នាព្រឹកថ្ងៃទី១៧
ខែកុម្ភៈ ឆ្នាំ២០១៦ លោកជំទាវឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា
និងអធិការកិច្ច ជាប្រធានសមាគមនារី កម្ពុជា ដើម្បីសន្តិភាព និងអភិវឌ្ឍន៍ បានអញ្ជើញចូលជួបសំណេះសំណាល និងសាកសួរសុខទុក្ខជាមួយបងប្អូននៅ
សមាគមនារីកម្ពុជា ដើម្បីសន្តិភាព និងអភិវឌ្ឍន៍ សាខាម៉ែលប៊ន ប្រទេសអូស្ត្រាលី ។
លោកជំទាវ ម៉ែន
សំអន មានប្រសាសន៍ថា ថ្នាក់ដឹកនាំរបស់សមាគមនារីកម្ពុជា ដើម្បីសន្តិភាព
និងអភិវឌ្ឍន៍ បានប្រើប្រាស់ធនធានរបស់ខ្លួនក្នុងការបម្រើការងារសង្គម ការងារមនុស្សធម៌
និងការងារអប់រំ ដើម្បីបានជិតស្និទ្ធជាមួយនឹងប្រជាពលរដ្ឋ ដឹងសុខទុក្ខលំបាក
និងការប្រឈមទាំងឡាយរបស់ប្រជាពលរដ្ឋ ជាពិសេស ស្រ្តីងាយរងគ្រោះ ហើយធ្វើការដោះស្រាយបានទាន់ពេល
ក្នុងន័យរួមចំណែកជាមួយរាជរដ្ឋាភិបាលក្នុងការអភិវឌ្ឍន៍ប្រទេស។ ក្នុងនោះផងដែរសមាគមនារីកម្ពុជាក៏បានពង្រឹង
និងពង្រីកកិច្ចសហការ ជាមួយអង្គការមិនមែនរដ្ឋាភិបាល ដៃគូជាតិ អន្តរជាតិដទៃទៀត
ក្នុងការស្វែងរកធនធានមនុស្សបន្ថែមទៀត ដើម្បីផ្គត់ផ្គង់សកម្មភាពក្នុងការចូលរួមការងារសង្គម
និងអភិវឌ្ឍស្របតាមទិសដៅរបស់រាជរដ្ឋាភិបាល ក្រោមការដឹកនាំរបស់សម្តេចអគ្គមហាសេនាបតីតេជោ
ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។
លោកជំទាវ ម៉ែន
សំអន បានថ្លែងអំណរគុណចំពោះការដឹកនាំរបស់សមាគមនារីកម្ពុជា ដើម្បីសន្តិភាព
និងអភិវឌ្ឍន៍ សាខាម៉ែលប៊ន ប្រទេសអូស្ត្រាលី កន្លងមកក្នុងការលើកស្ទួយដល់នារីកម្ពុជាដែលបានរស់នៅក្នុងប្រទេសអូស្ត្រាលី
និងបានសំណូមពរឲ្យថ្នាក់ដឹកនាំសមាគមនារីកម្ពុជា ដើម្បីសន្តិភាព និងអភិវឌ្ឍន៍
សាខាម៉ែលប៊ន ប្រទេសអូស្ត្រាលី ត្រូវខិតខំបន្ថែមទៀតក្នុងការពង្រឹងកិច្ចសហប្រតិបត្តិការវាងសមាគមនេះ៕
No comments:
Post a Comment