ក្នុងវេទិកាសំណេះសំណាលជាមួយប្រជាពលរដ្ឋនៅឃុំរនាម
ស្រុកទ្រាំង ខេត្តតាកែវ នាថ្ងៃអាទិត្យ ទី២៦ ខែមេសា ឆ្នាំ២០១៥ អនុប្រធានប្រធានគណបក្សសង្រ្គោះជាតិលោក
កឹម សុខា ថ្លែងថា ការដែលបក្សកាន់អំណាចព្រមបង្កើតឲ្យមានវប្បធម៌សន្ទនា
ដើម្បីដោះស្រាយបញ្ហាជាតិនាពេលថ្មីៗនេះ
ដោយសារតែសន្ទុះរួបរួមគ្នារបស់ពលរដ្ឋគាំទ្របក្សប្រឆាំងឡើងខ្លាំង នៅអាណត្តិទី៥នេះ។ ហើយការគាំទ្រយ៉ាងគំហុកនេះ
ជាកត្តាជំរុញឲ្យបក្សកាន់អំណាច ទទួលយកវប្បធម៌សន្ទនាជាមួយគណបក្សសង្គ្រោះជាតិ
ដូចបច្ចុប្បន្ននេះ។
តើហេតុអ្វីបានជាលោក កឹម សុខា ហ៊ានអះអាងបែបនេះ? ខណៈពេលដែល លោក សម រង្ស៊ី ទទួលស្គាល់ថា វប្បធម៌សន្ទនា គឹបង្កើតទ្បើងដោយសហស្ថាបនិកពីររូប
គឺ សម្តេចនាយករដ្ឋមន្ត្រី ហ៊ុន សែន និងរូបលោក សម
រង្ស៊ី ខ្លួនឯងផ្ទាល់នោះ?
អ្នកប្រវត្តិសាស្ត្រ
អ្នកឃ្លាំមើលព្រឹត្តិការណ៍នយោបាយនៅកម្ពុជា បានដឹងហើយអបអរសាទរ នឹងអ្នកនយោបាយដែលចាប់យកវប្បធម៌មិនយកគ្នាជាសត្រូវ
ដើម្បីដោះស្រាយបញ្ហាជាតិ។ វប្បធម៌សន្ទនានេះ បាននាំមកនូវសន្តិភាពខាងក្រៅ គឹការបញ្ចប់សង្រ្គាមស៊ីវិលទាំងស្រុង ហើយបានបន្តសាងនូវសន្តិភាពខាងក្នុង
ដែលនាំមកនូវសន្តិភាពផ្លូវចិត្ត សម្រាប់ប្រជាពលរដ្ឋខ្មែរគ្រប់ស្រទាប់វណ្ណៈ គ្រប់និន្នាការនយោបាយ
រហូរមកទល់បច្ចុប្បន្ននេះ។
ដូចនេះ
វប្បធម៌សន្ទនាដែលគណបក្សប្រជាជនកម្ពុជាកំពុងបង្កើតឡើងជាមួយមេបក្សប្រឆាំង
លោក សម រង្ស៊ី មិនផ្តោតសំខាន់លើសំឡេងច្រើនឬតិច
ដូចការលើកទ្បើងរបស់លោក កឹម សុខា នោះទេ ពោលគឺការបង្កើតវប្បធម៌នេះ ដើម្បីលុបបំបាត់វប្បធម៌ប្រទូស្តរាយគ្នា កសាងនូវសន្តិភាព ស្ថេរភាពនយោបាយ និងការអភិវឌ្ឍន៍ជាតិ តែប៉ុណ្ណោះ។
ជាក់ស្តែង វប្បធម៌សន្ទនា គណបក្សប្រជាជនកម្ពុជា បានអនុវត្តតាំងពីចុងទសវត្សឆ្នាំ ៨០ ដោយព្រះបាទ នរោត្តម សីហនុ និង
សម្តេច ហ៊ុន សែន ដែលវប្បធម៌នេះ បង្កើតបានកិច្ចប្រឹងប្រែងសន្តិភាព ដែលបានចាប់ផ្ដើមនៅទីក្រុងប៉ារីស
ប្រទេសបារាំង នាថ្ងៃ ២ ធ្នូ ឆ្នាំ១៩៨៧ ក្រោមរបបរដ្ឋកម្ពុជា
ហើយបានបញ្ចប់នៅបួនឆ្នាំក្រោយមកទៀត គឺនៅថ្ងៃទី២៣ ខែតុលា ឆ្នាំ១៩៩១
ក្នុងការផ្សះផ្សាសន្តិភាពយោគយល់គ្នា។ អង្គការសហប្រជាជាតិ
ត្រូវបានគេផ្ដល់អំណាចដើម្បីអនុវត្តឱ្យមានបទឈប់បាញ់គ្នា
និងដោះស្រាយជាមួយពួកជនភៀសខ្លួន ការដកហូតអាវុធ និងបោះឆ្នោតជាសកល ខែឧសភា ឆ្នាំ១៩៩៣
ដែលត្រូវបានគេស្គាល់ថា ជាអាជ្ញាធរបណ្ដោះអាសន្នរបស់សហប្រជាជាតិប្រចាំកម្ពុជា ហៅកាត់ថា អ៊ុនតាក់ (UNTAC)។
យើងដឹងហើយថា
នៅក្នុងការគ្រប់គ្រងប្រទេសកម្ពុជា ដោយអ៊ុនតាក់នេះ ក្រុមកម្ពុជាប្រជា ធិបតេយ្យ ហៅខ្មែរក្រហម មិនបានសហការ ជាមួយអាជ្ញាធរនេះឡើយ រហូតមានទំនាស់គ្នាទៀតផង។ ពិសេស ពួកខ្មែរក្រហម មិនបានចូលរួមបោះឆ្នោតជ្រើសតាំងតំណាងរាស្ត្រ
អាណត្តិ ទី១ ឆ្នាំ១៩៩៣ទេ ព្រមទាំងបង្កអសន្តិសុខ ផ្ទុះសង្គ្រាមជាមួយរដ្ឋាភិបាលក្រុងភ្នំពេញ នៅតំបន់ប៉ែក ខាងលិចប្រទេសកម្ពុជា។
ពោល ស្ថានភាពនៅតំបន់ប៉ែកខាងលិចនេះ
ស្ថិតក្នុងសន្តិភាពផង និងសង្រ្គាមផង
ដោយនៅមានស្នូរកាំភ្លើងប្រយុទ្ធគ្នារវាងខ្មែរ និងខ្មែរនៅឡើយ ហើយក្រោយឆ្នាំ១៩៩៨ ត្រូវបានកាត់បន្ថយផ្នែកសង្រ្គាម
និងអសន្តិសុខ ហើយមានសន្តិភាពដូចបច្ចុប្បន្ននេះ ដោយសានយោបាយបង្រួបបង្រួមជាតិរបស់ព្រះបរមរតនកោដ្ឋ នរោត្តម សីហនុ និងនយោបាយឈ្នះឈ្នះ របស់សម្តេចនាយករដ្ឋមន្រ្តី ហ៊ុន
សែន ដែល បានអនុវត្តកាលពីថ្ងៃ២ ខែធ្នូ ឆ្នាំ១៩៩៨ ដោយឈលើវប្បធម៌សន្ទនានេះឯង។
តើកិច្ចព្រមព្រៀងទីក្រុងប៉ារីស
នយោបាយឈ្នះឈ្នះរបស់សម្តេចនាយករដ្ឋមន្រ្តី ហ៊ុន សែន ឆ្នាំ១៩៩៨ ដោយឈរលើវប្បធម៌សន្ទនានេះបានដោយសាការគាំទ្រយ៉ាងគំហុករបស់បក្ស
ប្រឆាំង ជាកត្តាជំរុញឲ្យបក្សកាន់អំណាច ទទួលយកវប្បធម៌សន្ទនាជាមួយដៃគូនយោបាយដូចបច្ចុប្បន្ននេះឬ? បកមកបរិបទនយោបាយកម្ពុជាបច្ចុប្បន្ន វប្បធម៌សន្ទនា នូវតែបន្តអនុវត្តដោយ
ម្តេចនាយករដ្ឋមន្រ្តី ហ៊ុន សែន
ដោយការប្រឹងប្រែងទាំងនេះ ក៏ទទួលបានជាបទពិសោធន៍ សម្រាប់សង្គមប្រជាជាតិដទៃទៀតទាំងក្នុងតំបន់ និងពិភពលោក
ដែលពួកគេប្រាថ្នាចង់បាន សុខសន្តិភាព ដែលផ្តើមចេញពីវប្បធម៍នៃការសន្ទនាដូចគ្នានិងកម្ពុជា។
ដែលក្នុងនោះ គេបាន មើលឃើញ និងកោតសរសើ ហើយកត់សំគាល់ថា «គ្រប់សមាសភាពមន្ត្រីរាជការ អាចមាន លទ្ធភាពចូលរួមជាមួយនិងរដ្ឋាភិបាលតេជោ.សែន មិនគិតថា មាននិន្នាការនយោបាយបែបណា
គេជាអតីតមន្ត្រីនៃសម័យកាល សង្គមរាស្ត្រនិយម សម័យនៃរបប លន់ នល់ ខ្មែរក្រហម ឬអ្នកធ្វើ មាតុភូមិនិវត្តន៍ចូលមកកម្ពុជាវិញនោះទេ»។ «អ្វីដែលសំខាន់ វប្បធម៌សន្ទនាចាស់
ដៃគូសន្ទនា ថ្មីតែប៉ុណ្ណោះ»
ទោះយ៉ាងណាក៏ដោយ លោក កឹម សុខា
មិនដែលសប្បាយចិត្តនឹងវប្បធម៌សន្ទនានេះ ដូចមេបក្សរបស់ខ្លួន លោក សម
រង្ស៊ី ម្តងណាទេ ជាក់ស្តែង «ទាំងនៅស្រុកខ្មែរ រហូតដល់អាមេរិក គាត់តែងនិយាយថា
គាត់មិនពេញចិត្តអំពីវប្បធម៌សន្ទនាទេ ដែលទង្វើនេះ បង្ហាញអោយឃើញពីការដើរផ្ទុយពីគោលជំហររបស់មេបក្សរបស់ខ្លួន»។ ដែលវប្បធម៌នេះ ត្រូវបានលោកលោក សម រង្ស៊ី ចាត់ទុកថា ជានិមិត្តរូបនៃការឯកភាពជាតិ ដែលខ្មែរមាននិន្នាការខុសគ្នា ចេះគោរពគ្នា និងធ្វើការជាមួយគ្នា
ហើយលោកហៅទង្វើទាំងនេះថា នេះជាមោទនភាពរបស់កម្ពុជា ដែលមានការកោតសរសើរពីអន្តរជាតិ៕
No comments:
Post a Comment