នៅក្រសួងសង្គមកិច្ចអតីតយុទ្ធជននិងយុវនីតិសម្បទាកាលពីថ្ងៃទី១៨ខែមករាឆ្នាំ២០១ លោកជំទាវម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយ ព្រឹទ្ធសភា រដ្ឋសភា និងអធិការកិច្ច និងតំណាងសម្ដេចអគ្គមហាសេនាបតីតេជោហ៊ុនសែន បានបញ្ជាក់ថា៖ ក្នុងនាមរាជរដ្ឋាភិបាលលោកស្រីសូមអំពាវនាវឲ្យនៅគ្រប់ស្ថាប័នពាក់ព័ន្ធត្រូវចាត់វិធានការគ្រប់បែបយ៉ាង ដើម្បីឲ្យកុមារទាំងអស់បានចូលរៀន នៅសាលារដ្ឋ និងឯកជនទំាងអស់គ្នា ជាពិសេស ត្រូវចូលរួម ផ្ដល់អាហារូបត្ថម្ភ គ្រប់បែបយ៉ាង ដើម្បីឲ្យកុមារទាំងអស់ បានចូលរៀន ឬក៏ការបណ្តុះបណ្តាលជំនាញ ក្នុងគោលបំណង ឲ្យស្របទៅតាមប្រធានបទ (គ្មានពលកម្មលើកុមារ ,គ្មានអំពើហឹង្សាលើកុមារ ផ្ដល់ការអប់រំ ដែលមានគុណភាពដល់កុមារទន់ខ្សោយ)។ លោកជំទាវ ម៉ែន សំអន បានអំពាវនាវបែបនេះ ក្នុងខណៈ អញ្ជើញជាអធិបតី ក្នុងពិធីផ្សព្វផ្សាយ ផែនការសកម្មភាពជាតិស្ដីការអភិវឌ្ឍកុមារ ឆ្នំា២០១៦-២០១៨។
លោកជំទាវ ម៉ែន សំអន បានបញ្ជាក់ថា រាជរដ្ឋាភិបាលកម្ពុជា បាននិងកំពុងខិតខំប្រឹងប្រែង លើកកម្ពស់អាហាររូបត្ថម្ភដល់កុមារគ្រប់ៗរូប តាមរយៈការអនុវត្តកម្មវិធីសុខភាពបន្តពូជ មាតា ទារក កុមារ និងអាហាររូបត្ថម្ភដែលជាផែនបង្ហាញផ្លូវសម្រាប់ពន្លឿនការកែលម្អអាហាររូបត្ថម្ភឆ្នាំ២០១៦-២០១៨។និងកៀងគរធនធានរកប្រភពចំណូលហិរញ្ញវត្ថុពីបណ្ដាអង្គការសង្គមស៊ីវិលផ្សេងៗ មកអនុវត្ដឲ្យស្របទៅតាមការប្ដេជ្ញាចិត្ដរបស់រាជរដ្ឋាភិបាលកម្ពុជា ចំពោះកុមារសំដៅអនុវត្ដតាមអនុសាសន៏របស់គណៈកម្មាធិការសិទ្ធិកុមារ នៃអង្គការសហប្រជាជាតិ។ កុមារដែលជាគ្រួសារ នៅតាមជនបទក្រីក្រ ហើយមិនមានការសិក្សារអប់រំ បញ្ហាកង្វះអាហារ រូបឧបត្ថម្ភ មានកម្រិតខ្ពស់ ជាងកុមារដែលជាគ្រួសារ មានជីវភាពធូរធារ នៅទីប្រជុំជន និងមានការសិក្សាអប់រំខ្ពស់។
លោកជំទាវ ម៉ែន សំអន មានប្រសាសន៍បន្តថា បញ្ហាពលកម្មកុមារ មានការធ្លាក់ចុះ គួរឲ្យកត់សម្គាល់ សមាមាត្រពលកម្មកុមារ ធៀបនឹងចំនួនកុមារសរុប បានធ្លាក់ចុះប្រហែល ២០ ភាគរយ ក្នុងឆ្នាំ២០០៩ មកត្រឹម ៩,៩ ភាគរយ នៅឆ្នាំ២០១៤។ សមាមាត្រពលកម្មកុមារ នៅតំបន់ជនបទ មានចំនួនខ្ពស់ ប្រមាណ ១១,៥ ភាគរយ បើធៀបនឹងទីប្រជុំជន មានតែប្រមាណ ៦,៥ ភាគរយប៉ុណ្ណោះ។ ភាគច្រើននៃពលកម្មកុមារ ធ្វើការងារក្នុងវិស័យកសិកម្មសិប្បកម្មខ្នាតតូច និងកុមារបម្រើការងារតាមផ្ទះ។ប្រេវ៉ាឡង់ពលកម្មកុមារមានអត្រាខ្ពស់ប្រមាណ ២០ ភាគរយ ប្រៀបធៀបនឹងចំណុចដៅ ៨ ភាគរយ ក្នុងគោលដៅអភិវឌ្ឍន៍សហស្សវត្សរ៍កម្ពុជានឹងគ្មានពលកម្មលើកុមារនៅឆ្នាំ២០២០៕
No comments:
Post a Comment