សម្ដេចអគ្គមហាពញាចក្រី ហេង សំរិន
ប្រធានរដ្ឋសភា នៅព្រឹកថ្ងៃពុធទី០៤ ខែឧសភា ឆ្នាំ២០១៦ នេះ បានដឹកនាំកិច្ចប្រជុំគណៈកម្មាធិការ
អចិន្ត្រៃយ៍ រដ្ឋសភា ដោយបានពិភាក្សានិងអនុម័តរបៀបវារៈចំនួនបី។
របៀបវារៈទំាងបី ដែលកិច្ចប្រជុំគណៈកម្មាធិការអចិន្រ្តៃយ៍រដ្ឋសភា
បានអនុម័តរួមមាន អនុម័តយល់ព្រម លើសំណើជ្រើសតំាងសមាជិកព្រឹទ្ធសភា នីតិកាល
ទី៣ ចំនួន០១រូប ជំនួស សម្តេចរាជបុត្រីព្រះរៀម នរោត្តម បុប្ផាទេវី ដែលបានសុំលាលែង ដោយប្រគល់ភារៈកិច្ចជូន
អគ្គលេខាធិការដ្ឋាន រដ្ឋសភា ប្រកាសជ្រើសរើសបេក្ខជន។
អង្គប្រជុំបានអនុម័តប្រគល់ សេចក្តីព្រាងច្បាប់ស្តីពី
ការអនុម័តយល់ព្រមលើកិច្ចព្រមព្រៀង រវាងរាជរដ្ឋាភិបាលនៃព្រះរាជាណាចក្រកម្ពុជា
និងរដ្ឋាភិបាល ហុងគ្រី ស្តីពីការជំរុញ និងការការពារទៅវិញ ទៅមកនៃវិនិយោគ
ជូនគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក
នៃរដ្ឋសភា ពិនិត្យនិងសិក្សា ដោយសហការជាមួយគណៈកម្មការកិច្ចការបរទេសសហប្រតិបការ អន្តរជាតិ ឃោសនាការ និងព័ត៌មាន និងបានប្រគល់ សេចក្តីព្រាងច្បាប់
ស្តីពីយុត្តិធម៌អនីតិជន ជូនគណៈកម្មការ នីតិកម្ម និងយុត្តិធម៌នៃរដ្ឋសភា
ពិនិត្យនិងសិក្សា ដោយសហការជាមួយគណៈកម្មការ សុខាភិបាល សង្គមកិច្ច អតីតយុទ្ធជន
យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី ៕
No comments:
Post a Comment