លោកជំទាវឧបនាយករដ្ឋមន្រ្ដី ម៉ែន សំអន
រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និង អធិការកិច្ច បានអញ្ជើញជាអធិបតីក្នុងពិធីជួបសំណេះសំណាលជាមួយកងកម្លាំងប្រដាប់អាវុធអង្គភាពនគរបាលជាតិវរៈសេនាតូចលេខ ៨២៧ និងអង្គភាពវរៈសេនាតូចលេខ
២៦៩ ឈរជើងនៅភូមិសាស្រ្ដ ខេត្ដកោះកុង ដែលជាខេត្ដនៅជាប់នឹងព្រំប្រទល់ប្រទេសថៃ ទាំងព្រំដែនទឹក និងព្រំដែនគោក។
លោកជំទាវ ម៉ែន សំអន ក៏បានមានប្រសាសន៍ថា
ដោយអនុវត្ដតាមសេចក្ដីសម្រេចរបស់រាជរដ្ឋាភិបាលកម្ពុជាលេខ ១៤ សសរ ចុះថ្ងៃទី ០៥ ខែមីនា
ឆ្នាំ២០១០ ស្ដីពីការកែសម្រួល និងការរៀបចំការចងសម្ព័ន្ធមេត្រីភាពរវាងកងទ័ព
កងនគរបាលជាតិជាមួយស្ថាប័ន អង្គភាពស៊ីវិល
ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច រួមជាមួយក្រុមហ៊ុនម៉ុង
ឬទ្ធីគ្រុប និងក្រុមហ៊ុនគូហ៊ូឡុង
បានចាត់តាំងឲ្យចងសម្ព័ន្ធមេត្រីភាពជាមួយវរៈសេនាតូចលេខ៨២៧ និងវរៈសេនាតូចលេខ ២៦៩ ក្នុងគោលបំណងជួយលើកកម្ពស់ជីវភាពរស់នៅរបស់កងកម្លាំងប្រដាប់អាវុធយើង ឲ្យបានប្រសើរឡើងមួយកម្រិតទៀត
ក៏ដូចផ្សារភ្ជាប់សមរភូមិមុខ និងសមរភូមិក្រោយ
ឲ្យមានទំនាក់ទំនងជិតស្និទ្ធិជាមួយគ្នា រួមចំណែកការពារជាតិមាតុភូមិ។
សូមបញ្ជាក់ផងដែរថា
នេះជាការចុះសួរសុខទុក្ខលើកទី៩ ដែលក្រសួងទំនាក់ទំនងជាមួយរដ្ឋសភា-ព្រឹទ្ធសភា
និងអធិការកិច្ច រួមជាមួយក្រុមហ៊ុនម៉ុងឬទ្ធីគ្រុប
និងក្រុមហ៊ុនគូហ៊ូឡុង ។ ប្រទេសកម្ពុជាបាន កសាងប្រទេសពីបាតដៃទទេ ដោយខិតខំស្តារ
និងកសាងឡើងវិញជាបណ្តើរៗនូវហេដ្ឋារចនាសម្ព័ន្ធរូប វ័ន្ត ដូចជាផ្លូវថ្នល់ ស្ពាន
ទំនប់ ប្រឡាយ សាលារៀន មន្ទីរពេទ្យ និងវត្តអារាម ។ល។
រហូតទទួលបាននូវការអភិវឌ្ឍន៍លើគ្រប់វិស័យ ដូចដែលយើងទាំងអស់គ្នាបានឃើញសព្វថ្ងៃ
ក្រោមការអនុវត្តនូវគោលនយោបាយ ឈ្នះ-ឈ្នះ របស់សម្តេចអគ្គមហាសេនាបតីតេជោ
ហ៊ុន សែន នៅដើមឆ្នាំ ១៩៩៩ បានអនុវត្តដោយជោគជ័យ នូវដំណើរការសមាហរណកម្ម
អតីតតំបន់ត្រួតត្រាដោយខ្មែរក្រហម ចូលក្នុងសង្គមជាតិ និងធ្វើសន្តិភាវូបនីយកម្ម
ប្រទេសជាតិទាំងមូល លើមូលដ្ឋានបង្រួបបង្រួមជាតិ ដែលបាននាំមកនូវសន្តិភាព
ឯកភាពជាតិ និងឯកភាពទឹកដីទាំងស្រុង។
លោកជំទាវ
ម៉ែន សំអន ក៏បានធ្វើការផ្តាំផ្ញើជូនបណ្តានាយនគរបាល
នាយនគរបាលរង និងពលនគរបាលនៃអង្គភាពទាំងពីរ៖១-សូមពង្រឹងស្មារតីជឿជាក់លើការដឹកនាំរបស់រាជរដ្ឋាភិបាល និងការពារសមិទ្ធផលនានា
ដែលកើតចេញពីការបោះឆ្នោតសកល ជាពិសេស
ត្រូវការពាររដ្ឋធម្មនុញ្ញ មិនឲ្យពួកអមិត្ត និងពួកប្រឆាំងមានឱកាសផ្តួលរំលំរាជរដ្ឋាភិបាលតាមមធ្យោបាយណាមួយបានជាដាច់ ខាត ២-ត្រូវបន្តប្រពៃណីតស៊ូ
និងស្មារតីស្នេហាជាតិមាតុភូមិ ហ៊ានធ្វើពលីកម្ម
និងលះបង់អ្វីៗទាំងអស់ ដើម្បីបុព្វហេតុជាតិ មាតុភូមិ និងប្រជាជន និងចេះរួមសាមគ្គីគ្នា
និងស្រឡាញ់រាប់អានគ្នា ជាធ្លុងមួយ ៣-ត្រូវការពារបូរណភាពទឹកដីឲ្យបានដាច់ខាត មិនឲ្យខ្មាំងសត្រូវឈ្លានពានទឹកដីបានសូម្បីតែមួយចំអាម តែមិនត្រូវឈ្លានពានប្រទេសជិតខាងឡើយ
និងត្រូវបង្កើនស្មារតីសាមគ្គីភាពក្នុងនាមជាប្រទេសជិតខាងល្អ ៤-សូមខិតខំបង្កើនសមត្ថភាពការងារជំនាញ តាមរយៈហ្វឹកហាត់ ជាប្រចាំ
និងប្រកាន់ខ្ជាប់នូវវិន័យរបស់កងទ័ព រក្សាសីលធម៌ ស្អាតស្អំ និងកិត្តិយសថ្លៃថ្នូរ ស័ក្តិសមជាកងទ័ពជាតិ
បំរើប្រជាជន
៥-សូមយកចិត្តទុកដាក់ ចូលរួមយ៉ាងសកម្មជាមួយកាកបាទក្រហមកម្ពុជា និងអាជ្ញាធរមានសមត្ថកិច្ចពាក់ព័ន្ធទាំងអស់ ជួយប្រជាជន ក្នុងយុទ្ធនាការផ្តល់ទឹកស្អាតជូនប្រជាពលរដ្ឋដែលកំពុងខ្វះខាតទឹក ស្អាត់ប្រើប្រាស់ ដោយឆ្នាំ២០១៦នេះជាឆ្នាំនៃគ្រោះរាំងស្ងួត ៦-ត្រូវថែរក្សាសុខភាពឲ្យបានល្អ ព្រោះសុខភាព គឺជាប្រភពថាមពលដ៏ស័ក្ដិសិទ្ធិ ៧-ត្រូវត្រៀមខ្លួនប្រយុទ្ធជានិច្ច ដោយត្រៀមគ្រប់យុទ្ធោបករណ៍សឹក និងហ្វឹកហាត់កាយសម្បទាឲ្យមានសុខភាពរឹងមាំ ដើម្បីគាំទ្រដល់ការប្រយុទ្ធឲ្យបានស័ក្ដិសិទ្ធិ និងដើម្បីការពារបូរណភាពដែនដី និង៨-ត្រូវចេះចិញ្ចឹមសត្វ ដាំដំណាំរួមផ្សំដើម្បីលើកកំពស់ ជីវភាពរស់នៅ ឲ្យកាន់តែល្អប្រសើរ និងចេះថែទាំសម្អាតអនាម័យក្នុងទីធ្លា និងការិយាល័យ នៃមូលដ្ឋានអង្គភាព។
៥-សូមយកចិត្តទុកដាក់ ចូលរួមយ៉ាងសកម្មជាមួយកាកបាទក្រហមកម្ពុជា និងអាជ្ញាធរមានសមត្ថកិច្ចពាក់ព័ន្ធទាំងអស់ ជួយប្រជាជន ក្នុងយុទ្ធនាការផ្តល់ទឹកស្អាតជូនប្រជាពលរដ្ឋដែលកំពុងខ្វះខាតទឹក ស្អាត់ប្រើប្រាស់ ដោយឆ្នាំ២០១៦នេះជាឆ្នាំនៃគ្រោះរាំងស្ងួត ៦-ត្រូវថែរក្សាសុខភាពឲ្យបានល្អ ព្រោះសុខភាព គឺជាប្រភពថាមពលដ៏ស័ក្ដិសិទ្ធិ ៧-ត្រូវត្រៀមខ្លួនប្រយុទ្ធជានិច្ច ដោយត្រៀមគ្រប់យុទ្ធោបករណ៍សឹក និងហ្វឹកហាត់កាយសម្បទាឲ្យមានសុខភាពរឹងមាំ ដើម្បីគាំទ្រដល់ការប្រយុទ្ធឲ្យបានស័ក្ដិសិទ្ធិ និងដើម្បីការពារបូរណភាពដែនដី និង៨-ត្រូវចេះចិញ្ចឹមសត្វ ដាំដំណាំរួមផ្សំដើម្បីលើកកំពស់ ជីវភាពរស់នៅ ឲ្យកាន់តែល្អប្រសើរ និងចេះថែទាំសម្អាតអនាម័យក្នុងទីធ្លា និងការិយាល័យ នៃមូលដ្ឋានអង្គភាព។
ជាទីបញ្ចប់លោកជំទាវ
ម៉ែន សំអន ក៏បានថ្លែងអំណរគុណដល់ក្រុមហ៊ុនម៉ុងឫទ្ធីគ្រុប ក្រុមហ៊ុនគូហ៊ូឡុង
បណ្ដាសប្បុរសជន ថ្នាក់ដឹកនាំគ្រប់លំដាប់ថ្នាក់ និងមន្រ្ដីរាជការ នៃក្រសួងទំនាក់ទំនងជាមួយរដ្ឋសភា-ព្រឹទ្ធសភា
និងអធិការកិច្ចដែលបានចូលរួមបរិច្ចាគធនធានមានទាំងសម្ភារៈ និងថវិកា
ដើម្បីរួមចំណែកជួយគាំទ្រ និងលើកទឹកចិត្ដដល់កងកម្លាំងប្រដាប់អាវុធដែលកំពុងឈរជើងប្រចាំការក្នុងភារកិច្ច ដ៏ឧត្តមការពារបូរណភាពទឹកដីយ៉ាងអង់អាចក្លាហានក្នុងភូមិសាស្រ្ដខេត្ដកោះកុងនេះ ឲ្យកាន់តែមានកម្លាំងចិត្ត
និងភាពកក់ក្ដៅថែមទៀត។
No comments:
Post a Comment