នៅថ្ងៃទី ១៨ ខែមករា ឆ្នាំ២០១៦នេះ សម្តេចតេជោ ហ៊ុន សែន បានបង្ហោះនូវអត្ថបទទស្សន៍ទាយ
របស់ហោរាសាស្ត្រថៃដ៏ល្បីមួយរូប លើPage ផ្លូវការរបស់សម្តេច ដែលសម្តេចបានលើកឡើងថា
ការទស្សន៍ទាយនោះត្រូវនោះមហាសែនត្រូវ។
នាយករដ្ឋមន្ត្រីកម្ពុជា សម្តេច ហ៊ុន សែន បានលើកឡើងថា ការទស្សន៍ទាយនេះមិនមែនទើបតែធ្វើឡើងថ្មីៗនេះទេ
ប៉ុន្តែសម្តេច ទើបតែបានអាន។ «ខ្ញុំមិនដែលបានអាននូវអត្ថបទកាសែតថៃ
ដែលចុះផ្សាយពីគ្រូទាយថៃដែលបានទាយពីនយោបាយខ្មែរនោះទេ។ ចៃដន្យ ខ្ញុំឃើញអត្ថបទនេះមុននេះ៤ថ្ងៃ
ខ្ញុំឆ្លៀតអានក៏ប្រទះឃើញលើចំណុចអ្នកនយោបាយខ្លះចង់បោកខ្ញុំ តែត្រូវខ្ញុំដឹងក៏វាយបំផ្លាញចោលវិញនូវល្បិចដ៏អាក្រក់នោះ។
ត្រូវមហាសែនត្រូវលើចំណុចនេះ»។
ជាចុងក្រោយសម្តេចតេជោ បានបន្ថែមថា សូមផ្តាំផ្ញើថា អ្នកបោកប្រាស់
ហ៊ុន សែន បាន មិនទាន់កើតពីផ្ទៃម្តាយនៅឡើយទេ ហើយសូមកុំប្រាថ្នាបោកប្រាស់តទៅទៀត។ បើចង់លេងជាមួយ
ហ៊ុន សែន គឺសុំតែការស្មោះត្រង់ប៉ុណ្ណោះ៕
No comments:
Post a Comment