នៅថ្ងៃទី២៥ ខែឧសភា
ឆ្នាំ២០១៦ លោកជំទាវឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា
និងអធិការកិច្ចបានអញ្ជើញជាអធិបតីក្នុងពិធីសម្ពោធរោងចក្រទឹកដោះគោអង្គរ
ដែលមានទីតាំងនៅក្នុងតំបន់សេដ្ឋកិច្ចពិសេសភ្នំពេញ រាជធានីភ្នំពេញ ។
លោកជំទាវ ម៉ែន
សំអន ក៏បានមានប្រសាសន៍ថា រាជរដ្ឋាភិបាលកម្ពុជា បានចាត់ទុកវិស័យឯកជនជាក្បាលម៉ាស៊ីនដ៏សំខាន់
ដើម្បីរួមចំណែកដល់កិច្ចអភិវឌ្ឍសេដ្ឋកិច្ច-សង្គម និងបានបង្ក លក្ខណៈងាយស្រួល ដោយជម្រុញវិស័យឯកជនឲ្យរីកលូតលាស់ តាមរយៈការអនុវត្តយុទ្ធ សាស្រ្ដចតុកោណដំណាក់កាលទី៣
ដើម្បីកំណើនការងារសមធម៌ និងប្រសិទ្ធភាព។
លោកជំទាវ ម៉ែន សំអន ក៏បានកោតសសើរដល់ក្រុមហ៊ុនទឹកដោះគោ
វៀតណាម (VINAMILK) ដែលបានសហការជាមួយក្រុមហ៊ុន
BPC Trading ដែលបានផ្តល់ទំនុកចិត្ត និង សម្រេចចិត្តវិនិយោគ ដោយបង្កើតរោងចក្រទឹកដោះគោអង្គរ
ដែលមានទីតាំងស្ថិតនៅក្នុងតំបន់សេដ្ឋកិច្ច ពិសេសនេះ។ ការបង្កើតរោងចក្រនេះគឺពិតជាអាចរួមចំណែករក្សាស្ថិរភាព
និងកំណើនសេដ្ឋកិច្ចនៅកម្ពុជា តាមរយៈការផ្ដល់ចំណូល និងឱកាសការងារដល់ប្រជាពលរដ្ឋ
ដែលជាកត្ដាចាំបាច់ក្នុងការជួយកាត់បន្ថយភាពក្រីក្រ។ លើសពីនេះទៅទៀត វាក៏ជាការរួមចំណែកក្នុងការងារនគរូបនីយកម្ម
និងការអភិវឌ្ឍរាជធានីភ្នំពេញ និងដោយបានកាត់បន្ថយការធ្វើចំណាកស្រុកទៅធ្វើការនៅប្រទេសជិតខាងផងដែរ។
No comments:
Post a Comment