្ជូន និង លោក ម៉ា ច័ន្ទសទ្ធា ប្រធាននាយកដ្ឋានរដ្ឋបាល ផែនការ និងហិរញ្ញវត្ថុនៃអគ្គលេខាធិការដ្ឋាន ក.ជ.អ.ច. ក្រសួងបរិស្ថាន។

សូមជម្រាបផងដែរថា លទ្ធផលបង្ហាញថា ក្រសួងសាធារណការ និងដឹកជញ្ជូន បានបញ្ចូលការប្រែប្រួលអាកាសធាតុទៅក្នុងគម្រោងវិនិយោគផ្លូវជាតិលេខ២១A ខេត្តកណ្តាល ផ្លូវលេខ២១៧៨ ខេត្តកំពង់ធំ និងផ្លូវ៣៣A ខេត្តកែប។ ជាមួយនេះដែរ ក្រសួងសាធារណការ និងដឹកជញ្ជូន នឹងប្រើប្រាស់របាយការណ៍វិភាគការចំណាយថ្លៃដើម និងផលចំណេញរបស់កម្មវិធីសម្ព័ន្ធភាពប្រែប្រួលអាកាសធាតុដើម្បីគាំទ្រដល់កិច្ចចរចាថវិកាជាមួយក្រសួងសេដ្ឋកិច្ច និងហិរញ្ញវត្ថុនៅពេលខាងមុខដ៏ខ្លីនេះ៕