កាលពីថ្ងៃពុធ ទី១៨ ខែឧសភា
ឆ្នាំ២០១៦ ឯកឧត្តម គឹម សន្តិភាព អ្នកនាំពាក្យក្រសួងយុត្តិធម៌ បានបង្ហោះផ្សាយនៅលើទំព័រហ្វេសប៊ុកផ្ទាល់ខ្លួន
ដោយបានបកស្រាយពីសកម្មភាពមិនប្រក្រតីរបស់អង្គការលីកាដូ ដែលអាចបង្កការភ័ន្តច្រឡំដល់សាធារណជនទូទៅ។
ឯកឧត្តម គឹម សន្តិភាព បានសរសេរខ្លឹមសារបង្ហោះផ្សាយដោយបង្ហាញទិដ្ឋភាពផ្លូវច្បាប់ថា៖
សូមបញ្ជាក់ជូនសាធារណៈមតិជ្រាបថា៖
កម្ពុជាគ្មានអ្នកទោសនយោបាយម្នាក់ណានោះទេ! នៅក្នុងពន្ធនាគារ
និងមណ្ឌលអប់រំកែប្រែទាំងអស់ទូទាំងប្រទេស គឺមានតែអ្នកជាប់ឃុំ ក្នុង បទចោទប្រព្រឹត្តបទល្មើសព្រហ្មទណ្ឌ!
ក្នុងក្រមព្រហ្មទណ្ឌ
ក៏ដូចជាច្បាប់ព្រហ្មទណ្ឌពិសេសដទៃទៀតរបស់កម្ពុជា គ្មានមាត្រាណា មួយចែងអំពីអំពើដែលជាបទល្មើសនយោបាយនោះទេ!
តើ Licadho បង្កើតរបាយការណ៍របៀបនេះឡើងក្នុងចេតនាអ្វីពិតប្រាកដ? សូមកុំគិតថាមានតែ Licadho ខ្លួនឯងដែលដឹងពីចេតនានេះ!
សូម Licadho ពិនិត្យមើលច្បាប់ស្តីពីសមាគម និងអង្គការមិនមែនរដ្ឋាភិបាលឡើងវិញ
ជាពិសេសមាត្រា២៤ និងមាត្រា៣០!
មាត្រា២៤
នៃច្បាប់ស្តីពីសមាគម និងអង្គការមិនមែនរដ្ឋាភិបាលចែងថា
“អង្គការមិនមែនរដ្ឋាភិបាលក្នុងស្រុក
អង្គការមិនមែនរដ្ឋាភិបាលបរទេស
ឬសមាគមបរទេសត្រូវប្រកាន់ជំហរអព្យា
ក្រឹតចំពោះគ្រប់គណបក្សនយោបាយនៅព្រះរាជាណាចក្រកម្ពុជា”។
មាត្រា ៣០ នៃច្បាប់ស្តីពីសមាគម និងអង្គការមិនមែនរដ្ឋាភិបាលចែងថា “សមាគម
ឬអង្គការមិនមែនរដ្ឋាភិបាលក្នុង ស្រុក ដែលមិនបានអនុវត្តតាមមាត្រា
១០ឬមាត្រា២៤ឬកថាខណ្ឌទី១ ឬកថាខណ្ឌទី២នៃមាត្រា ២៥នៃច្បាប់នេះ
ក្រសួងមហាផ្ទៃត្រូវជូនដំណឹងជាលាយលក្ខណ៍អក្សរដោយទុករយៈពេលយ៉ាងយូរ ៣០
(សាមសិប)
ថ្ងៃ នៃថ្ងៃធ្វើការ។ ក្នុងករណីមិនអនុវត្តតាមការជូនដំណឹង ក្រសួងមហាផ្ទៃ
ត្រូវជូនដំណឹងជាលាយលក្ខណ៍អក្សរផ្អាកសកម្មភាពជាបណ្តោះអាសន្នរយៈពេលយ៉ាងយូរ
៩០ (កៅសិប) ថ្ងៃ។ ក្នុងករណីនៅតែមិនព្រមអនុវត្ត
ក្រសួងមហាផ្ទៃត្រូវសម្រេចជាលាយលក្ខណ៍អក្សរលុបឈ្មោះចេញពីបញ្ជី។
សមាគម ឬអង្គការមិនមែនរដ្ឋាភិបាលក្នុងស្រុក
ដែលមិនបានអនុវត្តត្រឹមត្រូវតាមលក្ខន្តិកៈរបស់ខ្លួន
ក្រសួងមហាផ្ទៃត្រូវជូនដំណឹងជាលាយលក្ខណ៍អក្សរ
ឬផ្អាកសកម្មភាពជាបណ្តោះអាសន្នដោយទុករយៈពេលយ៉ាងយូរ ៣០ (សាមសិប) ថ្ងៃ។
ក្នុងករណីនៅតែមិនព្រមអនុវត្ត
ក្រសួងមហាផ្ទៃត្រូវសម្រេចជាលាយលក្ខណ៍អក្សរលុបឈ្មោះចេញពីបញ្ជី។
ក្រសួងមហាផ្ទៃ ត្រូវសម្រេចលុបឈ្មោះចេញពីបញ្ជីចំពោះសមាគម
ឬអង្គការមិនមែនរដ្ឋាភិបាលក្នុងស្រុកណា ដែលធ្វើសកម្មភាពប៉ះពាល់ដល់សន្តិសុខ
ស្ថិរភាព និងសណ្តាប់ធ្នាប់សាធារណៈ ឬបង្កនូវភាពអន្តរាយដល់សន្តិសុខជាតិ
ឯកភាពជាតិ
វប្បធម៌ ប្រពៃណី
ទំនៀមទម្លាប់ល្អរបស់សង្គមជាតិកម្ពុជាដោយពុំទាន់គិតដល់ទោស
ព្រហ្មទណ្ឌផ្សេងទៀត”។
ឯកឧត្តម គឹម សន្តិភាព ក៏បានអំពាវនាវយ៉ាងទទូចផងដែរថា សូមរក្សានូវជំហរ
និងអនុវត្តវិជ្ជាជីវៈរបស់ខ្លួនអោយបានច្បាស់លាស់ក្នុងនាមជាNGO!
No comments:
Post a Comment